下大雨又累,
攤到一點幾至出門口。
行去鼓樓旁的雲吞侯食lunch,
再過馬路去南鑼鼓巷, 帶A小姐去吃yogurt。
(下雨的好處是好少人排隊, 不過我無食~ not my cup of tea!)

逛了一會, 3點幾打的去鳥巢。
本來在閘外想買去水立方的黃牛,
不過開價成1-2000元, 太貴。
A小姐一早在香港買了張4:15pm籃球票,
結果我用150元買了籃球票, 陪她一起看。
買黃牛的嬸嬸陪到我去安檢, 證實是真貨才給錢。
這兒賣的票都是大陸票, 顔色、紙質完全不同,
而且沒有開幕式門票的鐳射貼紙, 真不會分真假。

掛住在場外影相, 遲了一點入場。
原來場館不設劃位, 好多內地人霸左好多好的吉位...
找了一會, 終於用英文請工作人員幫手搵位,
果然咁樣就即刻搵到tier one 座位~
第一場是巴西對澳洲, 後者技術不及巴西, 一直落後。
不過勝在打得十分進取, 加上有澳洲人引領現場觀眾吶喊,
很多中國人都幫澳洲隊打氣。
巴西其實本來可以贏, 臨尾24秒太快進攻, 仲要射失,
俾澳洲入番兩分反勝, 戰術失敗, 教練要打pat pat。　

跟住是中國對英國, 胡錦濤也是座上客~ 　
事前我們完全唔知有中國隊呢! 超lucky!

打左5分鐘已高下立見, 中國隊太green。
英國隊的老屎忽擺明大蝦細, 手臂都粗幾吋。
打到第四節, 中國隊90%時間只入了兩分波...
臨近完場才入多五分, 不少球員無乜信心起手射。
唯有8號的會射球及搶rebound...
技不如人, 被大比數砌低, 無話可說... 下次努力啦!

散場時又影下水立方及附近建築~

打的回南鑼古巷, 食飽便走回旅館休息, 明早坐飛機返歸。