tinywitch blog: August 2007 Archives
« July 2007 |
Back to my blog or Go to my website
| September 2007 »
去年二佬haven在此blog初出場時,
迷倒不少女網友, 仲叫我post多d佢既相。
現在他一歲多, 個頭幾大個呢! 真想搣下佢!
haven玩波短片~
我為食, 等不了老公公司的免費月餅,
便在美心買左一個三黃白蓮蓉吃。
一切好, 大少忽然爬上檯, 擔走左個月餅膠袋。
呢頭老公搶番個膠袋, 呢頭大少就爬上來喉住個月餅!
我就把握機會即snap, 隨即趕走佢~~~
貪心的鬥雞眼~ wakakaka!
是日戰利品:
1) 用開既petio斷貨, 買左cattyman木天蓼送俾Jeff的愛貓福頭及其仇家居居囡囡。
(to Jeff: BB太細未會玩0架! 你俾兩隻大, 一貓一枝啦~ 費事打架啊!)
2) drinkwell終於有香港代理, 價錢ok又可以玩種貓草, 托左個回家。
3) 食哂applaws, 入左少少tuna+prawn & pumpkin+chicken。
兩位主子好滿意新水機。
水務處長dali仲不時巡視業務,
飲飽水後, 仲好陶醉地遙望著水機樁眼訓!
三大電動水機: petmate, catit & drinkwell, 我比較喜歡後者的簡單實用設計。
petmate (link here)好多地方都有得買, 但感覺一般。
catit (link here)好巨型, 遲d佢地玩厭drinkwell才會考慮。
drinkwell: 美國官網/ 台灣分銷商, 圖文並茂/ 香港代理, 有分銷商地址
前日第一次做yin yang, 動作慢慢的, 幾新鮮。
到後段老師要我們蹲下來, 心忖又來crow pose?
上次做hatha才能升起個人一秒咁大把...
(同埋唔知點解一話要做crow pose, 我就忍不住笑!)
結果原來是frog pose, 未試過, 以為好容易,
點知yin yang的pose是要hold十世... 蹲死人了! kakaka!
左: frog pose 右: crow pose
上星期某晚, 大少搔完耳仔後,
一隻耳仔捲了起來~ XD
B貨捲耳貓!
有時諗, 無論大少幾好玩, d人多數都是喜歡睡魔二少~
不過我兩個都愛~ 一個凹, 一個凸, 缺一不可。
gloria 傳來六隻bb玉照~
佢話全部都會keep, 黎緊會desex所有貓貓, 真是太好了!
暫時bb未正式改名, 只有一個暫叫大舊b, 因為好大舊。
佢其中一隻眼仔仲開左少少呢!
photo by gloria.
facebook促成了我同中學老友aby的午聚。
兩個人聚在一起, 什麼都談, 最大篇幅是說她的新家庭成員: julie
aby能夠鼓起勇氣, 再次養狗, 我真的戥佢高興。
多少年了... 因為一些賤人所為, 令tiller被毒死...
我當時問她會否再養, 那一刻她的表情, 是何等傷心,
然後決絕的說不會了。
咁多年來, 我對此耿耿於懷, 總希望aby一天再養狗。
因為能夠被她收養的狗, 一定會得到幸福。
tiller雖然紅顏薄命, 但aby的出現, 令佢得到前所未有的快樂。
相信tiller一定希望其他狗狗都有幸得到aby的愛。
當aby早幾日在facebook add我, 我發現她的profile pic非常吸引~
是新狗狗julie啊!!! aby終於再養狗了! 那一刻, 我由心笑出來。
細看juile dogbook profile, 是金毛尋回犬!
而且是從dog rescue收養了兩個月呢!
原來aby已經research及prepare了一年, 才決定再養狗。
考下佢對飼料的認識, 首次有朋友可以快而準道出飼料資料,
仲同我討論一些照顧狗狗基本常識,
真是令我very proud to be her friend~
可知我好多時問朋友俾貓狗食的乾/濕糧牌子,
十之八九說不出來, 多想兜巴聲打佢地!
(學得人養又唔做功課, 真是很令人討厭。)
然後aby說了句: '我好多都是在internet自己學回來, 網上好多呢d資料~'
嘩! 呢一句在我的blog寫左幾多次!!! 果然是老死!!!
呢餐晏, 我食得超開心~
講番靚女julie, 獸醫估佢只有九個月大,
狗仔細細, 仲要是純種狗, 為何會在dog rescue?
