其實真的不用買太花巧的玩具給貓貓。
小朋友貪新鮮, 好快玩厭東西。(米袋除外~)
一個新紙袋都夠佢地玩好兩、三日。

Posted by at 11:15 PM | Permalink | Comments (4)

剛在travel forum睇到有網友說
香格里拉松贊林寺因為拉薩事件,
上周他到訪時臨時關閉...
聽見好唔安樂...
我果然是災星,
去完的地方通常都出事...
eg dahab俾恐佈份子炸, 日本就打最勁的typhoon...

Posted by at 11:00 PM | Permalink | Comments (0)

今日sunnyvision罕有俾左個詳盡解釋,
話佢地既mysql有bug引致down機。
跟住我question佢為何一年多來17次死server及死mysql...
佢話已設法改善... （希望啦！)

anyway, 假若我超級黑仔, 忽然死server/mysql多日,
大家除可facebook/msn刮我外,
以下是我無聊reg reg埋埋的公家blog:

http://hk.myblog.yahoo.com/tiny-witch
(比較大機會用來做emergency blog, 因可design到極似依家的blog)

http://myhome.cururu.jp/tinywitch/
(可愛的cururu, 總要霸番個...第二大機會for emergency use。)

http://tinywitch.livejournal.com/
(一向用來放video links, 但寫blog麻麻好用)

http://tinywitch.spaces.live.com/
(超級不好用兼慢... 免得過都唔用。)

btw, 忘了打最有用的url: http://fly.to/tinywitch
有乜事可用佢redirect去指定地方。
過去10幾年都直用佢, 幾stable for redirect link,
大家有興趣可去 http://w3.to/ reg一個易記免費url。

Posted by at 7:40 PM | Permalink | Comments (2)

mysql死左成日, 整唔到blog,
我真係要考慮下夏天約滿換web hosting。
anyway, 晚上無聊跟rune換衫,
順手同大少玩忍耐力大測試~ XD

Posted by at 12:07 AM | Permalink | Comments (0)

一屋黑超女~

Posted by at 3:50 AM | Permalink | Comments (3)

einstein不為人知的辛酸史~

Posted by at 11:30 PM | Permalink | Comments (7)

