Back to my blog or Go to my website
« Page 5 of 5
row 1/ 早幾日同男貓奴在時代正方形吃scoop~
特別獻給正在減肥的各位姊妹, kakaka!
row 2/ 男貓奴上星期煮既火腿菜福字麵;
今晚我以芝士撈一丁、小棠菜及外賣鹽焗雞回敬佢~
勞動節的早上, 我興致勃勃的去pure勞動。
覺得hot1比較適合自己, 非常refreshing, 做完個人由個心度笑出來。
公眾假期去, 預期一樣full, 同學們都努力, 氣氛好好。
(上次hatha1有d同學經常大動作地放棄唔做, 非常影響周圍既人。
其實yoga不是逼人做動作, 而是在知道自己limit下challenge自己,
做不成不緊要, 但不要擺明發霉氣似的放棄嘛...)
anyway, 做完快樂的yoga, 我就繼續快樂的血拼。
最後在citysuper買菜, 見到博多屋當堂雙眼發光~~
早幾期飲食男女的荳品專題推薦的No.1荳奶,
一定要買番支返屋企隊!
隊奶後感想: 果然荳味濃郁, 現在才發現維他奶太甜了~
(不過我咪又繼續做維他奶精~ hohoho~)
是日隨拍:
冒住被車死而拍:
灣仔重建, 好多靚既舊樓快將消失...
今晚發現, 原來有倖存者, 而且仲翻新中, 當鋪依舊, 好型!
唔知整好左會變成點呢?
呢幢都好有味道, 不過應該難逃被拆...
最喜歡佢位於地下既藥房,
貼上"光榮結業, 多謝45年支持"... 真令人婉惜!
我對食比較求其, 無乜講究, 亦好少試新野。
呢兩星期好似食左好多餐"腿蛋X"。
分別有義順腿蛋治炕底, 澳牛火腿炒蛋, 美心腿蛋包, 翠華腿蛋通。
今晚在H&M血拼後, 永樂園閂左, 又懶行, 去左港式茶餐廳。
以為都是翠華集團, 不會有太大分別... 原來我太天真了。
佢既腿蛋通超難食, 好咸。下次都是唔好懶去番翠華。:-P
有時候見到買相好吸引既食物, 我的腎上腺素會忽然飉升,
拎出電話影低佢, 以紀念自己曾經食過好野。
唔需要係貴野, 一碗新鮮滾熱辣既叉燒米線都夠我開心一段時間。
呢個月俾我電話紀錄低既食物:
1/ 某天路過curry bee見無人, 即竄入去吃久違的咖哩飯...好滿足。
2/ 好少有機會吃到公司既叉燒米線, 估唔到幾正。半肥瘦叉燒啊!
3/ 無飯家庭好多時都依賴屋企樓下既飯堂救助。
呢碟屬於老公既燒豬手, 我偷食左幾啖, 好好味啊!
4/ 自己碟雜扒, 份量勁多, 仍然好懷念。
每個人總會對某些事物著迷。
食既方面, 我自細改錯名, 完全唔鍾意食糖。
喉嚨亦容易唔舒服, 所以好少吃煎炸野。
酸既, 苦既, 辣既亦不是我杯茶, 是超級偏食的人。
但總有obsess既食物, 最大死穴就是超喜歡吃麵包。
什麼菠蘿包, 雞尾包就不用預我,
我喜歡的是最basic, 最簡單的豬仔包, 又稱咸卷。
有時特登走去麵包店, 找不到豬仔包, 我會幾不忿。
心忖: 點可以最basic既包都無架?
中學時曾經大病左好耐, 乜都唔肯食, 日日食豬仔包就好開心。
就係咁, 呃左男貓奴, 以為我好抵養, 娶得過~ 嘿嘿!
除左豬仔包, 我另一obssession就是原味維他奶。
我唔鍾意飲汽水,唔鍾意飲咖啡, 唔鍾意飲麥精, 只係原味維他奶fans。
簡直飲少一日都唔安樂, 就如毒癮發作, 點都要買番包上電。
最嚴重一次, 是幾年前某日收工去左mcdonald, 忽然發瘟,
同收銀講"唔該一包維他奶!!" .... 在場既男貓奴都忍不住笑起來。
我甚至想過去維他奶搵份工, 或者維他奶應該搵我做代言人,
俾我一世免費飲維他奶...
曾經有朋友在上我屋企拜年前, 打電話問我要乜,
我不喜歡吃煎炸東西, 喉嚨又受不了太多朱古力,
曲奇餅方面我只吃藍罐, 但通常屋企已經有好多盒,
我叫佢買維他奶, 竟然以為我玩野...
邊個話新年一定要送朱古力/餅乾/零食?
我真係想飲及一定會飲架嘛... baka~
嫌cheap可以買燕窩/雞精/花旗參/生果籃既~ 我都會食架!
總好過送盒我唔食既野, 之後又要我想辦法消滅佢!
給自己望梅止渴的一幅相~ 善哉! 善哉!
p.s.: 男貓奴問我做乜影張咁既相, 我就話要在日記抒發我對佢地既愛!
佢聽罷忍唔住笑起來~~~ :P
有骨氣火鍋reunion dinner。水晶叉燒包及奶皇包幾得意。
除左我老公, 大家都胖了~ (是因為我唔俾飽飯佢食?)
上次選十大喜歡的食肆竟忘了永樂園, 真是罪過。
某次做完assignment, 友台既叔叔帶我去吃熱狗,
好味到暈... 基本上是上左癮, 去親中環都心思思想吃。
今晚放工諗住帶老公去食, 點知在地鐵站裡不知邊個出口至0岩...
