我都係養左兩隻貓貓架, 見到你個鐘點姐姐對貓貓都唔錯, 想請問你可唔可以轉介比我, 因為我做港龍, 有時會唔響屋企成24 hours, 擔心貓貓自己響屋企會發生咩事, 攪到我成日翻工心掛掛, 我老公係水警, 以前有好多時間可以響屋企照顧貓貓, 但係最近佢會轉翻工時間, 未必可以長時間睇住兩位少爺, 所以我想請個有愛心, 對貓貓好既人黎幫我下, 請問你可唔可以介紹我呢? 唔該哂~

呢位阿姐超旺場,星期1-7已經book爆!!! 我對面屋想搵佢都唔得。我本來想book佢weekday來多一次都無期...好鐘點超級難求!

actually你可以搵富東的聖公會問下, 佢地有大量part time阿姐, 多過家務通好多。

不過呢, 好多時人夾人及貓夾人, 要試下先。招聘時要講清楚要求, 例如唔怕貓及最好有照顧貓 經驗etc.

阿姐亦未必知養貓基本常識, 你要教佢... eg, 永不開窗, 拖地時要安頓好貓貓以免他們踩到拖地水, 小心存放繩及膠袋, 貓吃朱古力及提子會死etc...

貓主有責任為貓剪好指甲, 減抵令阿姐受傷機會, 以及講解好貓貓習性, in case 隻貓有事/發爛渣, 而貓主又不在, 阿姐都懂得如何handle。

仲有, 如果搵到個好既, 俾多少少人工, 大家happy。

wish u luck!

次次問親你ｄ咩有關貓貓既，你都回答得好詳盡，我想頒個貓博士頒章比你～　真係唔該哂！好開心響網上認識到你同埋你兩位少爺，快樂係可以傳染的，你既愛心同埋你ｄ貓貓既快樂經常性響網上傳染左比我同我ｄ貓～
我會參考你比我意見，最緊要貓貓開心，我翻工唔洗翻到心掛掛，比多ｄ錢我都肯～
唔該哂～貓博士小巫！！！
p.s: 以前響ｃｘ到做既我，就算去到外國酒店要比錢上網，我都會堅持上你個blog　探你Ｄ貓貓架！想多謝你比左好多專業既養貓意見我！＾＿＾