大家坐飛機時, 要對空姐好一點~

-----------------------------------------
FWD: 空姐的碎碎念

* 每次望著那兩個凌亂的大小黑，也有立刻辭職的衝動。
* 尤其是，明知今天收拾進去的東西，明天又要重新拿出來，而後天又要重新放回去。
* 抵達車站前要先經過一條長長的行人天橋。
* 每次拖著兩個行李篋步上天橋，腦中總會閃過「把行李篋拋棄在天橋底」的念頭。
* 某次，有個路人憐香惜玉( ! )地幫我一口氣拖兩個行李篋上天橋，我覺得他好man。
* 不瞞說，我其實很喜歡要穿制服的工作。
* 沒有制服，光是每天早上要選擇穿什麼，應該可以把我這時裝盲搞瘋。
* 沒公司乾洗服務，我不會懂得如何洗掉紅酒或咖啡漬。
* 雖然我的制服真的很醜怪，像一個會跑會跳的巨型利是封。--->或者係人肉火龍果
* 某次上班前在惠康超市買東西，有路人抓著我問杯麵放哪。
* 才驚覺那一身的紅真的好惠康。
* 但最爆的是我真的帶她去找杯麵。
* 聞說下次的制服將由Vivienne Tam設計。我們的外套將會繡上一條龍嗎? --->我最怕有個囍字係心口
* 譚小姐，恤衫可以不要再用白色嗎?
* 上班時可穿有顏色的胸罩是我內心的微小願望。
* 我不能飛早上十時之前的班。好睏。
* 早上八時之前的班，整個人像活在腦殘遊記的世界。
* 早上飛行前簡佈會議，只要一直微笑點頭扮作乖巧小貓咪就對了。
* 還不忘裝上一副「我最了解的事情就是飛行安全囉」的模樣。
* 再暗地祈求阿姐你別抽問我。我早上什麼都不知道的。
* 最討厭拿著行李篋從飛機底的鐵樓梯步上飛機。
* 某次高跟鞋在樓梯上甩掉，從樓梯邊一直跌到飛機底。
* 最後勞動飛機工程師跑去幫我執鞋。他好慘。
* 整程機我被嘲笑為「甩鞋灰姑娘」。好灰的姑娘。
* 登機時，喉嚨會自動播放 "welcome on board" 十萬次。
* 人家笑得這麼甜美又早安又晚上好，你們好歹也給我一點反應好不好?!
* 不喜歡我公司的登機音樂。有一首夾雜著海鷗聲和海浪聲，聽了想睡。
* 人家維珍航空是播英倫流行曲的啊。好羨慕。
* 某次客務經理不知搞錯什麼，登機音樂變了楊千嬅和古巨基。
* 她是菲律賓人，根本沒發現，我也沒打算告訴她，只在不斷瘋狂暗笑。
* 如果你是個男人，可否別叫我幫你搬行李?
* 只得五呎四的我，手臂不是鐵造的。
* 更討厭有人叫我把豆腐那麼細小的手袋放進行李櫃。
* 阿老佛爺啊這個動作真的有這麼困難嗎?
* 好想把她們的手袋翻轉，把裡面的東西一併倒光光。嘿.....
* 當然我最後也樂意幫忙啦。我們是以客為尊的服務業嘛。
* 請遵守飛行安全守則，否則我們可把你踹下飛機。
* 詳情請在網上搜尋「GUCCI飛機阿姐」案例以作參考。
* 我得承認在廚房裡對著其他組員，我常是一副玄壇臉。
* 常被人唸我太少說話/ 很cool/ 太安靜。
* 沒辦法耶，在走道上笑得肌肉都痺了。回廚房時讓我喘息一下好不好。
* 除了要做機艙廣播外，我永遠不會記得機長的名字。
* 誰說空姐跟機師很熟稔? 給我站出來。
* 那些餐車，都是賤骨頭，不踢它們，是永遠不能關上門的。
* 空姐是體力勞動階層。
* 我從來都不elegant 啊，只像elephant 。好慘。--->做到隻狗咁點樣elegant!
* 最喜歡香檳內的小泡泡。
* 每次同事問我想喝什麼。我都想答：香檳。
* 因為可以大叫「乾杯」，感覺像慶祝什麼似的。
* 想喝香檳時，把蘋果汁溝七喜再加冰塊。感覺顏色味道都有點相似。
* 不是賣花讚花香，我公司的蒜蓉包，真的很好吃 。--->真的很好吃,不過很肥
* 經濟艙那個小麵包剛拿出來時熱烘烘的，也極度好吃。 --->都要睇下做完meal service 後仲有冇淨,可憐的空姐們有時連個包都冇得食呵!!
* 派餐前總會先吃一個，才開始工作。
* 沒時間吃的話，整個人會很不爽。誰也不能阻我吃小麵包。阻我者死。
* 望著一整盤圓圓的小麵包，感覺滿足。
* 常有衝動為小麵包畫上笑笑臉。
* 遇到煩客人，好想拿小麵包搓揉成一團稀巴爛的包碎，扔他。
* 我心理變態。我知道。
* 別抱怨飛機餐難吃，飛機餐難吃，是地球上眾所周知的事情。
* 不要問我為什麼沒有西瓜汁士多啤梨汁西柚汁等等。
* 想喝的話，請下飛機後移玉步至客運大樓五樓。許留山在等你。
* 有客人曾說要喝益力多、利賓納、參蜜、珍珠奶茶、熱橙汁、蒙牛牛奶。
* 我聽過最痴線的，說要喝Chocolate Frappuccino。--->我聽過最爆的是""比個椰青黎""!!!
* 請皇上你拿機票出來看看，奴婢這家公司叫Cathay Pxcific，不是Cafe Pacific。
* 剛出來飛被客人罵，內心難過得要死。回到家仍想哭。
* 現在嘛，遇上什麼腥風血雨，一律掛上假甜美專業笑容。
* 口中唸唸有詞的賠罪。對不起啊真的好抱歉啊我會想辦法解決等等，如玩繞口令。
* 有時客人罵到詞窮，我內心會替他把罵人的台詞接下去。
* 有時我更會玩接龍。像這樣：
* 「次次輪到我都無晒雞肉飯個飯呀，飯桶是我們個門呀
門口唔可以放行李個李呀，你地d電視成日壞個壞呀，壞左我都無辦法個法 呀，
法國人成日飲晒d紅酒個酒呀，走得快好世界個界呀，介唔介意食豬肉薯仔個仔呀....」
* 好了。我夠了。
* 別問我今天幾多號和星期幾。我沒可能答得出來。--->只記得做完班機後有幾多粒G
* 只記得16號出班表、26號出糧。--->16號成為我每個月最重要的日子~~緊要過媽媽到!
* 今個月，我有十五天假期啊。還再有可能變成十七天。嘿。
* 一直唸一直唸，但恐怕還是會一直飛下去吧。
* 這工作其實很消耗能量。
* 仍然感到飛行是一件好奇妙的事。

