Back to my blog or Go to my website
« Page 9 of 11 »
兩位少爺上月吃過innova罐頭後, 就食過番尋味,
一見我地入廚房就跟到實一實, 特別是dali恨到出哂面,
連乾糧都食少左, 為怕佢地挑食, 以後唔食乾糧,
結果慶祝七個月大那天, 抽起左原定俾佢地既azmira濕糧。
隔左幾日, 從廚房拿出茅屋芝士, 佢地以為是濕糧, 發哂顛咁,
dali吃了兩口, 知道不是濕糧, 失望地走開, 益哂為食既einstein。
(以前俾佢地食felidae濕糧都無咁樣... 可能是味道太淡~)
昨晚見佢地幾乖, 終於心軟開左罐azmira, 佢地又喵又企, 開心到震。
不過有趣的是, 以為佢地食完濕糧就飽,
點知過左個多小時後, 一齊扭計要吃乾糧,
(einstein就一d都唔出奇... 但dali未試過咁。)
結果俾左少少乾糧佢地~ 都好唷, 至緊要肯食番乾糧。
你地乖乖地, 就個個月都有得食~ 不過食完一定要刷牙!
呢排開始研究天然成貓乾糧, 因為佢地夏天就可以轉糧了。
暫時目標有: natural balance, fromm, foundations, felidae, nutro choice。
頭三個屋企附近有得買, 不用千里托糧。
而講排名, natural balance, felidae, nutro choice都是十大成貓乾糧。
本來都有考慮過innova, 但佢protein太勁, 唔係隻隻貓受得。
felidae味淡, 有d貓未必鍾意, 而且來貨不穩定, 唔多地方買, 應不會買。
nutro choice complete care有口碑, 而且用開佢既幼貓糧, 但好遠至有得買...
身邊朋友都有用過natural balance及foundations, 都是讚好用。
前者令朋友既貓貓毛質變得有光澤同豐盛左, 後者就經濟實惠。
個人就一直垂涎fromm, 有三文魚西蘭花, 有鴨肉甜薯, 自己都想食!
anyway, 貓糧是俾貓食, 我都是再research清楚d成份先決定。
講左咁耐, 男貓奴終於的起心肝完成自製水兜。
(早一、兩星期天氣凍, 佢用膠兜整左個臨時版本,
等主子們可以飲正常室溫既水。)
點解要自製水兜?
1) 想貓貓增添飲水樂趣, 多d飲水, 減低患尿結石機會
2) 貓通常都enjoy新鮮帶氧的流水
3) 市面可選擇的飲水器不多, 又貴又無保養, 壞了要換零件好麻煩
4) 想要一個可以調教食水溫度的水兜, 連我自己都不想冬天飲凍水啦!
材料:
1) 小型濾水器 1 個 ($25)
2) 加熱棒 1 支 (可調教溫度的較貴, $100)
3) ikea 玻璃兜 1個 ($45)
4) ikea 玻璃小燭台 1個 (用來托住個濾水器, $8)
5) 熱溶膠 & 熱溶膠槍
做法:
1) 用熱溶膠將小型濾水器及小燭台黏實
2) 再將合成品黏在玻璃兜側面~ 基本上已經完成。
3) 天氣凍時可以將加熱棒放入水中, 將溫度調至25度便好了。
太暖既水貓貓不會飲的啊~
注意地方:
1) 由於我prefer較矮及長既兜, 方便兩隻貓同一時間飲水,
所以先至要加工穩固濾水器。
如果選用既兜高d, 係可以直接將個濾水器掛上去。
因此建議先買濾水器, 計好所需高度才買水兜。
2) 選用玻璃兜, 因為夠重, 不易給貓貓打翻。
3) 加熱棒有平有貴, 可調教溫度及外國生產的貴d。
如果用國貨及無得教溫度既幾廿蚊都有。
用家反應~~ 非常受落。
其他自製水兜參考: petpetplayland
平安夜, 兩兄弟吃聖誕大餐, 食到唔停口~
個人試過味, 金裝innova真係好好味, 仲正過felidae。(兩隻都是天然糧。)
不過呢隻innova營養好好, 偶爾一次就好了, 否則佢地會變成加德里奧。:p
首先同大家介紹: "小愛子" 及 "小達子"!
兩位公公雖然仍然好累, 但已經會吃會喝,
einstein已經會追玩具, dali就會從高處跳下。(嚇死我地...)
本來不想他們戴頭罩, 不過到診所接佢地時,
已經戴左上身, 咁就由得佢啦...
