Back to my blog or Go to my website
« Page 59 of 83 »
富貴就輪唔到我, 不過總會收到形形式式的贈品。
當中以化妝品, 袋, memo pad, file 為最多, 多到用唔哂, 掉又可惜。
就係咁, 儲下儲下又一座山。
直至睇fab 5, carson一句"無著一年既衫就要掉!" -- 當堂令我開竅,
首先清衣櫃及唔用既袋, 捐得就捐。然後清過期及唔用既化妝品。
今晚又執櫃,好神心的將d美容贈品分類, 希望盡量使用, 不要浪費。
tc造福窮人的贈品袋...
唔夠大俾einstein玩, 拎番公司當作lunch time外出袋吧!
einstein最愛沙沙聲的東西,
一個暖包足以令佢高聲呼嚕。
瘋狂程度比high貓草仲厲害。
踢完一輪, 便攬住佢典來典去~~~
哭得我死去活來的一套戲: sylvia
中學literature, 讀了一堆當代女詩人作品,
sylvia plath的是最赤裸、震撼及悲哀的。
年輕貌美有才華, 但嫁錯男人, 最終自殺身亡。
電影拍得不好, 浪費了gwyneth paltrow。
但到自殺一幕, 忍不住哭起來...
完全呈現了讀書時代幻想出來的景象,
睇住佢安置好仔女, 貼膠紙封門, 開媒氣... 真是好可憐。
more about sylvia: link here
買左隻vcd好耐, 一直等老公不在家才看,
因為知自己會喊到成隻豬頭咁, 費事佢嚇親。
不過自得其樂地包雲吞時有段小插曲,
就是einstein知道我喊, 特登走到我面前,
首先用手拍一拍我膝頭, 好像是問: "你無野嘛?"
跟住再拍一下, 跳到梳化邊, 不知所措的騰左個圈,
然後伸個頭來舔我眼角的眼淚。(感動到爆!)
後來話俾老公知, 這已是第二次einstein來安慰喊包,
納罕究竟是出於八掛, 定真係咁有人性?
然後我即席拎住紙巾扮喊索鼻水, einstein果然即刻來錫我塊面~
靈貓啊!!! *________*
兩位少爺上月吃過innova罐頭後, 就食過番尋味,
一見我地入廚房就跟到實一實, 特別是dali恨到出哂面,
連乾糧都食少左, 為怕佢地挑食, 以後唔食乾糧,
結果慶祝七個月大那天, 抽起左原定俾佢地既azmira濕糧。
隔左幾日, 從廚房拿出茅屋芝士, 佢地以為是濕糧, 發哂顛咁,
dali吃了兩口, 知道不是濕糧, 失望地走開, 益哂為食既einstein。
(以前俾佢地食felidae濕糧都無咁樣... 可能是味道太淡~)
昨晚見佢地幾乖, 終於心軟開左罐azmira, 佢地又喵又企, 開心到震。
不過有趣的是, 以為佢地食完濕糧就飽,
點知過左個多小時後, 一齊扭計要吃乾糧,
(einstein就一d都唔出奇... 但dali未試過咁。)
結果俾左少少乾糧佢地~ 都好唷, 至緊要肯食番乾糧。
你地乖乖地, 就個個月都有得食~ 不過食完一定要刷牙!
呢排開始研究天然成貓乾糧, 因為佢地夏天就可以轉糧了。
暫時目標有: natural balance, fromm, foundations, felidae, nutro choice。
頭三個屋企附近有得買, 不用千里托糧。
而講排名, natural balance, felidae, nutro choice都是十大成貓乾糧。
本來都有考慮過innova, 但佢protein太勁, 唔係隻隻貓受得。
felidae味淡, 有d貓未必鍾意, 而且來貨不穩定, 唔多地方買, 應不會買。
nutro choice complete care有口碑, 而且用開佢既幼貓糧, 但好遠至有得買...
身邊朋友都有用過natural balance及foundations, 都是讚好用。
前者令朋友既貓貓毛質變得有光澤同豐盛左, 後者就經濟實惠。
個人就一直垂涎fromm, 有三文魚西蘭花, 有鴨肉甜薯, 自己都想食!