又是無良自私的人!!!
julie面上清晰可見被人用野綁住個口而留下的傷痕。
屋企唔俾養狗就唔好養! 要佢受苦何苦呢?
鬼唔望呢d人快d死!
anyway, julie而家in good hands,
經aby悉心照顧已經好靚~
有疤痕唔緊要, 健康快樂就夠了!
Julie: "HK dog rescue有好多好似我咁靚既狗狗。
佢地都是被無良、無責任心的衰人遺棄。
養動物前請停一停、諗一諗。
做足準備、搜集資料及學習正確對待動物的態度!"
Aby & Julie. Photo by Ali Bullock. All rights reserved.
Julie's blog: LINK HERE
忘了關鬧鐘, 一早起左身...
在書房抱抱下einstein, 覺得佢要沖涼了...
遂ad hoc地去廁所準備架部...
雖然兩兄弟從未試過在廁所沖涼 (以前都是在廚房),
但聰明的大少已識破我奸計,
未捉佢已一早逃到藍椅下躲藏。
到正式沖涼時, 佢竟然極乖極合作,
用水射佢都企定定唔郁,
只是喵左幾次, 奇蹟啊!
佢連吹乾時都無掙扎, 梳毛時仲好冧!
dali在哥哥沖涼時, 已經驚定, 騰來騰去。
水務處長入到浴缸失哂暈, 四圍抓想走人。
沖完涼哥哥仲走去錫番佢。
同佢吹乾都搞左一陣, 不過都算乖了~
沖完涼, 我地三個都很累, 齊齊午睡~
如果我出貓書...
這個封面蠻不錯吧!
雖然之前不少朋友叫過我出書,
但因為又懶又怕麻煩, 完全無認真考慮。
直至早兩日跟幻彩msn後, 才開始想想...
可能是廿年後才付諸實行? wakakaka!
昨日同老公說起, 最強大的推動力...
可能是主子百年歸老時追思懷古。
不過這種情況下出書, 實在悲哀。
平常我愛教訓人不會趁人在生送花,
只會拜山送殯才來個花海, 鬼知道呢?
又貓又橙髮又omega, 以為今次實走唔甩...
可能cwc 知道13不祥,
體貼地將cloud 9 bowl設定為sbl,
慳番!!!
過去四日, 睡得比以前不尋常。
第一日, dali超0爹的攬住我的手在同一枕頭睡。
(佢依家訓覺好乖, 好少搞搞震。)
但天光時, 變左是einstein睡在我的枕頭...
不過當時仍然好乖, 好可愛。
第二天, dali已再無同我同一枕頭睡,
einstein繼續痴住我個頭睡,
仲開始霸道用pat pat "bell"開我個頭到枕頭邊。
第三天, 我開始反抗, 想訓番入d個枕頭睡,
einstein就報復, 索性成個身包住我個頭,
再逼我訓落d, 離開個枕頭...
結果我拎起支噴水壺, 佢就立即離開枕頭。
第四天, 佢又訓訓下"bell"開我, 我用手撥開佢,
佢立即咬我隻手卜還擊... 當然我又拎起支噴水壺...
佢便速逃... 但隔左一陣佢就大大力刮衣櫃想我地起身...
結果佢當然俾老公掟出廳。
嘿... 唔知佢今晚有乜新招~ 我今晚可以好好奉陪~ ki!
昨晚偷拍兩兄弟"依泣"時...
被大少發現, 立即埋來擋住鏡頭唔俾影...
 紅左0勒... 巴閉0勒... 唔俾人影相...
等緊老公回來開飯... 寫下blog先~
今晚呢餐好organic, 意粉及醬料就一早買落,
(Jeff少下次唔好買百德阿姨0勒!
我地屋企長有lensi 及之意粉醬料0架!)
免治牛同西蘭花是路過Three Sixty順手買的。
(西蘭花質感比taste, great及city super還要好, 超 fresh~)
老公快d回來啦~
食完... 忘了拍完成品...wakakaka!
是日assignment。
揀浸大好啊! 我也相信浸大0岩小March。
因為我在那裡遇上世上最好的老師 - 黎翠珍。
當然小March跟我讀的完全無關,
但個人認為浸大幾適合心智未成熟, 仲要人guide的人讀。
5年後究竟是龍是蟲, 大家拭目以待!
PS : 雖然佢答問題時成日玩咪, 但答得有紋有路。
答英文問題時, 連"sufficient", "communicating"都運用自如, 勁!
