Back to my blog or Go to my website
« Page 37 of 83 »
大少要多做運動keep fit,
咁就要出動米袋3號!
兩個少爺對新米袋都好受落~
昨晚搵簿寫野, 意外發現2002泰國遊記。
(我一直以為自己無寫過任何以前泰國之旅...
睇黎我失憶症嚴重得很...咁究竟蘇梅個次有無寫呢?
我就是如此無手尾及即興, 東寫一d, 西寫一d!)
當時啱啱離開亞視, 去左布吉及曼谷。
寫日記用的習字簿, 封底是泰文九因歌, 布吉買的。
那次住sheraton laguna, 去了laguna beach resort做spa。
自此愛上angsana spa, 至今仍然回味無窮... 仍然記得那香味!
一拎出來, 二少便攬住想咬... 遲d都是打番入電腦好d...
大少趁我地旅行時,
大吃待吃細佬d糧... 當堂漲左。
well, 小朋友, 等你認識下乜野叫做:
"有咁耐風流, 有咁耐折墮"啦!
未來兩星期食糧減半! kakaka!
呢兩日一見我同老公就反肚用閃眼攻勢...
我出名鐵石心腸, 唔work o架! hohoho!
2007/10/23
吃過早餐, 我們收拾細軟預備check out。
在泰國其中的日常娛樂就是睇fashion tv。
在龜島最後一朝, 睇左valentino last show, 正!
今日就有john galliano 睇, 非常賞心悅目。
12點半check out坐的士去機場。
今次酒店員工叫我們跟meter, 完全唔塞車,
計埋expressway費用都只是200幾baht。
寄完行李, 便過customs入去行街街。
新機場的商店好多, 不過原來係無naraya 。(布吉機場至有)
不過罕有地有bobbi brown, mac, laura mercier。
肆無忌憚地玩完一大輪化妝品, 我們去吃日本菜。
之後上機, 坐附近有一對白痴男女,
男的不停地大聲說無人上飛機了, 要轉去window seat。
(離起飛仲有15分鐘, 當然仍然有人上機啦! -___-")
佢地坐左去window seat, 見有人上機又回去aisle位.
之後見無人, 又掉番過去, 到有人走去佢地個位,
先至好笠水回去aisle seat...
(原本佢地一早可以擺左個3人位, 但因掉來掉去,
原來的位俾一個匈牙利女人坐左...
要去後一行同另一中國女人share３人位。
我同老公都暗叫抵死! XD)
飛機閂門後, 我撇下老公跟匈牙利女人坐同一行,
中間有個吉位, 大家坐得鬆動d, 我可盡情用電腦。
吃完飛機餐, 白痴男女在後面玩啤牌,
成日打落個餐檯上。客氣地叫白痴男不要再打檯,
呢頭打完, 呢頭又來, 好！叫空姐搞掂佢地。
呢d人正式叫做有爺生無乸教。
去親旅行都好怕遇到d失禮的香港人。
其實d人成日笑內地人在港旅行不懂禮儀,
不少香港人去外地時咪一樣乞人憎。
在泳池叫囂, 在法國餐廳大聲傾偈, 一大班人衝去廁所...
怕蝕底、小家、大聲... 都是不少中國人特質, 改不了。
８點幾, 回到家, 今次是einstein來接我們, 用頭不停撞我們。
dali觀察一陣便跟著來, 我一行埋佢度立即企起身! *__*
第一件事就是同兩位主子大清潔,
einstein呼嚕到依家仲未停。(接近兩小時了~)
俾左D芝士佢地, very happy!
2007/10/22
以前來曼谷, 都會先逛siam ctr及siam discovery ctr。
但開左paragon及central world後, 佢地吸引力大降。
anyway, 循例都逛一下, 睇下loft, 食下野。
lunch在siam ctr的greyhound吃,
非常喜歡其周打蜆湯, 好多蜆肉。
感冒未好, 人見暈, 午飯後回酒店休息。
晚上去一早book左的c'est bon吃法國菜。
由skywalk慢慢行過去, 都只是十分鐘。
去的全都是香港人, 好彩早去, 人多時已經食完走人。
1,100baht的九大"鬼", 驟眼睇好細碟,
食落好飽, 最欣賞是朱古力蛋糕, 好味到震。
2007/10/23
einstein, dali... 我們回來了!