(我是路痴, 從來都唔知街名, 只記方向及靠直覺。)
碰巧撞到我同老公既舊同事, 同佢講想去吃熱狗,
一時間又記唔起店名, 只記得個logo...
佢笑笑口話: "永樂園呀嘛, 利園東街出口啊!"
呀... 係啊...
好喜歡永樂園的$8熱狗, 醬汁熱辣辣, 充滿奶油味~
上次友台既叔叔一口氣吃了兩個, 真是好好味呢!
另外我總是喜歡盯著永樂園的menu... 佢既logo真是好有心思。
依家仲邊有茶餐廳既logo係有design架!?
btw永樂園仲有一樽樽既咸檸檬賣, 好吸引, 可以整咸檸七。
佢用既黑白牛花奶都好吸引... 不過平時lunch超多人, 非繁忙時去好d。
是日唔講貓, 講食。
今日下午去了佐敦吃我最喜歡的"澳洲牛奶公司"
根據openrice.com, 佢係20大最多好評餐廳之首。(真是估唔到各位食家咁俾面~)
由細食到大, 真是好有感情。當年之所以認識十字牌鮮奶, 都是拜佢所賜。
小時候總會好執著要食哂每一粒通粉, 覺得好有滿足感。
有一次同老公幫襯時講俾佢知,搭檯的太太聽到,
便同佢幾歲大既女講, 要學姐姐咁食哂d通粉, 好搞笑。
其實我對食一D都唔講究, 慣左食野好快, 好多時沒有好好的享受食物味道。
如果要列出我最喜歡的十大食肆... 應該係...
1) 澳洲牛奶公司
由細食到大, 個度既快食文化是我最覺得窩心的。
簡單的白麵包、鮮奶、通粉... 仲有喜歡同客人鬥快的侍應~
雖然食物比起幼稚園時吃的味道爭左D, 不過仍然好喜歡。
2) 維記咖啡粉麵
多得同學在我大病時帶我去食左一餐,
飲過佢既雞蛋煲鮮奶及吃過一碗牛肉麵,
明明個人病到七彩, D味蕾都番哂黎~
自此上左癮, 明明唔就腳都特登走去食。
3) 上海香港麵家
細個飯堂之一, "痴"飯勁好味, 熱既甜豆槳簡直殺死人。
佢既嫩雞煨麵都好正, 冬天食好暖肚。
4) Cafe Walter
美味的蚊型德國餐廳,
sausage platter非常好味, 是會吃上癮的。
5) 百味閣
大學時代食堂, 老闆娘好nice,
soup & pasta 一向有水準,
推薦: 燒羊肉燜飯, 茄醬三文魚波菜闊麵。
6) Italian Tomato
中學時代已經上左癮去食佢既cream cheese cake。
非常喜歡吃火腿芝士雞蛋意粉。
7) 板前壽司(尖沙咀店)
懵下懵下在板前開張翌日入左去食。
當時只不過想在一間不用排隊的地方吃壽司。
甫坐低, 面前除左兩位日籍師傅外,
仲有五位大老闆在督工, 氣氛非常緊張、認真。
那一餐, 我終於在香港吃到正宗日本壽司。
無幾耐, 板前就撈得風山水起, 排隊人龍長到暈...
而我只會在非繁忙時間才去緬懷一下。
8) 泉章居
多得佢, 我細個不至於餓死街頭。
那時差唔多晚晚吃泉章居,
最愛佢既冬瓜盎及油雞。
9) Cova (TST)
只是因為去年生日在tst cova吃得開心。
pasta及蛋糕都幾好味。
10) >九州市場
籌備婚禮時成日去食, 佢d三文魚好彈牙。
一早起身拆左小ab,
然後去左銅鑼灣, 吃完又吃。
首站渣甸街的上海麵家,
相信好多人吃過那兒的豆漿栥飯,
我就吃了熱辣辣的甜豆漿及久違的蔥油餅。
之後去左信和廣場附近的翠華茶餐廳,
點了鮮蝦豆腐麵線, 咖喱羊仔骨及咸檸水,
非常美味。
跟住肚仔漲卜卜的去左總統商場地庫逛。
(早前jonathan問過我有無去過個度既blythe店,
原來我從來無去過呢!)
真是好多blythe, 可惜無開。
有些公仔customized左, 好有型。
食、食、食、食、食! 真係好好味! kiki~
在上海麵家拎小ab出來影相時,
坐後面的太太說個公仔好靚哩! ^__^
傻巫在2005年最後一天到了久違的深水(土步)一遊。
事緣一早起身, 好想好想吃該區馳名的維記牛肉麵。 殘忍地剷醒老公陪我去行一轉~
(flashback: 兩年前某日大病未癒, 但難得放假,
拼死約了同學陪我去買布,
體貼的同學見我病到死下死下,
帶左我去維記飲雞蛋煲鮮奶, 再來一碗牛肉麵...
本來耳鼻塞哂、無哂味蕾既我, 當堂醒哂!
自此對維記朝思暮想~)
兩年後再來, 味道仍然頂呱呱~
當年奇怪店子門口貼了曾蔭權夫婦的合照, 覺得完全不入流,
但今次去就驚嘆店主的先知先覺~ 勁過何鴻燊!
牛肉麵同雞蛋煲鮮奶真係好好味! (福榮街62號及66號地下, 地鐵B2出口)
講番買材料, 我只是手作仔買少少配件玩下、點綴下,
我又不會車衫, 不是很講究、很認真入貨。
有幾間店我覺得很不錯,
都是在基隆街、汝洲街近南昌街方向 (地鐵A2出口)
覺得深水(土步)呢幢舊樓好型。希望會好好保存下去。
今勻D相全部用手電拍的, 算是不錯~ ^__^
|