Back to my blog or Go to my website
« Page 29 of 83 »
做完yin yang, 下大雨又凍, 匆匆吃過午飯便回家。
男人做事果然粗心大意,
一回家赫見兩位主子瑟縮在沙發上...-__-"
立即打開房門開暖氣, einstein第一時間窩在暖爐邊。
dali睡著了不願走,要推才入房...
見佢想呻鼻, 替他抹過鼻水, 二少便跳上床睡。
少爺們都不喜歡添衣束縛身體, 亦討厭暖水袋的膠味。
他們愛睡在被子或綿襖上。(蓋著他們會逃的。)
暖爐放得越近越開心... 同我一樣! XD
總之, 天氣凍就不可以大意, 他們畢竟是短毛貓嘛!
(雖然感覺上他們有很厚的被毛...)
總之寧願多一點電費, 也不要他們冷病~
睡一睡, 好過做元帥! (dali表演腳掂頭睡, kiki~)
早前拍落的倉底貨~
兩位少爺索matatabi種子上電。
大少一邊呼嚕, 一邊典來典去~
二少d儀態無哂! 仲流口水添!
乖, 夠鐘休息。
自細大少便是電視精,
睡房的電視一開, 他會立即飛奔入房! (無錯, 是飛奔上床!)
首先索下個mon, 跟住就舔起來! (話極唔聽就要踢佢落床。)
小時候, 大少很喜歡用手仔拍字幕, 好好笑。
不過, 近一星期連電腦精二少都痴實睡房電視... 睇tyra banks! XD
你地兩個咸濕仔昅姐姐...
一早起身, 在網上訂了aaron演唱會飛。
餵過主子, 就去做ashtanga。
第一次做, 同power相似, 不過動作快d。
沖完涼撞番老師, 佢話我做得幾好, 好開心我來上堂。
(我都好開心上佢堂~ ^__^)
一出building, 下著毛毛雨, 很冷。
好彩剛做完運動, 人仍然很熱。
去中旅社俾錢拎奧運換票證。
其中一個中旅職員走過來裝下我的票, 嘩了出來。
我說: "我抽八場先中一場田徑! "
她說: "中馬術比賽就見唔少, 北京d票香港分得好少咋!
北京的票大多分了給當地人..."
... 早知就托北京的朋友代抽籃球及跳水... -__-
之後在餐廳扒過崩沙牛腩麵便回家, 途中買左一條yoga褲。
呢排做多左yoga, 唔夠長褲著。(冬天不想著三腳骨上堂。)
yoga衫就早前在nike outlet一口氣買左3件, 超好著又平。
回家後, 按計劃進行廁所大掃除... 洗得耐過廚房。
其間兩位少爺非常不合作, 二少仲偷入廁所兩次, 俾我噴水懲罰。
後來由得大少入書房偷毛毛球玩, 佢就乖哂,
仲會擔個毛毛球到廁所門口要我拋到大門度, 然後run and grab。
有些時候我洗緊野唔得閒拋, 佢就在廁所門口等。
至於二少, 被罰後就一直睡在床上。(男貓奴後來鍚番佢。)
1) 又平又好著的nike yoga outfit。
2) 中旅認收據唔認人... 呢張證打死都不能唔見!
見大少成日喉住衣櫃裡的毛毛頸巾,
早幾日買了毛毛棒, 諗住遲d俾佢地玩。
點知大少的盜竊神功太厲害了!
前日出門口前, 竟給他從我的袋裡偷了出來玩!
見到都忍唔住大笑起來...
但趕住出門口, 我很快便收起來, 到晚上再拎出來陪佢地玩。
只要將毛毛棒放在跳架上, einstein便會表演grab and run。
唔止einstein, dali都要做運動~
仲有呢個毛毛門塞未拆... 唔止佢地會唔會玩呢?
右眼發炎, 取消做yoga, 不過按計劃展開大掃除廚房。
洗到爐頭閃令令, 一臉滿足坐在廚房欣賞成果, 一邊吃奶醬包之際...
大少從廚房門的玻璃看著我!!! 跟我眼神接觸後仲meow起來!
那一刻猶如捉姦在床... 有野食唔預埋佢一份!!! XD XD XD
舉機影完一輪, 解決埋個包, 一打開門, 大少即倒在地上撒嬌要吃。
結果俾左十幾粒乾糧俾佢! (斷得太應了... XD)
(呢幾日我好狠心將大少早飯份量減半...
不過佢無發啷嚟, 因為佢一詐型我便出動玩具distract佢。)
捉姦過程...
經常免費上演貓貓情未了... 據聞累積票房可望勁過長江8號。
考慮了很久, 今日終於付諸實行。
以前在會展設計廊見過電子bb磅, 到想買的時候卻已停售。
幾星期前去toysrus看看, 見到terraillion, 想買又無貨要等。
主子bb時, 我們經常keep track of他們的磅數。
但舊磅只能看到5kg... 之後的都要等去睇獸醫時才知。
(曾嘗試連人抱貓用浴室磅... 數字有點vague, 沒甚意思。)
貓不會說話, 有無病, 除了靠從外觀察, 就是看磅數有無突變。
早前dali尿道炎, 到看獸醫時才發現他輕了0.2kg。
(他們的體重一向只會有增無減, 那次聽到都有點surprise, 要姑娘磅多次。)
他們好命的話, 會有廿年命, 有些錢都是不要慳, 買少兩盒bobbi brown吧!。
加上大少過胖了, 我要好好控制他的體重... 
兩位少爺過往體重紀錄
$599, toysrus有售。
某天晚上, 我們拎長頸鹿嗡埋大少度扮鍚佢...
點知大少好受落, 仲鍚起長頸鹿來! XD
|