2007/10/21
老公生日。吃過早餐便去泳池hea下。
下午坐的士去banyan tree做spa, 才60baht, 抵過坐BTS。
在香港已在網上預約好, 選了３hrs nomi nomi package。
早幾日翻睇meet the fockers,
才知道芭芭拉史翠珊差d拗斷robert de niro條腰骨個招,
原來就是nomi nomi!!! XD XD XD
一到reception, 服務員講解程序及叫我們選想做的facial,
仲送左個花花爉燭、orchid香枝及燭台給老公做生日禮物。
我們的按摩師叫nana, 佢帶我地換鞋後便入spa room。
nana就負責按老公, 我就由另一年紀較大的女人按摩。
佢地好力到呢... 我同老公都忍唔住叫佢地softer! kakaka!
磨沙捽走哂d老泥, 按完一大輪, 再做cleansing facial,
舒服的3小時眨眼就過~ 之後我地去休息區嘆茶吃生果。
我選了菊花茶, 老公飲lemon grass, 暖笠笠, 好舒暢。
我們在gift shop買了兩個香薰座及一盒champaka香枝。
交回feedback form, 我們上頂樓餐廳vertigo吃晚飯。
早兩日打電話book vertigo, 跟店員說是老公生日,
務必要窗口位睇日落, 不過６點半個太陽已經唔見左。
anyway, 夜景都好靚。
我點了鵝肝忌廉湯, baby chicken及peach smoothie。
老公點了牛尾湯, 三文魚扒及singha beer。
期間有侍應替鄰座澳洲夫婦用餐廳相機拍照,
但先是無電, 繼而無memory card, 我們都笑起來。
當侍應再回來替澳洲夫婦拍照, 我們前方忽然放煙花!
仲有心心pattern的煙花! *__*
侍應戲謔那是complimentary firework,
不過原來是慶祝一間bookstore opening。
吃到尾聲, 侍應唱住生日歌送上一個蛋糕給老公。
隔左一陣, 另一張檯又有一對夫婦收蛋糕,
他們的朋友向我們說, 原來是慶祝結婚40周年。
我立即說congratulations。
負責影相的侍應終於來找我們,
當我們擺哂pose, 無錯! 佢又無電了! XD
我們跟澳洲夫婦都笑起來, 然後傾偈。
講講下發現, 我同澳洲先生Jim都是10.14生日!
咁有緣份, 我們立即來個合照。
我們之後交換email, 遲d要send番d相俾佢。^_^
回到novotel, 檯上放上了一個小生日蛋糕,
老公宵夜有著落~ kaka!
放煙花+唱生日歌
2007/10/20
吃過酒店早餐, 我們便行skywalk到central world。
首站當然是naraya, 不過cw大到唔識搵,
問過仍在化妝的information姐姐, 往1樓starbucks右轉便是。
在naraya玩左成個鐘, 開心價, 真是買得好爽! XD
跟住行下6樓的玩具店, zen... etc,
找不到新開的6樓naraya, 不過都買夠了。
在７樓一間叫"赤"的鐵板燒吃lunch,
個湯同飯超級好味, 是目前在泰國最好味的一餐。
食完野, 陪老公行siam square, 四圍都是keroro的ad。
話時話, 在泰國買日本野好貴,
eg, 一個普通muji幾蚊的透明container, 呢度要十幾蚊。
一盒食玩都要三十幾蚊港紙~ hohoho!
晚上我們先在paragon food court吃晚飯,
再乘BTS到sala daeng, 在exit3一出便是silom night plaza。
一如所料無乜野啱, 在喜力牌轉入橫街逛,
發現了另一間naraya! 呢間仲會開到24:00呢!
