2007年6月16日, 我又回來玫瑰堂了。

Posted by at 9:30 AM | Permalink | Comments (0)

親手煮的貓貓生日餐: 芝士西蘭花雞肉飯
二少就食左一陣就罷工; 大少好俾面, 幫手清埋細佬個兜。

Posted by at 9:00 PM | Permalink | Comments (6)

細妹多啦大個女0勒!
據講細妹同einstein一樣喜歡零晨5點幾暴走。
佢又同dali一樣鍾意攬住人隻手摸佢既肚。
白灰貓奴今次好乖, 依時交貨, 仲影哂佢一門八傑俾我。

第一行: 細妹, 你耳上執毛令我想起在kenya見到的獰貓: link here
第二行:一家之主白白, 以及第一胎既長子 bibi。
(呢張相竟然影得白白比bibi細, 實情絕非如此‧。)
第三行:大眾媽打灰灰, 順得人既靚女丁丁, 天生一副無辜look既芝芝
第四行:賣飛佛朱古力, 非常靚仔, 眼睛是黃金色的。
男貓奴飛佛旦旦, 勝在唔怕人爛玩。

Posted by at 3:30 PM | Permalink | Comments (2)

二佬haven都一歲大了!
細個時候, 佢既毛質是眾兄弟中最柔軟及最好摸的。
鳴謝vicki提供照片~ 第一張好似參展相呢! ^__^

haven(灰色)同大佢幾胎既哥哥hugo(忌廉色)相處非常融洽。

d毛睇落仍然非常柔軟呢!

Posted by at 11:00 AM | Permalink | Comments (3)

昨晚俾einstein搞到無覺好訓... 又闖禁區、又撲袋...
佢好似知今日做乜都唔會被人話, 把握每一個機會搗蛋。
anyway, 今朝一起床便侍奉主子。
dali呢幾日好vocal, 聲音亦變得幾high pitch, 好嬌0爹。
佢地對applaws幾受落, 大少一陣就食哂,
二少就食左一半, 中午再靜雞雞俾佢食埋。(否則大少會來搶食...)

Posted by at 10:30 AM | Permalink | Comments (0)

6月8日, 兩位主子一歲大了! \^o^/
首先來個one-year-old innova宵夜~

Posted by at 1:00 AM | Permalink | Comments (6)

趁放假, 就搵d好耐無見既好姊妹午聚。
做完yoga, 仆去上環找gigi, 我們自去年新年派對後就無見過。
我個屆既中學同學, 大多做big four或律師, 聚會時好悶。
gigi同我是屬於"另類"或"不長進"的一群, 比較談得來。
談感情、談事業、談健康、談人生觀...
亦有集體回憶我當年結婚趣事。
當年我是第一個嫁, 根本無friend可參考,
好多野就是學生做project咁過骨就算, 非常粗枝大葉。
說起婚禮化妝, 唔識架, 搵朋友化lor! 整頭? 朋友既朋友lor!
頭飾? 忘了準備晚上頭飾, 幸好髮型師即時拆花球的花頂住。
影結婚相, 返學校lor! 個日個妝同個頭點? 自己搞掂lor!
細心d睇, 當年怕抆眉, 唔俾朋友搞, 所以條眉係唔齊既!

唔齊既眉, 自己扎既假花球, 中學做drama時用的朱義繩頸鍊...
e, 依家先發現忘了戴耳環~ kakaka!
還好outcome呃得下人, 亞里路亞! (還是要感謝伴郎影得好...)

比較花心機是張帖, 個idea是我在吉野家食完野在餐紙draft出來的...
由兩位伴郎合力製成, 紙質是參考王菲唱遊隻碟既booklet。

呢兩年好多朋友結婚, 我就可以懶係有經驗同人分享。
其實我當年是烏sir sir, 行aisle踩裙,
行禮期間, 在教堂玩到一塊假指甲飛左出來, 好彩一位兄弟醒目見到,
替我執左佢, 然後我地都要忍住笑。(新郎事後至知... 呵!)
戴戒指時拎錯老公隻手, 佢又唔話我知, 塞極都塞唔入,
索性戴左一半就扮哂野戴左, 事後佢自己戴番0岩先話我知,
所以technically 我係未嫁既! kakakakaka!

同gigi說起, 現在見到好多朋友既婚姻都非常精心計劃、力臻完美。
職業女性搞婚禮真是辛苦一百萬倍, 令人拜服。
btw, 如果我依家至嫁, 相信唔會DIY咁多野!

Posted by at 1:00 AM | Permalink | Comments (13)

老友快結婚, 近幾個月我地一有空, 就不停傾準備事項。
(感覺有D似自己嫁女~~~)
昨日我地就談到ring pillow, 花仔花女, wedding card, reception etc.
真是好多繁瑣的事情要準備。
回想當年仍是學生的我, 傻呼呼的搞婚禮,
單是找想要的ring pillow也找了好耐...
因為不喜歡一般白緞做的心型枕,
到搵到差不多要放棄時, 竟俾我在類似hallmark的店,
搵到一個米白色絨布心型枕。
之後自己再手縫上奶奶幫我車頭紗用剩的lace,
終於了左一件心事。

Posted by at 1:00 PM | Permalink | Comments (0)

初七, 人日, 生日快樂!

Posted by at 9:30 AM | Permalink | Comments (1)

為了得到兩位少爺歡心, 外勞J先生不惜五體投地...
你地快d培養好感情, 等我同男貓奴第日可以安心去旅行~~~

Posted by at 6:00 PM | Permalink | Comments (3)