一連３日給罐頭貓貓吃, dali明顯嘴勺了~
anyway, 今日要食番乾糧嘞!
一早７點幾俾電話吵醒瞓唔番, 然後準備party野。
今年例湯是淮山紀子芡實圓肉螺片豬𦟌湯。
單是買豬𦟌已用了$70, 豬肉加價加得好犀利。
煮煮吓午餐意粉, 有朋友早到咗, 五餅二魚地分左d意粉。XD
跟住再煮一個普通水餃皇后烏冬俾未夠飽的朋友,
蒸下蘿蔔糕及年糕... 其他朋友陸續來到...

今年的送禮list好有效, 大家都跟名單執貨。
當中三個傻佬仲玩野買齊哂d野, 笑死我。
是次戰績:
6包1 litre維他奶 / 6包1 litre蒙牛奶/ 2 pack mini fibre/
10 包出前一丁 (麻油、豬骨味各半)/ 1 pack tomato/ 1 pack cheese/
4支1 litre及4支細樽裝pocari sweat/ 梨2大個/ 2盒民豐水餃

放心! 我自細隊奶及維他奶速度驚人, 好快會消耗盡!
總好過某年狂隊9罐藍罐曲奇餅!!! 食到喉嚨痛! XD

至於主子們, 初時好叻, 只有一個朋友時,
einstein會主動聞朋友的腳, 咬人家的鞋帶,
又表演拋接米袋及毛毛棒。
連dali都罕有在陌生人前出動追鐵錬, 都玩咗好耐。
後來為怕他們驚, 人多時讓他們躱在睡房。
(不過朋友不時入去搵他們... 由於忙於煮食,
男貓奴後來說einstein "fee"過白灰貓奴兩次...
他估計是因為白灰貓奴有其他貓味, but i disagreed...
我陪白灰貓奴及其他朋友入去時, 又不見einstein "fee"?
另一個朋友早上才餵過娘家的貓, 又唔見大少兇佢?
一定是你地d男人做左d野irritate佢... -__-"
你地話無, 是因為你地唔細心體貼貓貓感受。)
anyway, einstein心理質素好, 待男士們散band後,
佢好快復完出廳表演run & grab, 又同小妹妹玩。
之後仲黐住juliema, 要玩暖包。
至於dali... 4小時後才肯離開我的枕頭吃東東...
雖然佢性格內歛, 好少發惡, 但好易睇出佢開唔開心...
就算出動了matatabi果實都是有點悶悶不樂。
後來同佢按摩頭仔後, 才稍為無咁拘謹。
明天你地要乖啊! ^__^