Back to my blog or Go to my website
« Page 46 of 83 »
下雨天, dali又呱呱的嘈... 你是keroro嗎?
藍眼einstein唔鍾意曬, 躲在貓樹上。
回家前先去黃宅, 在三色貓買了一些applaws, 預兩罐俾tabasco & isabelle。
一開門, 佢地已經喵著要吃東東...
不過遍地貓毛, 仲有一堆膠袋+毛的嘔吐物 都是清潔左先。
吸了一輪塵, 洗兜煲水, 仲將佢個貓砂剷既千年污跡除去。
乾淨哂, 便開罐tuna & prawn俾貓貓, 佢地食得好開心。
唔知黃師奶專登收起貓梳、定根本屋企無貓梳,
家裡只一有個梳唔到毛既核突手套。
索性落樓同佢買過把梳, 否則貓貓食太多毛落肚唔好。
一梳tabasco, 佢開心到典來典去, 非常之high, 勁lun人兼呼嚕。
佢d毛真係好多好勁... 唔怪得成日吐毛。
之前黃師奶說isabelle不喜歡人梳毛, 不過今次佢好乖好合作,仲呼嚕添~
老公說... 再咁落去, 兩隻貓會跟左我。kakaka!
回到家裡, einstein第一時間吼住d罐頭... 呵呵... 過幾日食埋最後一罐innova先啦!
einstein: 靚女, 很久不見了。仍然keep得幾好。
mez: 我早前走了去打botox嘛~
看今期3CHATS月刊, 知道主編的愛貓波子發現初期尿結石問題...
結果佢強逼波子飲好多水, 目前情況好好多, 好似復原了。
由於可知, 養男仔貓, 真係要特別小心注意飲食。
今晚同老公講起, 好多時d人為免貓貓生牙石, 只餵乾糧,
咁究竟洗牙大鑊d定有尿結石大鑊d?
老公說雖然洗牙要麻醉都有一定的風險,
但有尿結石好似手尾仲長, 分分鐘要開刀取石...
其實我的想法也一樣, 希望在乾糧及濕糧之間取得平衡,
尤其是咱家的主子都是男孩子呢!
雖然我仍以乾糧為兩位少爺既主要食糧, 但偶爾也要來一餐濕糧...
之後會考慮因應佢地年齡增長increase俾濕糧次數,
希望你地永遠健健康康~
今晚開左罐applaws tuna & shrimp, 質素好好, 我試過味幾掂~
兩位主子都好受落, 食埋最後一罐innova evo, 我以後會轉用applaws。
(innova evo 蛋白質超勁, 佢地大個仔了, 改食普通的就可以了, 以免有尿道問題。)
無見一天, tabasco及isabelle好似忘了我哩!
晚上的眼睛又圓又大~ 黃師奶成日說dali跟tabasco好似樣。
感覺上tabasco的身無咁長, 尾巴也較短及粗。
在黃家, tabasco是dominant的一個, 咱家的dali就不是哩!
道友D的索木天蓼實錄...
素來知道tabasco有食膠袋癖,
(黃師奶之前都俾我話過好多次, 不過佢話都唔知tabasco點解仲搵到膠袋食。)
因此我第一天去黃宅就立即消滅危險品...
點知今晚發現tabasco又嘔了, 門口有一攤毛+膠袋的dirty野。
老公幫手清理過後, 我又餵了d吐毛膏俾佢地,
再檢查一次, 真係無膠袋可以咬... 可能是之前食落的。
呢幾日回家, 看著einstein及 dali... 忽然覺得他們好幸福呢...
一早去做hot1, 熱死左。
跟住吃過咖喱炸蝦飯, 便打道回府,
順便去黃宅餵兩隻貓貓。
今日帶左個0郎0郎波及大水兜俾佢地。
一開門, isabelle就喵住來迎門。
剷沙、添糧、煲水、吸塵, 就同tabasco剪指甲。
(有兩塊指甲已經長到掌心肉墊了... 唔剪唔得。)
isabelle蠻喜歡玩0郎0郎波, 又鍾意人摸, 不過唔鍾意人抱。
tasbasco就一派悠然樣, 唔會掙扎, 任人搞。
是日snap shot~ 兩隻貓都摸到反肚, isabelle仲呼嚕呢!
回到家, einstein來迎門, 充滿渴求既眼神, 想我俾野佢食,
不過才下午, 細佬都仲未食哂今朝個d... 晏d先食啦!
睇番我地屋企個兩位性格巨星...
大少就貪心兼多多要求, 二少就奄尖兼睇心情先睬人,
如果有一天我地去旅行, 你地會乖乖的嗎?
大少... 你以為我睇唔到你跳上檯嗎!? 
黃氏伉儷昨晚起程去渡蜜月,
tabasco 及 isabelle就落入我魔掌之中~ hohohohoho!
下午去黃宅探佢地,黃生黃太搞婚禮太忙了, 屋企一如預期的亂,
成屋貓毛, 貓貓的水兜也打翻了。
我就不停吸塵及執走d雜物, 老公就幫手清潔砂盤及洗水兜及煲水。
之前黃太仲話有足夠貓砂, 點知老公話淨番個少少都用哂了,
所以落街買定一盒, 仲要係店子最後一盒... 真好彩。
兩隻貓貓好乖好斯文, isabelle仲俾老公摸到呼嚕。
tabasco亦好順得人, 好易就可以抱住,
不過等明天再熟絡d先同佢修指甲。
上面是大仔tabasco, 下面是細囡isabelle。
tabasco成日望住個門口~
|