Back to my blog or Go to my website
« Page 4 of 12 »
去年偷懶停辦annual party俾天譴, 搞到新年流流發高燒...
今年榮升全職師奶, 襯結婚十周年前搞番個赤口party~
由於男貓奴早前咳左好耐, 近一個月才好...
因此謝絕朱古力、糖果、餅乾, 以免浪費。
唔送禮都無問題, 旨在朋友聚下舊, 開心下~
如真的要買, 以下是大會指定產品。(大多樓下超市有售~)
貓用品則copy自寵物城website, 少爺們只吃applaws雞肉+南瓜或純吞拿魚,
懇請不要買任何其他cat treats, 以免浪費。
一直都不想浪費家中多出來的贈品貓糧。
今日終於可以用來餵街貓。
餵唔哂既兩小包貓糧, 就俾左一位原居民。
佢屋企門口是貓貓出沒熱點。
我們今日去大澳睇海豚及餵貓~
為怕暈車浪唔舒服, 空著肚子入去。
在慶華茶餐廳吃了yummy炒麵, 到處逛逛, 餵下街貓。
為避免多人同一條船睇海豚,
我們不在橫水渡上船, 走回巴士站的靚碼頭上船。
每人才20元, 可玩25分鐘, 只有兩pair人便開船出去了。
結果見到一條海豚, 佢仲企起左半個身添, 不過影片太震拍得不好。
之後行下新基大橋, 繼續餵街貓。
途中見到呢間超抵死士多...
成為資深師奶9周年紀念日
1999年, 一名無知少女就咁俾人呃咗!
在跑馬地觀禮後, 同老公打的去cwb吃tonkichi。
lunch time只需等3個位,
逛逛旁邊的古董錶行, 一陣便可入座。
我們都點了吉列大蝦豬柳定食, 超yummy!
回到家, 打開信箱, 收到reriko的surprise gift!
(reriko我愛死你啊! 我恨左好耐! 香港未見過!)
晚上去尖沙咀飲, 見番好多MCS舊同學,
(仲有做左校長的Ms Lee! 好開心!
當年中五最後一堂R.S.堂,
Ms Lee叫大家估邊個同學會最先嫁,
我是大熱門! kakakakaka! XD)
當年我要結婚, 鹿鹿自動請纓做姊妹。
晚上婚宴玩遊戲時, 她拿著充滿唇膏印的餐巾滿場飛,
好多兄弟都記憶猶新。
今天到她出嫁了, 是十位姊妹中的第一位。
衷心祝福她白頭到老, 永結同心!
MCS reunion!
是日陽光充沛, 拿著鏡子跟少爺們玩折射~
二少一見光影出現, 立即呱呱叫去撲~
(曾經有段時期, 二少每天早上都在廁所門口等我化妝。
因為一打開盒eye shadow, 總會將陽光折射到牆。XD
其實好少用眼影, 好多時特登開鏡盒同佢玩一陣...
後來成日趕住出門口, 無同佢玩, 現在佢不會在廁所門口等了。)
canon叛徒試新相機~
(一手揸鏡盒, 一手揸相機, nikon P5100防手震唔錯! XD)
部wii買左成年... 我只掂過三、四次...
boxing day拆了wii nights, 呢次我要霸住部機打! kakaka!
當年仍是中學生, 放學便竄去老公家打saturn nights等佢收工。
老公剛剛話我知, 遲d PS2會復刻saturn nights... 超期待!
電車女打wii... 一load畫面見到nights好似見到久違了的好朋友!
咁多年來儲儲埋埋的nights products~
當中三個布公仔及mouse pad是好多年前撞彩買到。
希望佢今次重出, 會生產多d side products啦!
(各位如見到有請通知聲! *__*)
今年聖誕節好懶又怕人多,
平安夜在屋企附近間grappas吃聖誕餐。
個waiter勁好笑, 有點騎呢, 又好好禮貌。
最喜歡dessert朱古力布甸, 暖笠笠的朱古力~ yum~
翌日聖誕拆了P5100玩, 一開電視見NP360爆棚,
即刻去試下部新相機,期間撞到一些同事及行家。
影夠便逃離人群去機場飲茶~
見天氣凍又費事排隊等位, 晚上在家打邊爐。
|