Back to my blog or Go to my website
« Page 19 of 83 »
老實說, 這幾天個心哽住哽住,
感覺呢份工完全contradict左我之前的理念。
明明是休息年, 想有番quality life,
卻因為悶去左返工,
變成完全無時間整貓書...
連日記也無心機寫...
最憎就是那duty phone,
1am, 3am, 5am, 7am...
成日都有人打來報告無聊事,
整醒唔止我, 仲有d貓同老公,
大少一醒了便狂喵要吃東西,
不管那是零晨時份... 真是想殺人。
anyway, let's see what will happen...
我不是一個passive的人。
在做獨眼巫的日子, 收到11很窩心的畫, 謝謝你。
一直以來都抗拒外人入屋打掃,
住左間屋９年, 昨日終於請鐘點工人。
主子反應不錯, dali一見嬸嬸即閃,
einstein隔左一輪主動去八下嬸嬸做乜。
不用自己動手, 廁所變得超級亮麗, 好感動。
之後同老公去左愉景灣吃lunch,
望住個海灘吃pasta, pizza, 飲stella,
好像去左渡假~
一回家打開門便看到以下光景:
dali攤在亮麗的梳化享受日光浴~~~
真是像人... -__-"
獨眼巫同老公齊齊煲friends...
睇到咁上下, 挨埋去老公度, 佢竟然唔理我!
原來dali坐左另一邊用手翹住左老公... >__<
哼! 擺明要仔唔要乸! 可惡~~~
愛愛跟毛毛球融為一體~
毛毛棒已取代米袋, 成為大少最愛!
呢兩日零舍嗲...
但願貓長久!
5月天, 沖涼天。
男貓奴上班去, 我一個人幫貓沖完全無問題。
無逃走, 無出爪, 無大掙扎,
只是抱出抱入浴缸時發出不滿的聲音。
洗大少時仲好乖添, 完全不用按著他。
細佬都乖, 只是縮埋去沖涼盤前面。
晚飯吃雞肉南瓜applaws,
之後大少仲偷了毛毛棒自己玩左成個鐘。
(長氣d提醒各貓主: 替貓剃毛要有一定技巧及耐性。
另外必須準備適合貓貓的用具, 切忌用普通較剪。
如不懂或未能好好掌握技巧, 請勿幫貓貓剃毛,
以免令貓受傷, 受細菌感染, 手尾可能會好長!
有需要請找可信賴的寵物美容師代勞。)
的起心肝同主子剃毛、剪指甲。
鼻敏感就一定有, 成屋都是毛哩~
大少都算是俾面, 整左好耐先發脾氣,
(當然三文魚味吐毛膏功不可抹。)
二少一來已經掙扎, 但勝在佢夠輕又斯文,
要霸王硬上功絕無問題~ kaka!
剃完整齊好多了,
如明天有精力便同佢地沖涼!
你地... 好俾番件睡衣我！
ps: 由於太多垃圾留言, 暫將comment關掉,
想留言可用右邊的cbox~
今晚有個死肥仔襯我入左廚房，
偷食兩舊叉燒, 仲咬到入口!
好彩我剛剛從廚房出來, 捉個正著,
立即從佢口中掹番兩舊叉燒出來。
由於肥仔太多脂肪, 打都無反應, 要出動噴水壼對付佢。
咁大舊叉燒, 分分鐘哽死佢! 激死我!
今晚捉住佢刷左好耐牙!
死肥仔: 俾番d叉燒我~
|