happy new year!

ps: 改了website封面。

Posted by at 10:30 AM | Permalink | Comments (1)

貓都要辦年貨0架!

今日下午忽然發冷, 又有d暈, 四肢背脊痛到飛起...
放工回家睇醫生, 燒成101度, 嚇死左老公。
果然是發到變燒豬...

Posted by at 9:00 PM | Permalink | Comments (8)

兩位王子對花花非常好奇~
係咪好香哩? ^o^

Posted by at 12:00 PM | Permalink | Comments (1)

因為兩隻貓食野好唔平均, 屋企不可以放長糧,
若不einstein就會變大肥仔, dali就變瘦骨仙。
可是限時食野都好煩, 特別是二少食野好似誓願咁, 又易分心,
首先在廳吃幾口, 跟住要入睡房/書房吃。
吃了一半又唔吃, 要人用水泡乾糧先再食。
最後會食剩十幾粒, 心情好就只要有人用手餵就清貨,
否則就誓死不食, 激死。
明明細個既時候dali食野多又快,
依家就成日心思思想食濕糧, 見到係乾糧就擺款... -__-"

dali: 我係咁奄尖麻煩0架0勒~ 奴才快d來服侍我!

Posted by at 10:30 PM | Permalink | Comments (0)

捱過七年之癢, 今年決定唔搞new year party, 過個懶惰豬年。
話雖如此, 全盒仍然要拎出來擺下, 唔益人都益下自己嘛~
前日去sogo辦年貨, 買左少少零食放全盒。
我食野揀擇, 硬糖免問, 軟糖只喜歡吃固力果提子味,
偏偏百佳就無呢隻味, 又不喜歡優之良品的A貨固力果, 始終都是要去sogo買。
怕喉嚨痛, 朱古力就少食了... 反之日式草餅、栗子餅軟林林, 易入口, 必買。
另發現咸魚仔加nuts小食, 好似好吸引, 買住一包試下先, 始終熱氣, 費事喉嚨示威。^_^
以往經驗, 幾包野已經可以塞滿全盒兩次, 真係不用買得多。

大少, 唔洗諗0勒, 無你份啊!

Posted by at 11:00 AM | Permalink | Comments (1)

einstein最愛沙沙聲的暖包。
為怕佢咬穿個隔夜暖包, 索性用小布袋包住,
只要一搖一扔, 大少就會開turbo追過去,
然後擔住個小袋子找地方收埋/把玩。
佢對小袋子的瘋狂兼迷戀程度, 真係好好笑。
如果從佢度拎走個袋, 佢就會用手抓住唔俾人。
就算收埋左個袋唔俾佢玩, 佢都會四圍搵呢!

Posted by at 11:00 AM | Permalink | Comments (2)

忘了post改良後的水兜。
男貓奴去了整廣告膠板的地方,
用五十蚊"界"左塊新底板, 可以承托濾水器。
依家可以好方便拆個兜去洗了。

Posted by at 11:00 PM | Permalink | Comments (0)

我們8個月大了!!!

Posted by at 12:07 AM | Permalink | Comments (3)

本來想影dali, 滿足下佢既fans...
但佢一見舉機就冷冷的行開。
八掛的einstein呢個時候伸個頭出來, 給我拍個正著。

大少: 我不摺耳, 但我懂搶鏡, 恨我吧, dali迷~ :p

Posted by at 12:00 AM | Permalink | Comments (0)

只要有新玩意, dali就會用微弱沙啞的聲音興奮的"wear"!
紙飛機, 平靚正, 荷包安心, 撲得開心。

dali示範玩紙飛機~

Posted by at 12:00 AM | Permalink | Comments (3)