Back to my blog or Go to my website
« Page 4 of 5 »
今期飲食一番介紹我最愛的利華鮮奶!
呢隻真係全香港最好飲既牛奶!
什麼十字, 維記, 蒙牛, 保利...都要行開。
幸好翠華及一些舊茶餐廳都有得飲。
不過好羡慕住觀塘的人!!! 我未飲過朱古力奶味! *__*
令我日思夜想的關島coconut...
冰凍鮮甜爽口有如三文魚咁,
點soya sauce及wasabi一流。
是日午飯在九龍城吃大婆牛肉麵,
大大塊牛肉, 又爽又林, 店員服務態度一流,
下次要帶埋老公來吃~ (好味到忘了影相!)
吃畢跟同事找飯後甜品...
地茂館湯丸好? 公和豆腐花好? 定豪華蛋撻好?
結果蛋撻癮起, 去左豪華撕殺。
泰昌點巴閉, 都及不上九龍城豪華蛋撻。
舊式紙盒夠窩心, 酥皮蛋撻夠傳統。
今日吃過普通味及葡式蛋撻, 都是前者最正!
買左一打番公司, 一個二個問做乜買蛋撻回來...
乜要有人走先可以請同事吃東西嗎?
嫁左咁多年, 今日終於買左第一個電飯煲!!!
老公出trip, 伴著我的是einstein & dali。
難得可以霸哂成間屋, 焚下機, 同大少拋下米袋, 咁又一晚。
d時間真是唔好使。我仲有好多野想做... 例如同公仔換衫... 聽晚先啦!
自從在ayumisan吃過美味蕃茄, 回港後便心思思找靚蕃茄吃。
試過three sixty, great, city super... 最後在taste找到合口味的。
這已是我兩星期以來第3盒的taste荷蘭蕃茄。
一盒$33, 抵過city super, three sixty 及great, 仲好味d添!
又是時候清下影影埋埋的美食。
1) 某日在旺角易手妙牙吃了超難食的麵, 又唔夠飽,
之後去左位於槍街的新彊回族薄餅店吃羊肉薄餅, yum!
2) 行經中環, 總忍唔住吃個永樂園熱狗!
3) 浸大飯堂百味閣的湯及熱烘烘麵包好窩心。
4) 池記的蟹粥好正~
5) 星街的shake'em buns... 超級邪惡, 上星期吃完, 今個星期又吃!
6) HKU同學仔reunion dinner, 去鴻星吃鮑翅乳鴿豪下~
7) 在札幌地下街吃上癮的pepper lunch, 原來香港也有, 真好。
(咁當然日本d扒好味d... 當時我仲寫左張comment card讚店員添!)
等緊老公回來開飯... 寫下blog先~
今晚呢餐好organic, 意粉及醬料就一早買落,
(Jeff少下次唔好買百德阿姨0勒!
我地屋企長有lensi 及之意粉醬料0架!)
免治牛同西蘭花是路過Three Sixty順手買的。
(西蘭花質感比taste, great及city super還要好, 超 fresh~)
老公快d回來啦~
食完... 忘了拍完成品...wakakaka!
吃到好味的, 就要紀錄下來。
1) 昨晚在星街吃的burger, onion rings及strawberry shake~~
2) 今晚在浸大飯堂六合吃的薑蔥牛肉撈麵加咸蛋。
一早做完hatha1, 吃過日本咖哩飯,
就非常happy的在citysuper買菜玩煮飯仔。
仍然念念不忘ayumisan的超新鮮美味蔬菜餐,
希冀能在此買到d差唔多既蔬菜。
(當然我無可能煮到好似佢咁勁...
d菜比ayumisan的爭幾皮... 但好過百佳幾皮。)
是日晚餐: 四色茄子&蕃茄; 羊肉片&博多屋豆腐
仲買過把slicer, gingerbread boy甜品匙及菇菇牙簽筒。
至於樽香草醬, 無ayumisan整的咁正, 不過包裝好可愛!
而小cheb杯當然不是在citysuper買,
只是覺得煮飯時用佢來飲水, 寧捨好味d! kakakaka!
是日yoga day, 一早去做hot1。
full house, 同amanda s 一齊上,
佢本來霸左一個非常寬闊的角落, 周圍無其他蓆,
但因爆滿, 要在佢隔離加一張蓆俾個女仔。(v. normal)
s小姐即時同老師講唔得, 話自己人群恐懼症,
仲問老師知唔知人群恐懼症點解。
(真係咁緊要, 咁就唔好黎上堂啦, 請私人教練lor~)
結果佢得逞, 老師讓了自己的蓆俾個女仔。
anyway, 無影響我上堂既雅興既。
今次老師不同了, 唔知係咪因為係男仔, 要做既動作運動量比較大,
身邊的兩位同學好快要訓低休息, 有點寂寞。
做完個人散左, 一共飲左兩支寶礦力, 第一次咁哩!
after class, 同男貓奴在魚一丁醫肚, 再逛city super買菜,
忽然男貓奴悄聲說: "超低能, 勁搞笑"在後面啊!
回頭一看, oh~ 林狗... 然後我又繼續揀菜。
受夠taste的又黃又霉的西蘭花, city super既質素才是人吃的菜。
掃左包organic菜芯及西蘭花, 再買左d帶子、燒汁羊腿。
最後又去我最心愛的博多屋, 今次試下佢d燒豆腐。
|