Posted by at 11:10 PM | Permalink | Comments (2)

今晚同師姐及男貓奴吃板長壽司。
去的時候不用排隊, 不過20mins後便有蛇餅了!
新店開張不久有點亂呢~

Posted by at 10:30 PM | Permalink | Comments (0)

唔止旺角, 大嶼山都有好多老鼠出沒! XD
呢日大嶼山貓議員愛愛同達達就落區巡視~

Posted by at 1:10 PM | Permalink | Comments (3)

以下片段是今日下午12 分鐘內拍攝。
話說我血拼回來後, 大少拼命刮書房度門。
(意思是: 本大爺要攞玩具玩。)
打開書房在玩具袋拎左個米袋俾大少, 我便在睡房執相。
期間睡床尾傳來刮刮聲及"咿咿啞啞"聲...
望下... 原來是大少要人同佢拋米袋。
拋左去大門口, 便繼續用電腦...
忽然床上傳來噠噠聲, 擰轉身一睇,
原來大少將米袋擔上床, 想get我attention...
跟住我就開部nikon video拍低跟住發生的事...

玩左一陣, 我便和朋友msn, 期間大少再將米袋擔上床兩次。
但望住佢的話, 佢係唔會擔上來。
兩位主子都是超級attention seeker!

Posted by at 9:20 PM | Permalink | Comments (6)

時代正方形有幾米展~

做完hot便去shopping,
在uniqlo買了兩條one-piece, 另兩件tee俾老公。
之後買左對cheap cheap普通黑色高踭鞋,
再去sofina及bobbi brown補給,
便買菜回家服侍主子。

Posted by at 6:00 PM | Permalink | Comments (0)

昨日坪洲&愉景灣隨拍~

Posted by at 9:20 PM | Permalink | Comments (0)

嘩... 繼take that, NKOTB翻生, 依家連90210也玩spinoff?
是千禧年後世界如此不長進, 或是90年代東西才是最好?
我應該玩懷舊, 拎番套校服出來返mcs嗎?

People reports: Writer Dishes 90210 Spinoff Details: LINK HERE

懷舊一番: Beverly Hills 90210 First Season Opening

Posted by at 3:30 AM | Permalink | Comments (1)

是日吞拿魚大餐~

Posted by at 10:10 PM | Permalink | Comments (4)

我杯茶~

alfie

LDN

smile

Posted by at 6:00 AM | Permalink | Comments (0)

電視精einstein看cats & dogs~

Posted by at 11:00 PM | Permalink | Comments (2)

雖然天陰, 大澳的木棉樹開得非常燦爛, 狂拍好多相。
記得小學有段時間等褓母車, 日日站在一棵大木棉樹下。
有些婆婆會拾掉下來的木棉花, 曬乾做藥材。

Posted by at 9:40 PM | Permalink | Comments (0)

本來同朋友去大澳附近行山,
但天氣唔好, 改為大澳睇海豚美食一日團。
打算回去時, 下大雨, 巴士站逼爆人, 勁長蛇餅。
包船出去, 15分鐘便到東涌, 好方便。
(由於海太rough, 今日又拍唔到好既海豚照片...>__<)

Posted by at 9:30 PM | Permalink | Comments (5)

服務主子一年多的元祖米袋要bye bye了~
之前二、三號米袋玩到漏米要停用,
近日發現大少不再玩破舊的元祖袋...
因此今日的起心肝, 縫好二、三號米袋內膽,
大少亦好乖在我身旁守候。
整好二號袋,甫拋出, 大少便玩足3小時。
不過卻對修好的三號袋眼尾都不望一下... -__-"

Posted by at 9:20 PM | Permalink | Comments (0)

半夜三更戚起條根改blog layout~
換過多張wallpaper都覺得不順眼,
結果都是揀左相做banner先,
然後自己從相片crop圖加工整wallpaper...
效果... 竟有點cath kidston feel! XD

Posted by at 3:30 AM | Permalink | Comments (4)

點解dali成日咁乾淨?
因為佢有個成日同佢清潔既哥哥~
不過佢就好少幫哥哥清潔lu...