去抱佢地走時, 本來兩個仍然訓緊,
一聽我叫佢地個名即刻仰高個頭, 那一刻有d感動。
今日時間表:
(由之前一晚8pm開始饑饉, 只給水及奶, 以免麻醉後哽咽)
9:30am, 準時見獸醫, 放低兩位主子。
磅重結果: einstein 4.8kg; dali 4.56kg。
2:10pm, 獸醫助手致電男貓奴, 說兩位小朋友已經完成手術醒左。
6:30pm, 接兩位主人回家。
vicki問開, 索性影出來~
兩位大少既小食, 茅屋芝士。
 終於俾我執到兩隻牙仔勒!!!
星期四同兩位主子進行深層清潔療程,
同einstein刷牙時, 佢死都唔俾我整佢左面排牙,
一定要由右面一直掃過去左面先至得,
收手唔刷時, 發現佢肚仔有一小灘奶白色物體,
初時以為是佢吐左d牙膏出來,
拾起來一看, 是牙仔啊!!! (仲要是大大隻既! 老公說是限量版啊!)
唔怪得佢唔俾我刷個邊啦!
到星期六, 一早起身見佢地咁乖,
就俾d cottage cheese佢地食。
觀察佢地食左一陣, dali的一碟, 竟然有微量既血。(黃黃紅紅咁)
捉起dali檢查牙仔, 佢少有地反抗唔肯打開個口,
放開佢後, 佢就去左食einstein個碟, 唔食自己個碟。
我拎起佢碟cottage cheese研究, 發現多一隻牙仔!!!
(比einstein的細。其實mix左落cottage cheese, 差d睇唔到~
因為cottage cheese質地就好似呈白色粒狀既yogurt, 同牙仔顏色一樣。 )
現在執牙仔數量, 老公以4比2領先! 我要努力!
我們拾到的貓牙, 都會用雙氧水浸一排先至放入樽。
"貓物語"話咁樣衛生d, 同埋牙仔唔會日久發黃/發臭。
星期日, 換砂清潔日。
恕我有潔癖, 堅持每星期"清盤"。
經過多次考慮 終於棄傳統砂, 轉用豆腐砂。
一來環保d, 二來少砂塵d, 對貓貓健康好d。
今日轉砂, 好緊張, 怕兩位少爺唔接受, 所以摻左d舊砂。
einstein最乖, 立即入左砂盤解決, 完全無異議。
dali隨後入去砂盤巡視, 明顯有d介意, 行一步倒後兩步...
結果都是出番來, 無用到。
過多三小時, einstein再入去砂盤小解,
跟住dali就入去嘗試接觸新砂, 在腳踏位置猶豫左一陣,
(我一路看, 一路fingercrossed...)
等左一陣, 佢終於入左去解決! (yay!)
希望你地會喜歡用新砂啦!!! 豆腐味好香架! (fingercrossed!)
兩兄弟從窗簾罅"裝"下袋新砂。
昨晚檢查, 兩位主人都甩左最後的一顆bb犬齒。
老公搵極都搵唔到d牙仔, 大概是俾佢地吞掉了。
(佢竟然好婉惜地說:"早知之前個日抆左隻牙仔!") -___-"
現在上下都各有一顆永久犬齒。
有貓人士, 一定要買今期貓物語, 因為有教如何分辨牙仔及護齒之道。
(仲要係眼睛水汪汪的長毛摺耳貓做封面, 可愛死了。)
恰巧老公回到家又找到兩顆乳齒, 興奮得很。
(目前四顆牙仔都是由他拾獲。)
貓物語指出, 小貓換牙前有26顆乳齒,
到六個月大就換成30顆永久牙齒, 通常乳齒較為尖細。
小貓換牙時最明顯是犬齒, 會出現新舊牙並排情況,
因此貓奴要特別注意, 以防貓貓牙仔藏垢, 形成牙石。
如乳齒不脫落, 更要請獸醫幫手拔走。
我同老公再檢查兩位主子牙齒, 再比較11月2日拍下的照片,
明顯發現佢地都分別甩左上排其中一顆犬齒了。
究竟邊隻牙係einstein? 邊隻牙係dali既呢?
P.S.: 老公今朝終於如願以償, dali同佢隻手按摩左幾下! 開心得佢!
昨晚收工, 老公興高采烈告訴我執到兩粒貓牙仔。
兩夥小牙仔尖尖的, 像犬齒,
根部的微絲血管仍是紅色, 應該是甩左無幾耐。
誰的牙仔???
奉老公聖旨, 冒著生命危險檢查兩位主子的牙,
einstein的犬齒都好大, 其他牙仔好齊。
dali既犬齒就一d大一d細, 前排d牙仔未長齊。
老公似乎迷上玩搵牙仔遊戲呢!
|