我懷疑...
einstein受傷原因, 是因為佢想咬dali後頸曳曳,
dali為保"貞操", 出牙噬哥哥條頸。
事緣昨晚我刻意觀察兩位主子behavior,
einstein先後在dali身上踩左四、五次,
(有三次被我拍下來, 但太黑費事upload。)
每次massage時dali都幾enjoy,
但當einstein再進一步想咬dali後頸,
dali會即時反身預備反擊einstein,
如二少真的出手, 大少的下爬會首當其衝...
而呢個時候, einstein會扮無野,
改為舔自己及dali下身,不再踩踩。

兩位少爺半歲大齊齊做左公公,
做左公公後仍然想曳曳, 我都聽過及睇過。
(未睇過可參考此blog: LINK HERE)
昨日所見, einstein踩踩技巧非常笨拙,
自己都唔知自己應該點踩, 四圍騰。
咬頸亦唔似咬頸, 有d似舔...
anyway, 有可能佢想突顯自己係dominant,
亦可能本能上有心癮...

總之, 我們首要任務是要好好保護dali,
及好好教育einstein。

大少疑似曳曳cap圖~ (video quality太差)

看了網上很多資料, 總結如下:

1) 公貓不會發情, 只有母貓才會。
2) 愛的踏踏是貓貓重現童年擠母乳表現,
喜歡有關事物才會施展出來。
3) 公貓騎上另一隻公貓咬頸是宣示主權表現。
4) 苛爾蒙過高亦可能令公貓出現曳曳行為。
5) 在診所聞到其他貓的味道, 回家後可能作出調節...