Posted by at 7:35 PM | Permalink | Comments (1)

摷舊相時, 發現呢輯從未曝光照片~
dali3個月大時撲雞仔撲到飛起!
依家... 要用剷泥機才可以將佢從我將床剷走!

Posted by at 2:00 PM | Permalink | Comments (10)

昨晚剪左少少菜芯俾主子吃...
dali聞兩下便走開, 擺出一副: "哼! 別騙我!" 臉容。
einstein就好開心, 亦樂意食埋細佬個份。　

Posted by at 10:35 PM | Permalink | Comments (6)

前晚整理主子的照片,
他們兩個幾月大時最殺死人。
男貓奴說, 那時我們經常很夜睡,
因為停不了手為他們拍照~ XD
呢兩張好似無post過...

Posted by at 11:50 PM | Permalink | Comments (3)

今日去做久違的hot yoga, 人好像瘦了,
全力做很多動作都handle得好好, 勁開心。
雖然昨晚好夜瞓, 但做完yoga仍很精神, 四處逛。
為主子添了applaws, 買了３本"貓三味"。
一向不是很熱衷看貓漫畫,
不過在書店掀了幾版便買左呢套書...
因為有些內容令我想起einstein及dali。
5年才出一本單行本, 最後一本是2005出版。
回家後, 放低漫畫一陣, einstein便將佢當枕頭睡。
早兩日都影過dali睡在雜誌上... 好舒服咩?

Posted by at 11:10 PM | Permalink | Comments (0)

平常洗費不外乎買書、食飯、坐車。
最奢侈大概是去旅行及買blythe東東~
是日去了BHC殺番副小眼鏡,
見到rement鞋set忍不住揀了四款,
當中包括兩個it bag及小相機, 好吸引。
期待黎緊rement下月出的八款制服誘惑...XD

Posted by at 1:30 AM | Permalink | Comments (7)

大少跟熊貓妹妹相處不夠一星期,
關係已經咁親密... XD

Posted by at 11:00 AM | Permalink | Comments (2)

update左website travel page, 包括west china travel tips。

Posted by at 1:50 PM | Permalink | Comments (0)

正享受大少踩踩踩我的大腿時,
二少亦唔執輸, 要哥哥托大腳! 真是溫馨! XD

Posted by at 10:30 AM | Permalink | Comments (1)

昨晚大少吃菜實錄~ XD
好一副喉擒貪婪相!

Posted by at 2:50 PM | Permalink | Comments (8)

是日午飯電影: 不能說的秘密
雖然之前看過不少spolier, 但仍然比想像中好看。

晚飯看mika paris live,
本來怕嘈親貓貓, 將佢地搬入房... (dali一向不喜歡bass)
不過隔左一陣, 兩位主子操兵似的走番出廳。
dali 仲坐在電視前, 莫非佢都係mika fans? XD
anyway, get to know more abt mika's band,
drummer cherisse osei is so cool,
中韓藉bassist mikey choi 好搞笑...
壓軸lollipop蠻抵死~

Posted by at 11:15 PM | Permalink | Comments (3)

大陸回來後, 未完全適應香港生活。
昨日出久違了的mk, 我走得特別慢。
吃飯時有很多肉, 飲品有很多選擇,
快餐店也有很多, 一個人食野都可以有好野食。
在家打開廚櫃仍有新年時朋友送到爆棚的維他奶及蒙牛,
仲有一大堆出前一丁及芝士... 香港人真是幸福。
明明沒生產原材料能力, 卻有那麼多的import goods。

鄉下妹到mk, city girl能量短暫上身, 在bhc買了獅子及jester衫。
跟著到潮流特區, 好多小cheb東東, 卻無意慾買。
家裡已經太多了, 要收歛下。

每次去完旅行都覺得尋回真我,
但只要回到這materialistic world,
便很快打回原形。
這一次, 我能維持多久?

