Back to my blog or Go to my website
« Page 4 of 37 »
一早去完廁所返回房時, 在地上見到一個紙皮箱...
好彩瞓醒左, 否則會以為是主子的紙皮箱, 一腳踢落去。
嘩!嘩!嘩!嘩!嘩! 十三不祥!!! retro mama!!! 多謝老公!
佢話黎緊要有埋十四同十五... 汗!!! 極evil!
花了十分鐘debox... cwc... 你不用落那麼多膠紙吧!
學barbie用神奇貼吧! 不用collector拆得咁痛苦...
之後用了一小時整理頭髮, moisturize及剪走bad hair。
大家好, 我是Anonymus。
Mea: 妳同我同一日生日㗎!
Mea & Anonymus
好似好friend...
昨晚發惡夢picca俾人"bark"甩條頸...
今日好神心同所有blythe及rune換衫。
換衫尾聲時, 大少剛睡醒走出廳。
見到玩具衫的盒眼金金...
好! 睇下你又有乜不軌企圖先!
佢好小心在盒邊左右盤算一輪, 然後出口!
擔左件有白毛的旗袍出來又咬又舔... -__-"
好一個毛怪!
天氣凍唔願郁。
約左cliff午飯時去九龍城吃石頭鍋飯, yum!
再拐左佢去地茂館吃糖水甜品。
(醫管局主席胡定旭年年新年都請記者吃地茂館寧波湯丸~
吃過之後便愛上了... 糖水夠薑味, 芝麻糖丸夠滑口~~ *_*)
之後單挑MK blythe show, 一如不少網友所講, 無乜野好睇。
香港blythe友被兆萬寵壞了, 幾正幾靚幾爆平時都有得睇,
相比之下, 呢個show弱得多。(最強是掛了official show名堂吧!)
anyway, 有好過無既... 極速五分鐘走人, 去H&M玩試衫, 兩手空空回家!
昨晚首次俾海魚罐頭, 兩位少爺食得很滋味。
可是今早一出廳發現地上有一少攤嘔吐物... 究竟是誰呢?
咁耐以來, 佢地連毛都未吐過的啊...
因此... 少爺們今晚要吃乾糧, 不可以吃雞肉罐頭了~
so far 佢地食得、玩得、屙得...
einstein現在不停反肚, 想我俾濕糧... 過幾日先啦!
男貓奴拆左biohazard boxset,
兩位少爺對附送的wii gun非常好奇... XD
簡愛愛同簡達達祝大家聖誕快樂! XD
久違的blythe照~
是夜放逐旺角, 殺了一頸血!
這兩天的小小血拼成果...
昨日路經H&M, 星期日中環店很少人。
一大堆冬天accessories, 當堂雙眼發光。
結果買左對黑色手襪, 黑色lace遮, 黑色trenchcoat,
以及$99的冬天帽(＜--其實猶豫左一陣買唔買,
仲用手電拍下照片send俾老公睇才決定要。)
今天收工, 先去賊船買番halloween petite。
吃過freshness burger, 蠻不錯, 不過味道及不上shake em buns,
但欣賞佢飲品中可以選擇熱柑桔, 我實在討厭快餐店成日焗人飲汽水。
之後逛久違了的ikea, 買了不少東西,
包括兩個巨型相架, 結果要call taxi回家。
2007/10/23
吃過早餐, 我們收拾細軟預備check out。
在泰國其中的日常娛樂就是睇fashion tv。
在龜島最後一朝, 睇左valentino last show, 正!
今日就有john galliano 睇, 非常賞心悅目。
12點半check out坐的士去機場。
今次酒店員工叫我們跟meter, 完全唔塞車,
計埋expressway費用都只是200幾baht。
寄完行李, 便過customs入去行街街。
新機場的商店好多, 不過原來係無naraya 。(布吉機場至有)
不過罕有地有bobbi brown, mac, laura mercier。
肆無忌憚地玩完一大輪化妝品, 我們去吃日本菜。
之後上機, 坐附近有一對白痴男女,
男的不停地大聲說無人上飛機了, 要轉去window seat。
(離起飛仲有15分鐘, 當然仍然有人上機啦! -___-")
佢地坐左去window seat, 見有人上機又回去aisle位.
