新年快樂! 愛愛、達達祝大家喵想事成!

舊毛毛棒玩了一星期便報銷~ 新年玩新的毛毛棒! (他們實在很喜歡呢!)

Posted by at 1:30 PM | Permalink | Comments (11)

新年前洗邋遢~
本來打算用濕紙巾抹身算,
但大少忽然發啷嚟, 抓到我右手出血, 仲第一次fee我...
好! 你想沖涼嘛... 我成全你! (反而沖涼時仲順攤, 激死...)

既然阿哥都沖左, 我好公平㗎! 細佬都有份~

兩位少爺心情唔好, 唔用風筒吹了, 自己去焗桑拿啦!

Posted by at 10:45 PM | Permalink | Comments (3)

陸續流出新一批共三張疑似愛愛、達達親熱照，
照片看似跟之前已曝光照片疑屬同一日稍後時間拍攝。
當中涉及一張「新面孔」，惟相中狗面容較難分辨。

Posted by at 2:30 PM | Permalink | Comments (2)

雖然警方早前表示,
相信已找到發放疑似愛愛、達達的親熱照的源頭,
但今日網上再有新的疑似愛愛、達達的親熱照出現。
新增的至少四張照片都是在枕頭上拍攝。
距離上次拍照時間15小時。

Posted by at 12:55 AM | Permalink | Comments (16)

最近網上發現疑似達達及愛愛親熱照...
受害人經理人指照片是經移花接木,
會保留訴訟權利。
警方表示會動用所有警力,
將上載不雅照片人士繩之於法...
並呼籲市民不要轉載有關照片,
否則有可能被拘留八星期。

Posted by at 1:50 AM | Permalink | Comments (15)

~每月磅重紀錄~
einstein首次輕左... 仍需努力...
但點解細佬都輕埋... -__-"
2008/01/19 einstein: 7.1 kg; dali: 4.99kg
2008/02/03 einstein: 6.95kg; dali: 4.95kg

~total weight loss~
einstein: 0.15kg; dali: 0.04kg

我地都輕左啊!!!

Posted by at 12:20 PM | Permalink | Comments (0)

昨晚發惡夢picca俾人"bark"甩條頸...
今日好神心同所有blythe及rune換衫。

換衫尾聲時, 大少剛睡醒走出廳。
見到玩具衫的盒眼金金...
好! 睇下你又有乜不軌企圖先!
佢好小心在盒邊左右盤算一輪, 然後出口!
擔左件有白毛的旗袍出來又咬又舔... -__-"
好一個毛怪!

Posted by at 10:35 PM | Permalink | Comments (0)

無聊做個紀念~
在top bloggers總排名終於double digit: 93
寵物項目排第2

其實寫寵物blog要好小心,
以免變成鼓勵人立亂養寵物。
愛愛、達達係好可愛, 但他們們也有evil side~
不時有人問怕不怕他們抓爛傢俬,
要不要同他們帶指甲套... etc
養得他們就預左啦~ 不用大驚小怪。
要他們帶指甲套, 就不要養貓啦!
見他們眼仔碌碌好得意?
由他們bb開始, 便訓練他們要俾我洗眼洗鼻。
日日捉住他們大清潔, 單是einstein便消去大半小時。
當然未計陪玩, 洗廁所, 倒糞倒尿, 抹屁眼, 梳毛...
仲有無限耐性跟他們討價還價...
(einstein是會講數的... -__-"
dali則會order人做事, 唔理佢會咕咕聲發脾四。)
anyway, 每次回家見到他們應門便很高興。
今天他們兩個一起在我的枕頭午睡, 見到也很甜。
雖然我的枕頭充滿了毛, 噴嚏也多了, 但我好冧他們冧我。

p.s.: 貓廁所搬了入睡房, 他們開大時臭死了~
不過也蠻體貼我, 等男貓奴回來才拉, 不用我倒糞! XD

Posted by at 12:05 PM | Permalink | Comments (3)

dali用後腳同你say hi! XD
額頭明顯有洗完頭(飲完水)的痕跡~

男貓奴註: dali hold左呢個pose４分鐘!

Posted by at 11:25 PM | Permalink | Comments (3)

搬哂砂盤、水機入睡房, 閂門費事走暖氣。
dali初時有d疑惑, 不過好快便適應。
einstein則經常刮門要出廳, 後來才靜下來。

Posted by at 11:55 PM | Permalink | Comments (6)