奉行一公仔一動物衫政策,
retro mama是獅子衫。
jester outfit是我杯茶, 怕黑紅stockings甩色,
都是用takara stockings好d。

Posted by at 10:30 AM | Permalink | Comments (3)

昨晚發生的真貓真事...
我同男貓奴笑左好耐~

Posted by at 5:30 PM | Permalink | Comments (9)

今朝一早又同主子沖涼~
有人問, 我咁樣沖法咪會濕哂lor?
落唔落浴缸一齊沖, 都一樣會濕哂,
陪埋佢地, 一來佢地安心d;
二來有對腳包住貓貓, 減低他們逃走機會;
三來咁樣洗會徹底d。
so far 我覺我咁沖法是最快手及方便。
當大家一齊玩水罷! XD

在petpetplayland打左段同貓沖涼有關的留言,
copy 埋落黎做reference：

鑑於朋友的貓貓曾在寵物店沖涼引致皮膚病,
我一直堅持自己同貓貓沖涼。
其實亦不是好難, 只要做好準備便ok。
1) 選天然的shampoo, 因貓貓成日舔自己, chemical不好
(個人亦反對用dry shampoo, 不想貓貓舐chemical)
2) 好多貓怕花灑聲, 用膠量杯倒水較好
3) 準備一個軟毛刷及海綿, 捽身時會方便d, 貓貓亦舒服d
4) 著牛仔布質地的衫褲, 貓貓驚起上來出爪都不會受傷
5) 事前一定要同貓剪指甲, 沖涼時要讚他, 沖涼後給一些treat 獎勵
6) 如家中有暖爐, 開定整暖間房, 讓貓貓沖完涼不會冷親

以下是我過去兩年在blog裡記錄了貓貓沖涼經過的entry
2006揀shampoo
2006第一次同大少沖涼
2006第一次同二少沖涼
2007買沖涼用膠梳
2007第二次沖涼
2007第三次沖涼
2007第四次沖涼
2008第五次沖涼
2008第六次沖涼

Posted by at 11:30 AM | Permalink | Comments (3)

大少真是很喜歡毛茸茸的東西~
剛才發現他原來將我的毛毛球頸巾收了在玩具兜裡。
(大概是在我去了旅行時在書房偷了來玩, 又無人發現/理會。)
至少一整個毛毛球被吞噬了。-___-"
唔怪得我昨晚在他的poo poo見到咁多毛。
真是激死我了... 給了他不少吐毛膏, 佢就非常開心。
毛毛球是要高度supervise才可以玩的東東,
今天早上尚未發現頸巾事件前,
我仲俾左一陣毛毛棒佢玩, 開心到不停呼嚕。
玩完收入書房後, 佢一直站在書房門口等人開門尋寶。
不過知道佢可能吞左好多毛後...
未來一個月都唔准再玩!

11:20pm
einstein不知是否sense到我ban左佢玩毛毛球,
(我頭先拎住頸巾話左佢幾句~)
佢剛剛忽然在睡房擔左個消失了的毛毛球出來玩! (來自頸巾的!)
我一見到便立即沒收...
無吞到成個毛球當然好, 但呢排都是唔准玩住!
btw, 今晚食飯時einstein好搞笑, 明天畫番個情況出來~ kiki...

Posted by at 9:15 PM | Permalink | Comments (2)

起身玩左陣電腦, 便check out 去成都機場。
一心返到香港吃板前壽司, 所以只吃了少少餅乾。
同一位poly u 美籍visiting lecturer打左陣牙較便登機。
點知一上左機, 機長announce因早上大霧, 航機要delay一小時。
KA空姐不停斟水派nuts, 仲醒左本明周我解悶。
再刨埋兩本上機前買的西藏書 (全彩色熨金都只是26蚊!)，
終於起飛, 3點幾吃飛機餐, 咖哩雞飯, yummy!
臨到香港機場, 忽然來兩個大氣流拋左兩次, 有些人嚇到叫。
我同隔一個位的女仔(中間無人坐), 你眼望我眼只會傻笑。
安全到埗, 衝去板前醫肚, 一路食一路覺得好感動~
食物, 都是香港的最好!!!
回到家, einstein要幾秒才從梳化底出來俾我摸,
摸左幾下大少便呼嚕, 跟住傳來二少刮爪聲去draw attention,
再摸摸二少, 他便不客氣去八我的luggage。
他們之後guide我去睡房要我開門。
今晚開左罐雞肉蝦applaws給他們吃。^_^