anyway, 貓糧是俾貓食, 我都是再research清楚d成份先決定。
小學時代, 養過好多野, 大多下落不明。
包括四隻狗, 兩隻貓, 兩隻龜, 一隻了哥, 好多條魚。
四隻狗是唔同時間養的, 由於我太細個, 兼成日不在家,
偶爾星期天或假日回家才能相聚。
每次佢地消失, 我都唔敢問點解, 因為老豆是非常兇惡的人。
只有尾二一隻, 我忍唔住出聲問, 佢既答覆是比左人。
總好過佢答我煮左黎食既... 因為我知佢做得出。
四隻狗, 分別是winnie, bobby, winnie二世, rocky。
winnie是我第一隻狗, 名字是家人取的, 那時我只有K3。
對她是充滿感情, 因為自細養大(幼稚園至小一),
到一年班某天放學,有人告訴我佢被老豆打走了, 好傷心。
後來又有人告訴我佢曾經回來片刻, 但很快走了。
第一隻狗winnie~ 好可惜, 沒有bobby及rocky的相。
第二隻狗bobby是沙皮, 是唯一夠膽同我老豆死過既狗。
小二時某天老豆捧了回家, 我很開心。
每次我俾人逼吃飯, 吃不到就悄悄的分D俾bobby,
佢會九秒九同我掃哂。
bobby嗜吃又大力, 不過我同佢相處時間唔多,
某一天回家, 佢又忽然消失了, 原因不明。
我最鍚最疼的狗就是winnie二世。
是一位uncle車我去沙田的狗場拎回家的。
由於感覺上同winnie有d似, 故改名叫winnie二世。
佢絕對是無懈可擊的小狗, 不用教已經會去廁所,
又0爹又可愛又活潑, 早上九時總會跳上我心口舐醒我。
後來我小三暑假去了美國, 回來後winnie二世不見了, 非常傷心。
我最愛的winnie二世... 有時望住dali會想起佢。
最後一隻是過度活躍的小狼狗, 是老豆在差館拎回家。
叫佢做rocky, 是為紀念細個認識的一隻退休警犬rocky。
養小rocky時是住在村屋, 活動範圍好大。
某次仲同佢發現左一個乾左一大半既沙灘, 有好多擱淺左既水帽。
小rocky見到水帽仲有d驚, 後來我迷路不會回家, 是佢帶我番去。
佢既下場, 我不知道, 因為我不久便離開左老豆, 而老豆幾年前死左。
至於兩隻波斯貓, 我只見過佢地三、四次,
好似是暫住, 連名都無改就唔見左。
而兩隻龜, 老豆後來好似拎左去煲湯, 那次我好嬲。
因此到我依家有能力自己養寵物, 我點都要佢地過得好!
兩兄弟常規操練時間~
連dali都打到七情上面。 :P
男貓奴的打機椅, 已完全被兩位主子佔據。
其實呢張百零蚊ikea椅真係幾0岩貓用,
仲抵過市面好多貓跳台。
upside down放可以被貓貓玩"僕里里",
einstein做錯事第一時間就會躲在裡面。
(佢地已經又大又胖, 很難躲進梳化底~ 呵呵!)
dali小時候仲會用鐵架來做引體上升,
隨手綁條繩上去, 兩傻都抓得不亦樂乎。
最重要是不會痴毛, 佢地點抓都唔爛,
而且夏天時兩個都好喜歡睡在這兒,
大概是布料夠涼爽吧!
早幾日煮飯時, 將椅子正常擺放,
(平時大多時候都是upside down放的。)
一轉頭兩隻野就跳上去宣示主權。
隨拍一張, einstein既面部表情, 任何時間都咁豐富~ ^__^
昨晚發夢養了12隻貓, 情況非常混亂!
兩兄弟成日玩性格轉移,
呢排是einstein活潑, dali懶洋洋。
都好既, einstein肥d要郁多d。
dali: 我唔郁都fit過大佬。
講左咁耐, 男貓奴終於的起心肝完成自製水兜。
(早一、兩星期天氣凍, 佢用膠兜整左個臨時版本,
等主子們可以飲正常室溫既水。)
點解要自製水兜?
1) 想貓貓增添飲水樂趣, 多d飲水, 減低患尿結石機會
2) 貓通常都enjoy新鮮帶氧的流水
3) 市面可選擇的飲水器不多, 又貴又無保養, 壞了要換零件好麻煩
4) 想要一個可以調教食水溫度的水兜, 連我自己都不想冬天飲凍水啦!
材料:
1) 小型濾水器 1 個 ($25)
2) 加熱棒 1 支 (可調教溫度的較貴, $100)
3) ikea 玻璃兜 1個 ($45)
4) ikea 玻璃小燭台 1個 (用來托住個濾水器, $8)
5) 熱溶膠 & 熱溶膠槍
做法:
1) 用熱溶膠將小型濾水器及小燭台黏實
2) 再將合成品黏在玻璃兜側面~ 基本上已經完成。
3) 天氣凍時可以將加熱棒放入水中, 將溫度調至25度便好了。
太暖既水貓貓不會飲的啊~
注意地方:
1) 由於我prefer較矮及長既兜, 方便兩隻貓同一時間飲水,
所以先至要加工穩固濾水器。
如果選用既兜高d, 係可以直接將個濾水器掛上去。
因此建議先買濾水器, 計好所需高度才買水兜。
2) 選用玻璃兜, 因為夠重, 不易給貓貓打翻。
3) 加熱棒有平有貴, 可調教溫度及外國生產的貴d。
如果用國貨及無得教溫度既幾廿蚊都有。
用家反應~~ 非常受落。
其他自製水兜參考: petpetplayland
|