貨品比central world 更多更齊, ２樓仲係特價場。
我只買了在central world見唔到的廚房手套及暖水袋套。
行完坐BTS返paragon food hall買小食宵夜,
在food hall盡頭是寵物用品corner, 不過無野啱主子。
2007/10/21
老公生日。
吃過早餐便去泳池hea下。
下午會去banyan tree做spa, 及在vertigo晚飯。
2007/10/19
一早傾盤大雨, check out後便在reception等車去碼頭。
在龜島狗就見得多, 不過貓就近乎零。
只有reception兩隻精力充沛的bb貓。
同佢地玩左一陣, 便去龜島簡陋的碼頭。
碼頭泥地崎嶇, 木板又爛又鋪唔平, 好多地方拖唔到篋。
呢個時候就明白到做弱質女子的好處,
每次老公叫我等佢番轉頭拎篋,
總有船員忽然出現幫手, 真是感動。
甫上船, 雨便停。一個多小時便到蘇梅。
seatran有免費車直接車乘客去機場, ３分鐘就到。
蘇梅機場一向又靚又開揚,
今次去多了construction sites做擴建,
增值服務亦多了, 包括免費上網, 小食及果汁。
一小時飛機, 我們便到曼谷新機場。
跟指示牌去坐的士, 職員寫的價錢是450baht,
比想像中貴了100baht, 不過20蚊港紙就算啦!
上網睇一些forum, 有旅客為多付50baht大動肝火,
亦有人堅持司機用meter,亦有人走上一層坐便宜的士。
當然堅持原則, 不想被騙是對的,
不過我們prefer規規矩矩, 保持愉快的心情去旅行。
塞左一陣車, 便到達novotel siam square hotel。
住過曼谷咁多酒店, 都是呢間好, 啱哂懶人。
check in 後, 走去對面paragon既orangery醫肚。
吃完逛逛paragon, 見到kate spade新貨雙眼發光。XD
再往food court吃超好味串燒, 昅下d野食,
再吃碗拉麵, 便回酒店休息。
是晚電影是: V for Vendetta, Red Dragon
2007/10/14
連續兩日六點起身, 勁眼瞓!
是次行程, 蘇梅只是中途站, 目的是留一晚等船去龜島。
因此我們選了近碼頭的小小hip hotel: punnpreeda
沒有上次來蘇梅住的連鎖酒店豪華;
(不會俾兩間屋旅客: 一間瞓, 另一間做客廳及廚房。)
punnpreeda夠"骨止", 可入住獨立小屋, 不誇張, 啱啱好。
旅客少, 地方細, 一出房門便可獨霸小infinity pool。
而且小沙灘就在infinity pool旁, 方便得很。
泳池旁的餐廳亦不錯, 好sun-bather friendly。
曾睇過有網頁寫, 近七成泰國的diving master來自龜島。
加上朋友之前去過大力推薦, 話氣氛及見既野幾多。
昨日在punnpreeda book了sea tran船飛,
每日只有一班8am早船去龜島。(samui airport都可訂購)
一早車子來接我們, 同行的有昨日認識的挪威夫婦。
甫check out便下大雨, 好彩有帶遮。
不用3分鐘便到達碼頭, 停左雨, 買兩支水便上船。
(掛住拉行李, 事後睇相才知道上船時天空有彩虹!)
sea tran比想像中企理, 有mini bar, 廁所乾淨。
我們和挪威朋友在1.5hr船程中繼續吹水，
談中港經濟、挪威及香港稅制、
點分日本人、大陸人及香港人、
點分挪威人、德國人及美國人...
大陸一孩政策、內地孕婦來港、
挪威日照時間、當地政府點呼籲國民生多d...
挪威住屋同香港住屋比較、工作時間、
教育政策、天氣、其他地方旅遊推介 etc.
下船後, 龜島碼頭人頭湧湧, 車也多...
我們匆匆交換聯絡方法便分別了。
我們尾隨一位大嬸上左架後座無蓋的貨車,
便前往ban's diving resort了。
單看門面, resort很up dub, 但越深入的行,
原來別有洞天, 不是奢華, 而是五臟俱全。
七仔、食肆、潛水用品店、網吧...
