從以前的message board抄回來既旅遊回顧,
再加埋近期既資料, 一拼打出來，以作留念。
1997 Europe
第一次同男朋友(即係老公)去旅行,
趁大學term break join了永安極平的團,
去倫敦、巴黎、荷蘭、比利時~
由於乜都要自費, (包括坐巴士去景點)
我地基本上95%時間是離團自由行,
非常自由~ 行到腳跛~ esp 法國, 極愛羅浮宮!
當時仲未有euro, d野仲未咁貴~
1998 Beijing
婚前同一班浸大同學柴娃娃暑期遊學~
練得講價神功~
在清華園片單車及偷走出外吃宵夜都好正~ kakaka
1999 Guam
善用時間, 趁term break結婚及渡蜜月~
陽光與海灘, 海浪好震撼。
1999 Tokyo
逃學去東京, 早上上堂, 下午上飛機。
成十年無去新宿, 事前亦無任何準備及地圖,
依稀仲記得細個柔道集訓走過的路~
叻到識坐JR搵後樂園遊樂場及講道館。
但之後再去日本搵唔番講道館... >_<
2000 Cairns
臨完成亞視的internship前清假同老公去澳洲旅行。
大堡礁當時天氣麻麻, 海浪好大。
不過有條好友善的蘇眉陪住我第一次潛水。
駕駛越野車搞到對手嚴重地瘀哂,
返工時仲俾老闆笑是否俾人虐打。
2001 Turkey & Greece
正職做了ATV一年,加上為慶祝畢業,
經同事慫恿下同老公backpack去turkey & greece.
臨出發前一晚仍在公司剪片,
要老公替我執行李。(之後好多時旅行都係咁...)
so far 土耳其及希臘小島是我最喜歡旅遊的地方。
地方好靚,又有特色,土耳其人勁friendly,
伊斯坦堡既藍廟及聖蘇菲亞堂互相輝映,
奇石區地下雕堡四通百達, kusadasi日落至正。
希臘小島超浪漫, santoniri是情侶必到小島。
2002 Phuket
辭職離開亞視抖抖, 即撲去布吉島sheraton laguna叉電!
那兒的spa so far 係我最懷念的 spa & massage!
2002 Tokyo
唔甘心離開亞視唔夠一個月就被TDC趨我返工...
死都要去多次旅行! (因為去泰國是為養番好自己...)
速成去東京shopping&觀光, 然後乖乖返工。
2002 Cambodia
慣左返新聞部, 赫然發現新公司原來有聖誕假放,
就同老公去近近地既地方旅行。
本來目標印度, 但全港機票一早爆哂...
結果去柬埔寨自由行。
意想不到成為我另一至愛的旅遊地方。
吳哥窟好靚、極壯觀及保存得好好!
部分古蹟己被大自然侵蝕, 與大樹融為一體, 好壯觀。
當地人雖經歷過多年災難, 但local仍然好純樸。
成個旅程都感到好震撼。
2003 Bangkok
老豆死左,一直精神不太好,又不會睡。
捱過了所有程序便向公司請假同老公去曼谷散心。
結果去到那邊才懂得哭, 跟住個人好了點。
2003 Borneo
從曼谷回香港一陣便爆發沙士,
好多地方唔歡迎香港人,人down到不得了,
決定唔同TDC續約,
一來用兩星期趕起份Master project,
二來俾個人抖下...
點知RTHK打來叫番工...
一交完功課就趁沙士尾期同老公去沙巴,
呼吸不用口罩的空氣。
Borneo是survivor第一集的地方呢!
2003 Oxford
返RTHK一個月倒,
便要advance leave去人oxford media law fellowship.
婚後第一次唔同老公去外地,
期間仲邀請了中學老友來oxford玩。(佢話伴讀!ka!)
來自五湖四海的律師、學者...
日日由四點開始bar-hopping至凌晨,蠻可怕。
(我通常10時回房...第二朝8am要上堂架! 真配服他們...)
我倒喜歡oxford的建築及環境,
我住在wadham college, 飯堂好harry potter feel...
當然仲有alice in wonderland及
lord of the rings等名著作者曾住及教書的地方...
真係好舒服, 比倫敦好得多!
2004 Samui
當時布吉仲未發生海嘯, 唔太多人會去蘇梅,
依家就個個都去蘇梅, 真是世事難料。
那是我開始玩blythe不久, 仲帶埋d公仔去嘆陽光與海灘。
酒店房極大, 是兩間屋, 一間是睡房, 一間是廳及廚房。
估唔到個自由行package咁筍!
2004 Tokyo & Hokkaido
每次去東京都有唔同mission,今次是去掃玩具兼慶祝生日!
在東京後樂園玩過山車整親條頸。
行程最正都是北海道的紅葉&溫泉
personal favorite是大湯沼及洞爺湖
第一次同老公一齊在外地過生日, 好爽。
2005 Egypt
好耐無去過long distance trip ,
直覺再唔去睇金字塔, 遲早俾恐怖份子炸埋...
今次是前所未有的well-planned.
有充裕時間research及執行李, 極度罕有!
埃及人... 一個"唉!"字‧
地方壯麗, 但preservation麻麻, 人既質素亦不見得好。
Dahab帶給我們不少驚喜, Blue Hole極多七彩繽紛的魚,
可惜舊年俾恐怖份子炸左, 希望佢快d回復過來!
2005 Cebu
上一次去菲律賓, 是馬可斯倒台。
今次去純粹潛水, 兩個diving masters服侍我一個, 抵到爛。
見到好多魚, 海兔好可愛, 我還是比較喜歡細細粒的海底生物。
酒店既法式洋蔥湯至今仍令我回味無窮,
某次出外吃韓國餐, 令怕辣既我喜歡上辛辣麵。
2006 Phuket & Bangkok
海嘯後首次去布吉evason酒店叉電,
infinity pool好靚, 但講spa仍然laguna的好。
曼谷變了很多, Siam各大商場revamp過哂,
食既要去orangey, 睇鯊魚可以去siam ocean world。
2006 Kenya & Tanzania
火舞狂沙睇野生動物, 回歸大自然。
日日safari, 睇獅子大象長頸鹿斑馬角馬羚羊etc。
餐餐食酒店buffet / lunch box。
肯亞導遊好, 滿肚墨水, 又盡責, 令人愉快。
在坦桑尼亞就食物中毒, 返到香港三日後才好番。
未來想去既地方:(不分先後， 諗到就打, 中六合彩就發！)
Russia, India,Nepal, Spain, France, Italy, New York, Paulau, Maldives,
Tibet, Yunan, Beijing, Jiuzhaigou, Hokkaido, Osaka, Brazil, Mexico