吃到好味的, 就要紀錄下來。
1) 昨晚在星街吃的burger, onion rings及strawberry shake~~
2) 今晚在浸大飯堂六合吃的薑蔥牛肉撈麵加咸蛋。
兩位小道友又玩木天蓼~
本來見dali霸左哥哥的米袋,
諗住拎木天蓼俾個樣好慘的大少玩...
點知細佬一見木天蓼即刻衝埋黎...
好啦~ 好啦~ 一貓一枝0勒!
今次去日本, 無帶洗頭水, 只是在涉谷的"藥"買了tsubaki用。
山茶花油成份, 日本銷量no.1... 之前聽過很多很多, 用左真係喜歡上了。
找了兩日, 今晚cwb卓悅門口問sales嬸有無tsubaki..
佢想也沒想便說沒有, 我諗佢不諳英文, 所以算啦...
但呢個時候, 我見到前面一個女仔拎住支tsubaki物體,
我上前又拎來看, 是tsubaki conditioner。
然後我又問sales, 呢隻有無洗頭水啊? 佢話有, 即刻叫同事入倉拎。
最後佢同事拎左成籃出來, 就係咁, 我用$110買左兩支shampoo。
後來行citysuper, 要成$115先至一支, 好貴呢!
山茶花~ 真是會令頭髮滑lulu, 好好梳~ 電左髮都無問題。
今日同白灰貓奴傾電話, 佢話貓版太長了...
一直都好想solve左個問題, 終於今日在yahoo找到個好blog幫手!
Alden Bates是用MT高手, 仲提供Paged Archives Plugin download。
裝左之後, 抄埋佢category template的編碼就搞掂。
依家所有category page都有分頁了! 好感動!!!
本來都想同main index分頁, 但整極都唔０岩,
不過算啦! category page可以分頁, 我己經還神了!
聽見可愛的vanb妹妹呼喚, wuying巫出動!
攝於富田農場巨型太陽花花園。
老公在旺角扭回來的小cheb扭蛋。
扭左四個, 三個扁嘴, 我手痕改左一個用來平時出街snap。
有無人想要扁嘴cheb? 我會送一個出去。
想要既留下email, 只有一個, 先到先得。
不要客氣, 我都想佢有個好歸宿。
由當初的抗拒, 變成死硬粉絲...
crocs真係好好著。
夏天出去跑新聞, 十個女記者, 九個著prima。
我就超級鍾愛wedge版sassari, 在日本著足兩個多星期,
甚至上星期因天氣差, 日日都著住, 企得耐都唔會腳痛。
感覺上比prima仲好著。(因為prima是平底鞋, 而且有時會行行下吮地。)
得閒無事又去crocs.com八, 紅紅的crocs很可愛呢!
香港有alice suede的話, 我大概會敗回來吧~
自日本回來後, 兩位少爺乖左。
dali食野叻左d, einstein無咁"啷0黎"。
最近為主子清潔時都加入按摩環節,
佢地都好受落, 好多時舒服到唔走。
不過我地今個星期開始奉行番分開餵佢地,
等einstein再無得食埋細佬個份。
另外, dali近來好痴我, 老公好妒忌呢!
(einstein咪跟佢lor! 但佢唔滿足之嘛!)
昨晚我通宵, dali又陪我通宵~
佢都很喜歡小白(macbook)呢!
整左成晚到今朝, 都是搞唔掂個wordpress。
我都是決定繼續用番movable type算。
對我來說, wp 同 mt最大分別是:
(其實好多可能solve到, 但我資質有限, 搞唔掂。)
1) 我在wp 整唔到簡單易記的permalink.
例如在mt, 我既貓blog url是: http://www.tinywitch.net/blog/cats
在wp變成 http://www.tinywitch.net/wp/?cat=18
我証裝過permalink plugin及整.htaccess, 但都失敗。
2) 在mt整template, 可以懶鬼一個template搞掂哂,
在wp是分工比較仔細, 要在不同template動手腳, 要多d時間摸索。
3) 在category display, wp要逐個thread click入去先睇到相。
在mt可以一次過睇哂, 方便我呢d懶人。
因此我暫時擱置用wp, 不過會留佢做backup: http://www.tinywitch.net/wp
我要睡覺了... 謝謝顏太協助...
今天收到vanb & reriko的信~ 謝謝啊!
vanb的信封上畫既貓貓﹠marie貼紙超級かわいいです!!!