全都在resort及沙灘之間的路。
我們預訂了ocean view suite,
有熱水、冷氣、雪櫃、電視及dvd player,
在咁raw的地方來說已經好好了。
由於忽然下大雨, 加上眼瞓,
沖過涼, 吃過外賣pasta, 寫下日記, 便午睡去。
黃昏醒來, 雨停了, 齊齊去樓下做massage。
我選了兩小時aroma massage加foot massage,
老公就做thai massage加foot massage,
兩個加埋才1300baht, 即是每人百幾蚊, 好抵。
之後在附近的店買左件紅白水玉bikini, 大スキです!
再去吃晚飯, 呢度d餐廳好得意, 間間都播戲。
我們選了一間正在播colin firth主演、有關caesar的戲。
期間不少狗狗在檯與檯之間穿梭,
牠們不是來討吃, 而在坐座地布梳化睇戲, 爆笑。XD
回房後我地睇HBO播superman。
明天一早就要上advance open water, 好緊張啊!
2007/10/15
一早吃過ham & cheese pita, 便去見教練。
我們要求廣東話教練, 一來方便老公, 二來貪會少人d。
我們的diving master叫dominic, BBC, 廣東話識講唔識寫,
quit左london份工去旅行, 然後在此教潛水, 遲d12月會返香港。
上了一會theory, 學下計diving time etc, 我計得好鈍~
我們扒了杯麵便上船, 由於食太飽, 穿上wetsuit已經唔太舒服。
我們首先來deep dive 30m @ chumpon pinnacle。
見到幾條鯊魚, 一些蘇眉, batter etc。
上岸後忽反胃, 嘔哂d杯麵出來... -___-"
小休50mins, 我們到red rock (hin daeng)玩multi-level dive。
今次dominic要我地自己搵路, 要潛過一個cave再潛番上船。
我呢個方向感白痴唯有靠老公... 老公好叻無賣我豬仔。
潛完個人謝哂, 回房間攤屍。
明天仍有3個dive, 真是唔敢食野了!
2007/10/16
一早不停打乞嚏, 包左成卷廁紙雲吞。
８點出海到Twins玩navigation dive。
要方向感白痴用compass搵路..
幸好只是跟教練爭5m距離, 算過左骨。
之後自己潛, 當然是老公帶路。
再開船往white rock做浮力測試。
捐過D四方形框框, 用呼吸器撞低d目標, 做倒豎衝。
兩次dive見過nemo, 蘇眉, 蝦, 魔鬼魚etc。
回resort吃午餐, 不敢多吃了, 吃了老公少少炒飯。
期間餵了坐隔離的狗狗吃雞肉。
佢既閃眼攻勢太強勁, 令人想起einstein!
令我忍唔住餵完一次又一次。
(btw, jeff少話dali呢幾日成日刮我地房門meow。
而einstein就自顧自玩米袋, 無理jeff少。)
休息幾小時, 晚上６點又出海夜潛。
趁出發前同主子影d沙灘相。
海面頗大浪, 我同老公都有d反胃。
anyway, 入左水會好好多。
首次黑夜潛水, 要用電筒睇野, 好刺激。
見了石頭魚、魔鬼魚及好長好尖的魚吃小魚etc...
潛的時候背脊有Ｄ野拮拮地, 上水除wetsuit後,
發現原來是一隻小蟹!!! (我們都笑左好耐。)
老公上水後終於嘔左出來。好彩我無乜食野, 頂得住。
(我潛咁耐水以來, 昨日是第一次嘔... 懷疑是感冒作怪。)
anyway, 明天不潛了!! 我地已經畢業o勒! *____*
我可以吃感冒藥止鼻水了。
2007/10/17
是日休息日。瞓到好晏至醒。
現在先上下網止癮。
一陣見dominic 簽埋潛水log book。
下午會曬太陽及做馬殺雞(massage)。
|