Posted by at 9:30 PM | Permalink | Comments (1)

坐8am的37元公車去峨眉山,
點知坐錯車, 不是直達景點,
原來專俾旅客直去報國寺(峨眉山腳)的車9am才有。
anyway, 在某馬路下車, 同行有兩位tomboy。
原來她們是陸軍, 成都人, 專程來峨眉玩兩天。
我們一起打的去報國寺, 盛惠15元。
她們告訴我只玩一日是去不了金頂(峨眉最高處),
一定要住一晚, 否則太晚無車返去。
無所謂啦~ 橫掂大霧, 去半山玩都好滿足了。
在報國寺行了一個圈, 無乜特別, 便走去買飛上山。
坐半小時官方車輛去萬國寺纜車站,
途中遇到一班香港女人, 她們在峨眉玩幾日,
今次就帶埋行李上金頂, 預備明早看日出。
她們都有叫我一齊上埋金頂, 但時間太緊張,
單程巴士上金頂都要兩小時, 一來一回便要四小時,
仲未計金頂纜車段來回時間, 分分鐘要五小時,
怕趕不到尾班車回成都, 我寧願輕鬆d玩半山了。
到達萬國寺纜車站, 坐cable car去萬國寺。
行一小段路便到, 好foggy, 不過間寺幾特別, 好多象雕。
玩一輪自拍便回去, 5:30pm回到成都。
成日只食過餅乾薯片及小蛋糕,
在車站旁的dicos炸雞快餐店吃咖喱雞飯set。
好飽~ 之後便打的回酒店, 今晚都不用吃東西了。
明天番香港嘞!!! *__*
i miss出前一丁, 金寶忌廉雞湯 & 雜扒so much!!!

Posted by at 7:30 PM | Permalink | Comments (3)

老公是日網誌~ XD

Posted by at 9:45 PM | Permalink | Comments (2)

8am坐35蚊的士去熊貓繁殖基地。
春天是熊貓發情期, 懶去卧龍, 近近地睇下都開心。
入場費才30元, 比好多景點平, 又easy to access, 去得過。
是日天陰有雨, 但大小熊貓都交足戲。
誤打誤撞, 首站行左去病貓房, 當然唔入得。
跟住是成人熊貓, 非常庸懶,
有一隻到我們走都無離開過原來的位置吃吃吃。XD
跟住是兒童熊貓, 碰巧餵竹葉, 成班走埋來食, 發達~
走多幾步便是nursery, 好多熊貓bb!!!
我在這裡拍了很久video, 佢地都好痴工作人員,
當正係媽媽咁, 行到邊跟到邊。
我忍不住豪花1000元抱熊貓bb, 一生人一次啦!!!
抱上手一d都唔重, d毛有d"鞋",
食緊的竹無糖份便扔了出去, 好大爺!
我抱的是7個月大的bb女, 名字聽不清楚,
有人聽到video中工作人員噏乜, 請話番我知! thx!
之後逛了museum, 買了頂quality幾好的熊貓帽,
再去懶鬼大熊貓度拍照留念, 便打的去錦里shopping & 吃lunch。
maria是希臘人, 在錦里買了不少中國手信。
我同vicky都忍唔住買了些熊貓東東~
我講價100蚊買左個好軟好舒服的熊貓公仔,
好似我小時候當正是親妹妹的皖熊公仔。
(皖熊妹妹在我F.1時無良大人扔掉, 激死我...)
ps: 相片大多capture自video, quality不太好~

maria替我拍的熊貓video~

天氣不好, 不想去其他地方shopping,
便自己打的回酒店, 5:30pm再同vicky& maria會合吃晚飯。
她們今晚便會離開成都, 所以過酒店對面獅子樓打邊爐。
雖然只識了幾日, 但我們三人都熱愛旅遊, 十分好傾。
吃完飯, 她們便打的離開, 臨走前我們來個擁抱及goodbye kiss~
有機會的話, 我們會相約一起去旅行。^__^