之後見無人, 又掉番過去, 到有人走去佢地個位,
先至好笠水回去aisle seat...
(原本佢地一早可以擺左個3人位, 但因掉來掉去,
原來的位俾一個匈牙利女人坐左...
要去後一行同另一中國女人share３人位。
我同老公都暗叫抵死! XD)
飛機閂門後, 我撇下老公跟匈牙利女人坐同一行,
中間有個吉位, 大家坐得鬆動d, 我可盡情用電腦。
吃完飛機餐, 白痴男女在後面玩啤牌,
成日打落個餐檯上。客氣地叫白痴男不要再打檯,
呢頭打完, 呢頭又來, 好！叫空姐搞掂佢地。
呢d人正式叫做有爺生無乸教。
去親旅行都好怕遇到d失禮的香港人。
其實d人成日笑內地人在港旅行不懂禮儀,
不少香港人去外地時咪一樣乞人憎。
在泳池叫囂, 在法國餐廳大聲傾偈, 一大班人衝去廁所...
怕蝕底、小家、大聲... 都是不少中國人特質, 改不了。
８點幾, 回到家, 今次是einstein來接我們, 用頭不停撞我們。
dali觀察一陣便跟著來, 我一行埋佢度立即企起身! *__*
第一件事就是同兩位主子大清潔,
einstein呼嚕到依家仲未停。(接近兩小時了~)
俾左D芝士佢地, very happy!
2007/10/21
老公生日。吃過早餐便去泳池hea下。
下午坐的士去banyan tree做spa, 才60baht, 抵過坐BTS。
在香港已在網上預約好, 選了３hrs nomi nomi package。
早幾日翻睇meet the fockers,
才知道芭芭拉史翠珊差d拗斷robert de niro條腰骨個招,
原來就是nomi nomi!!! XD XD XD
一到reception, 服務員講解程序及叫我們選想做的facial,
仲送左個花花爉燭、orchid香枝及燭台給老公做生日禮物。
我們的按摩師叫nana, 佢帶我地換鞋後便入spa room。
nana就負責按老公, 我就由另一年紀較大的女人按摩。
佢地好力到呢... 我同老公都忍唔住叫佢地softer! kakaka!
磨沙捽走哂d老泥, 按完一大輪, 再做cleansing facial,
舒服的3小時眨眼就過~ 之後我地去休息區嘆茶吃生果。
我選了菊花茶, 老公飲lemon grass, 暖笠笠, 好舒暢。
我們在gift shop買了兩個香薰座及一盒champaka香枝。
交回feedback form, 我們上頂樓餐廳vertigo吃晚飯。
早兩日打電話book vertigo, 跟店員說是老公生日,
務必要窗口位睇日落, 不過６點半個太陽已經唔見左。
anyway, 夜景都好靚。
我點了鵝肝忌廉湯, baby chicken及peach smoothie。
老公點了牛尾湯, 三文魚扒及singha beer。
期間有侍應替鄰座澳洲夫婦用餐廳相機拍照,
但先是無電, 繼而無memory card, 我們都笑起來。
當侍應再回來替澳洲夫婦拍照, 我們前方忽然放煙花!
仲有心心pattern的煙花! *__*
侍應戲謔那是complimentary firework,
不過原來是慶祝一間bookstore opening。
吃到尾聲, 侍應唱住生日歌送上一個蛋糕給老公。
隔左一陣, 另一張檯又有一對夫婦收蛋糕,
他們的朋友向我們說, 原來是慶祝結婚40周年。
我立即說congratulations。
負責影相的侍應終於來找我們,
當我們擺哂pose, 無錯! 佢又無電了! XD
我們跟澳洲夫婦都笑起來, 然後傾偈。
講講下發現, 我同澳洲先生Jim都是10.14生日!
咁有緣份, 我們立即來個合照。
我們之後交換email, 遲d要send番d相俾佢。^_^
回到novotel, 檯上放上了一個小生日蛋糕,
老公宵夜有著落~ kaka!
放煙花+唱生日歌
|