病左成兩個星期, 好耐無試過今日咁active。
* * *
一早扎醒, 驚如果我地忽然死左, 對貓點算。
出廳找主子依偎, 我個頭一伸埋去,
einstein已呼嚕, dali眼甘甘的望著我, 好冧。
然後我好認真的, 因應主子脾性及過往經驗, 想了幾個人選,
萬一我地大吉利是, 可以放心將主子交託照顧的人。
我諗首選的那位朋友, 知道後一定會大笑起來~ XD
* * *
anyway, 在家工作一會便出門返office,
點知入左MTR 閘至發現無帶bb及手電,
想即時出閘又唔得, 要走去counter整返張octopus...
偉大的MTR職員免收我入閘費, 仲俾張飛我出閘。
* * *
lunch跟中學同學及舊同事吃飯,
赫然知道一位合作過的導演因抑鬱自殺過身。
煞是震驚, 口中的意粉也特別難哽...
但life goes on, 之後陪她們逛一會便返office。
* * *
天放晴, 壽星妹顏太一家三口駕到。
放工後跟他們短聚, HLC會走路了, 很可愛。
顏太, 祝你永遠幸福, 生日快樂。
* * *
出MK跟一位開朗的妹妹交收cloud 9 bowl outfits,
再去銀行中心商場替殘舊不堪的手機整整容,
(雖然都打算換機, 但仍未有心水...)
整完順眼得多, 之前周邊的電鍍差不多甩清光。
* * *
會合老公吃拉麵, 嚐久違的鰻魚...
累了, 打道回府餵主子, 有你們來接門真好。
* * *
一開gmail, 見到杏子姐姐的正能量報告, 很是感恩~
衷心佩服她的誠心及毅力跟病魔搏鬥。
最溫文又是最硬淨的人, 身邊亦充滿愛她的人。
每次想起她, 腦中見到的都是她的笑臉...
還有... 在她的家吃過的美味水餃...
噢... 真的很想再吃...
如果有埋佢整既tiramisu, 應該唔錯...

凡事感恩!