Posted by at 3:45 PM | Permalink | Comments (5)

8:00am去到新南門車站,
位位44元坐2小時巴士去樂山。
巴士超靚超乾淨, 仲播龍咁威, 笑死。
沿路超大霧, 大家都打消坐船看大佛念頭。
10:00am準時到樂山, 轉13號巴士去睇大佛。
俾巴士佬"昆", 大家都在東方佛都下車。
(前兩個站是樂山大佛入口, 但巴士佬堅持呢個站先啱。)
點知去售票處問要買70元的樂山大佛門票時,
售票員說呢個入口包埋無甚睇頭的東方佛都, 要收110元。
大家當然唔制, 齊齊走回樂山大佛入口。
順利入場, 走了不久便見到大佛頭。
大家狂拍一輪, 12:00已經行完。
到入口對開的飯店醫肚, 再坐2:00pm車回成都。
(車上電視播任達華及方中信的電影, 好似叫破裂都市...)
4點幾到達, 再打的回酒店休息。
7點再出去酒店對面的飯店吃川菜。

久違的貓貓大頭照~

Posted by at 6:20 PM | Permalink | Comments (6)

9:15am check out,
一出酒店見到後面座山頂全都是雪!
的士叔叔說昨晚山上下大雪, 山下則下雨。
接了vicky及maria, 我們一起去機場。
沿路滿山是雪, 好christmas feel。
約兩點幾到成都機場, 好多煙霞。
打的去文君樓, 的士叔叔說是很古色古香的地方。
(我就是在網上見到圖片覺得平靚正先book~ kiki.)
到酒店settle後, 我們到街上走走,
之後會合vicky成都朋友到錦里。
去到錦里覺得無乜特別,
好過昂坪市集, 但差過麗江古城, 都是商化地方。
四個女仔share少少麵食,
便去附近的麻辣空間吃火鍋。
我不吃辣, 只打普通湯, 食物ok啦~
vicky是晚請客, 明天到我。
之後在超市入貨便回酒店休息。

男貓奴報告: 他呢幾日非常努力嚴控兩位少爺食量。

Posted by at 11:15 PM | Permalink | Comments (3)

9am出發九寨溝, $180入場費+環保巴士。
另加了$20辨明天第二次進溝,
這種優惠到四月便取消, 之後第二天去玩要俾全費。
一跳上環保巴, 便直駛上日則溝區最高的竹箭海。
由於天冷, 很多棧道封了, 但站站有巴士,
不用多等就可去下個景點, 開心死d懶人。(即是我~)
竹箭海很有趣, 大半是水, 另一小半仍然結冰。
下一站熊貓海就完全結冰,
不過之後的五花海是非常綠及清秀。
我在這兒遇上了在英國工作的maria及vicky,
就這樣, 我們開始一起四處逛。
跟著的珍珠灘好靚好特別, 瀑布部份是冰, 部份是水。
我們在這兒一邊休息, 一邊吃乾糧。
(出發時怕餓死, 買了很多乾糧, 笑死人。)
我們坐巴士到位於九寨溝中心的諾日朗,
轉坐另一架巴士去則查圭溝,
首站是最高海拔的長海, 那兒全都結冰。
去過黃龍4000多海拔及香格里拉3900海拔,
我當然無高原反應, 不過maria有少少不舒服。
坐巴士去最靚的五彩池,
雖然水比平時少, 但仍然靚到震, 大家都狂拍照。
跟著回諾日朗拍最大的瀑布, 半冰半水, 好澎湃。
坐回程巴士去樹正溝方向,
我們經常下車, 走走棧道, 到下一景點再上車。
陽光及藍天, 拍犀牛海, 老虎海, 樹正海, 花火海都好開心。
最後到樹正寨的民族民化村, 便坐巴士出溝口。
可以走的地方都走遍了, 便決定跟vicky及maria明天回成都。
她們跟我回酒店, vicky替我用internet買了明日的機票。
她們在網上看了我訂了的成都酒店,
覺得價錢合理又有趣, 便決定大家住同一酒店。
之後我去了她們的酒店坐了一會,
vicky仲幫我用國語同的士佬bargain收平d。
之後便到附近的飯店吃晚飯, 同行仲有住在她們鄰房的深圳人。
我們今晚吃得很好, 有雞湯, 魚, 雞, 菜及臘味, 開心死我。
之後我便回酒店, 明天會坐的士接埋vicky & maria去機場。
旅行時認識不同地方的朋友, 真是好開心。