兩隻八掛貓當然又要有份拆禮物。
被顏太tag中~
寫出填寫日期：2007 年 8 月 17日
愛的食物： 雞翼, 雞蛋, 芝士, 牛奶, 麵包, carbonara, 壽司, 拉麵, 叉燒包
愛的顏色： 黑, 白, 紅, 天藍, 忌廉色
愛的休閒： 絕對是睡覺! 仲有旅行... 同貓玩。
愛的老師： sister ellen mary, a. lee, 黎翠珍。他們是世上最好的老師。
愛的歌手： queen, mika, hikki。
愛的個性： 唔好煩, 識趣, 快手。
愛的口頭蟬: "我要返屋企。"
愛的小動作： 考起... 打咸露算唔算?
愛的季節： 秋冬? 但我又怕凍。
愛過的人： 我好博愛~ 我愛人人, 人人愛我! kaka!
愛的人(男/女)： 最愛einstein & dali... 佢地係人黎架!
愛的節日：中秋, 萬聖節, 聖誕
愛的運動：簡單的yoga
愛的定義： love is patience, love is kind.
愛人的時間： 問乜啊... 總之最愛睡覺時!
愛我的人： 呢d野要人地講至得架喎!
花了不少時間才影到兩位主子企定定的全身照...
影到差d吐血而死... 才製成紙板貓拎去日本影相。
一共整左四張紙板貓, 每款有一大一細版本,
結果成日貪方便, 只用細既版本, kiki~
imac... 你等我... 我儲夠彈藥就來接你!
new imac:LINK HERE
補番主子１４個月大的大頭相。
einstein d 紋越來越深色~ 貓老了, 也會出色斑? kaka!
今次旅程的theme就是花及花火。
在隅田川看花火是不夠喉的,
入住kumasan的旅館時,
己經虎視眈眈他掛在牆上的"花火教育委員會"。
結果在kumasan的最後一晚,
用1000yen買左佢, 叫埋成班香港宿友齊齊玩~
“花火教育委員會"比起國產龍吐珠爭太遠了,
不過成班人在kumasan的停車場玩得好開心。
看富良野及美瑛花田, 當然要揀好時間及花田。
睇勻各門各派的blog, 去flower land的價值好低,
要收費都算了, 可是往往是令人最失望... 無乜花睇。
本來都諗住去下無妨, 不過kumasan的幾位宿友都呻笨叫我唔好去,
咁我就聽大家話了。
以下介紹的花田, 全部免費又正。
比較旺的, 如富田農場及日之出公園,
駕車的就早少少去, 否則好難搵位泊車。
之前曾見有網友說旺季期間５點幾、６點去富田農場最好,
可避開人群... 之後才回民宿吃早餐。
但我同其他宿友總結是, ８點半到達富田也可以, 人也不多, 影得好爽。
不過人潮約十點殺到, 吃杯雪糕就好走人o勒!
另外因為富田是最大最靚的花田, 我就留番最後一日至去,
費事睇完對其他花田失望。
去完富田, 趁賞花人流最多時,
去富田隔離的町營薰衣草園最好。
遊人少, 坐吊車上山睇下薰衣草及富良野景色幾好。
如果坐JR, 可以拎町營吊車discount coupon, 宿友說任拎o架! (其實都不貴~)
另外, 如果沒有駕車, 可以利用町營吊車上山,
再行過去山既另一邊彩香之里,
比起由山腳行上去, 慳好多腳骨力!
彩香之里感覺較不商化及自然, 搵o岩少人既時間去最好。
何謂少人時間呢? 除左一早, 就是lunch time了。
當一班蝗蟲在醫肚時, 你便可以獨霸成個花田, 爽啊!
lunch預早12時吃, １點至2點半遊熱門花田, 便無問題了。
日之出公園好大好大, 白色結婚拱門夠浪漫, 一早８點幾、９點, 襯人不多時去吧!
花田另一邊山腳, 近停車場, 有唔少營地, 很特別。
誠意推薦Kan之Farm,
雖然好多地圖無介紹, 如果由旭川駕車至花人道237, 一定會經過。
(好近kumasan)
小巧精緻的花田, 一小山的薰衣草, 路過的車總忍不住駛入去八下。
我就在這花田hea左好耐, 真的好舒服。
至於四季彩之丘, 適合有小朋友的traveller。
夠大, 可租golf car或ATV, 又可乘tractor兜圈。
景色好靚, 連精品店的貨品選擇也很多, 非常方便。
而深山峠薰衣草園, 其實好細, 但超近kumasan及trick art museum,
想一嚐獨霸薰衣草園及小小太陽花田, 又咁o岩路過, 可以玩下。
至於偏遠的北龍町向日葵園, 是絕對絕對非去不可!
