收工時由office行到去地鐵,
聽住nano, 著住cleo, 竟然完全唔覺累。
打俾老公, 佢都嚇一跳問: "你行左幾耐?"
無睇鐘, 真係唔知。
anyway, 最開心是收到舊老闆電話,
合作計劃進度很好, 愛死亞視。
另外老公替我拿了殘奧飛及買了8G咭~
入夜後, 世界變得很美好♪

其實關於奧運, 還有一點點感想...
中學時讀liberal studies,
A-level交考試局的project題目是:
"How significant is the role played by sports
in promoting international understanding?
Case Studies:
1. World Cup Soccer 1994 2. Olympic Games 1996"

兩年後, intern亞視英文台,
幫手做了第一隻講香港傷殘運動員的故仔。
一年半後, 轉了中文台, 自己再做一次傷殘運動員故仔。
除了現役運動員, 亦訪問了年幼的準運動員。
不少傷殘小朋友, 因為參加運動, 擴闊了視野及生活空間。
自閉的學會跟人social, 智障的學會搭車遊埠, 甚至窒人。XD
當時田徑代表蘇樺偉仍未太會說話, 很shy。
當時游泳代表布迪生, 收到我送的南華會足球員海報, 好開心。
當時周一嶽只是慈祥的香港殘奧會高層, 未做局長。
這一輯20分鐘documentary, 遇上勁歌總選, 只有兩點收視。

然後大半年後, 我做北京申奧,
通宵剪起隻故仔, 垃圾至極, 無depth無內容,
全都是普天同慶, 無聊街訪...
這個竟然... 有10點收視... 亞視來說, 很勁。
我一年內經歷了最高發最低的收視。

我就是對香港的殘奧隊有很深的情義結。
當一般運動員呻無資源、無前途,
呢一班運動員更加無。
佢地想搵份正職都難, 就算有, 天生的缺陷,
特別是有輕微mentally handicapped或autistic的,
他們很難focus, 返工耗用了他們98%精力,
不少end up 放棄運動。
有幾多老闆好似劉華咁,
專誠請傷殘運動員工作, 又俾假期人練習?
早前在電視睇見佢陪蘇樺偉做訪問,
見他懂得guide蘇樺偉講野及補充資料,衷心佩服他...
可知當年要蘇樺偉講出一句完整句子是不可能的事!
那天節目, 蘇樺偉算是對答如流, 笑笑口, 不會忟憎...
其實他們就是需要人給予機會融入社會, 認識世界。

為所有香港殘奧運動員打氣!