是日男貓奴晒命照~

Posted by at 8:50 PM | Permalink | Comments (6)

5am起身, 6am出車去西安機場。
東航果然好興早起飛,
明明7:55am機, 忽然變成7:25am。
好彩我一向早到。
早上飛機餐是chinese burger~
到達成都機場, 對南方航空極度失望, 很差勁。
白痴到新機場不可以check in luggage,
要乘客拖住行李步行出外700m的舊機場才可以。
check in 後, 在候機室睡, 12:00準時起飛去九寨溝。
1pm到達九寨溝, 懶惰打的去酒店,
司機反問我去唔去牟尼溝或黃龍... 都好, 可以慳一日。
就咁, 途中買了樽氧氣, 2:45pm到達黃龍。
淡季結冰無人去, 成個黃龍只有我一個, 超爽。
本來有位黃龍工作人員要跟實我,
但呢位大叔講對講機好大聲, 行得又太快,
行了300m, 我便企硬要自己一個人走。
他就不停說不收我錢, 為了我安全etc...
我反問是否法律規定? 我一個人來就是想一個人走... etc
佢就由得我一個人走了~ 終於耳根清靜。
我就慢慢走, 拍拍照, 吸下氧氣。
4:15pm才走到黃龍中寺...
見太陽下山, 加上鈣化湖全都冰雪蓋著,
五彩池應該同爭豔池分別不大, 因此下山。
5:15pm回到車, 8pm才駛回九寨溝溝口的旅館。
check in 後發現酒店無野好食, 好彩隔離有間店可買杯麵。
未來幾日應該無啖好食! XD

今日主子d相好好笑~

Posted by at 9:45 PM | Permalink | Comments (8)

一早過旅館對面的店買兩個肉包,
便跟內地鴨仔團去華山。(因為太遠, 費事坐公車。)
說8am出發, 等夠人都成9am才開車。
12點到華山某酒店, 導遊話在此吃lunch, 拋低我地便消失。
入到酒店要聽5mins華山藥材talk才可入飯堂。
我跟兩位武漢女仔坐低打開餐牌,
嘩, 成50、60元一道菜, 立即起身走人。
不過坐車時坐我旁邊的香港叔叔就坐低照食。
我跟兩位武漢女仔一齊到旅遊巴旁的店吃地道扁扁麵,
才10元, 大家食得好開心。
食完導遊出現帶我們坐纜車上華山北峰。
華山是五嶽中最險, 久不久有旅客跌落山。
因此當地人都勸走路別觀景, 觀景別走路。
我和武漢女仔一齊漫遊華山,
好多樓梯都好斜, 要用手爬, 不少人要買工人手套。
行到90度天梯, 好多人都話唔行, 不過其實不難爬,
只要不要想太多, 一口氣爬上去便可以。(爬落去如是。)
最正是沿途見到不少挑夫行上行落, 藝高人膽大,
當中包括正在挑兩罐石油氣的! 勁! XD
行了2小時, 3pm才到達金鎖關。
問走回頭路的人仲有幾耐到西峰: 至少1小時。
為怕唔夠時間返去, (cable car 5pm 收工)
加上其中一個武漢女仔頂唔順, 我們決定下山。
由於我落樓梯比較快, 而武漢女仔要不停休息,
她們都叫我先走, 咁我就一個人用了半小時下山。
見仲有大把時間, 行上華山論劍碑玩一輪自拍。
在cable car station附近等多15分鐘,
兩位武漢女仔終於捱到返落黎,
我地一齊坐纜車回旅遊巴返歸。
返到酒店附近都已8pm, 吃過雲吞哨子麵便回旅館。
明天去九寨溝!

老公又send左d主子新相給我解單思~

Posted by at 9:30 PM | Permalink | Comments (6)