可惜我去那天天陰, 否則d相會正一百倍!
有太陽花迷宮, 有鴕鳥 etc, 無限大一塊又一塊的太陽花田, 很值得去。
彩香之里 & 富田農場
北龍町向日葵園
四季彩之丘
旭山竹動物園, 日之出公園, trick art museum, kan之farm
日之出公園
大爛巫又去玩扭蛋,
今次目標是lighton's life的月亮豬~
首先抽到雪糕豬, 然後是大豬腳及紙飛機豬。
到最後兩個５蚊, 就抽到古老飛機豬及月亮豬!
５個都唔同款, yay! 即刻割禾菁走人! kiki~
黃師奶托我在日本買一些和風手電貼紙,
在tokyu hands, toy park etc 都見到不少,
當中tokyu hands 仲擺左個頭盔出來示範。
原來貼上頭盔都幾好睇, 我又買左d花花貼紙第日用。
不過我只會貼少少, 不會咁花。
kumasan附近不愁沒有景點睇, 好多行幾步就到。
大圍的如trick art museum, 深山峠薰衣草園,
無乜人知的就是teddy bear museum。
正正在kumasan後一條小街, 好多宿友都無發現。
我也是無聊四圍逛才知道, 因為實在不明顯, 而且路牌都是用日文寫。
可惜我不是teddy bear的迷, 只在門外八下便算。
門口的巨型bear!
8號風當然要去睇場戲賀下佢~
我最討厭的卡通transformers, 拍成真人版電影,
我居然覺得好好睇!!! 不停的打打打! D 爛gag我都笑餐飽!
美瑛&富良野雪糕＋布甸篇
至愛牛奶味雪糕!
一早去做hatha, 走既時候聽見職員說會掛３號風。
悠閒地去citysuper吃個叉燒拉麵, 買少少菜及外賣lunch俾老公...
見到一支可愛的drink yogurt, 買來試試。(後按: 係超難飲!!!)
坐地鐵差不多到家時,
旁邊的空姐傾電話: "0下? 唔係啊嘛? 天文台講0架?"
我估是快將改掛８號風了... 果然無錯。
現在聽電台說地鐵多人到要閂閘... 超市好多人趕住買菜...
只是1、2小時的分別... 變化之大好似拍戲咁!
"帶著Goldie去旅行"
我要買! 我要買! 我要買!
(U magazine話goldie今夏會在北海道賞薰衣草! *__*)
goldie's blog: LINK HERE
update 左website封面, travel及新加hokkaido & tokyo 2007.
老公換新銀包時, 大少博命撲銀包既繩~
佢地就咁又玩一餐!
一早做完hatha1, 吃過日本咖哩飯,
就非常happy的在citysuper買菜玩煮飯仔。
仍然念念不忘ayumisan的超新鮮美味蔬菜餐,
希冀能在此買到d差唔多既蔬菜。
(當然我無可能煮到好似佢咁勁...
d菜比ayumisan的爭幾皮... 但好過百佳幾皮。)
是日晚餐: 四色茄子&蕃茄; 羊肉片&博多屋豆腐
仲買過把slicer, gingerbread boy甜品匙及菇菇牙簽筒。
至於樽香草醬, 無ayumisan整的咁正, 不過包裝好可愛!
而小cheb杯當然不是在citysuper買,
只是覺得煮飯時用佢來飲水, 寧捨好味d! kakakaka!
基因變異啊! x-men啊!
einstein既顏色越來越似dali了~
大少好似只有頭頂至肩膀,
心口及前腿上半截是純白色。
昨晚兩兄弟"依噏"時拍的。
貓仔隊攝影師出動了~
更多yukata 相... 其實仲有d behind the scene...
都是不要獻醜了~ kakaka!
我同貓仔隊都很喜歡呢輯旭山竹動物園相。
睇開又upload多dd~
四季彩之丘發花邊~ XD
四季彩之丘 ﹠ 日之出公園
町營薰衣草園 & 深山峠薰衣草園
北龍町太陽花園的鴕鳥一度襯我拎轉背,
企圖搶我個袋, 好彩是有拉鏈的背囊, 好穩陣! (無食物㗎!)
下雨後, ayumisan的屋外有好多好多小青蛙! 好可愛!
|