Back to my blog or Go to my website
« Page 7 of 17 »
今年情人節一早叫咗老公不要訂花~
因為無一個packing睇得上眼, 無謂嘥錢。
吃過delifrance, 便去了花墟玩。
我以前成日送花俾女朋友,
最神心一次是襯返學前早上六時去買花,
再回學校慢慢pack, 是熟手技工。XD
升上大學後就少咗去花墟, 通常去就近花店訂花俾人。
anyway, 重遊舊地, 繽紛園藝玩咗大半條街。
我好enjoy的四圍搞搞震無幫襯, 行到街尾轉彎,
找到合眼的紅玫瑰及白花, 2打加埋$105。
再去繽紛園藝買花樽,
仲買左個疑似俾我打爛咗既banyan tree 香薰爐。
之後行聯合, 在puppy garden殺了兩件衫。
往body shop買vitamin e mist 及face cream,
vitamin e line是各旅行者的恩物!
繼續掃落旺角, 買羽絨睡袋, 行左幾間,
都是買番lafuma, 襯番我個backpack。^__^
聽運動公司老闆話, 貪得意去書局買左個溫度計。
然後慢慢遊蕩女人街找公仔防狼器...
即是一拔開個plug會嘈到拆天嗰d~
終於在買hello kitty的地方找到個...要成百四蚊。
無論點憎hello kitty都好... 防狼要緊... 買左先算!
再行兆萬, 在地面睇中對勁cheap又醜樣的毛毛boot,
諗住可以著去旅行犧牲... 到俾錢時, 人家的eps壞左...
我又懶去㩒錢... 算! 夠鐘回家pack 野。
大少... 我都想pack埋你入去... (佢又玩我個ear muff)
中午拍過主子親熱照, 便執廳。
由於兩位少爺太八掛, 忍左五分鐘後, 終於掟哂佢地入房。
(基本上我一開吸塵機, 他們已經速逃上床~ kiki...)
一整便五小時, 馬虎地用清水抹埋鐵閘, 便餵主子吃晚飯,
然後出soho olive會合betsy & suresh吃希臘菜。
不愧是希臘人, 完全只會ignore客人感受, 自顧自的一套~
(以前去希臘, 當地人極冷漠傲慢... 超掛住熱情友善的土耳其人!)
問伙計可否較細d音樂, 佢想也沒想便說可以搬我地出去坐...
朋友問有無sour cream, 佢就講一大輪sour cream點唔啱道菜,
結果才說餐廳無sour cream... (第一時間說無不可以嗎? -__-")
anyway, 菜式味道是不錯, ３個人埋單近一千元, 好彩有人請! XD
我自己就一定不會去吃... 就算在希臘時, 我多數吃意大利菜! 平靚正!
一早起身, 在網上訂了aaron演唱會飛。
餵過主子, 就去做ashtanga。
第一次做, 同power相似, 不過動作快d。
沖完涼撞番老師, 佢話我做得幾好, 好開心我來上堂。
(我都好開心上佢堂~ ^__^)
一出building, 下著毛毛雨, 很冷。
好彩剛做完運動, 人仍然很熱。
去中旅社俾錢拎奧運換票證。
其中一個中旅職員走過來裝下我的票, 嘩了出來。
我說: "我抽八場先中一場田徑! "
她說: "中馬術比賽就見唔少, 北京d票香港分得好少咋!
北京的票大多分了給當地人..."
... 早知就托北京的朋友代抽籃球及跳水... -__-
之後在餐廳扒過崩沙牛腩麵便回家, 途中買左一條yoga褲。
呢排做多左yoga, 唔夠長褲著。(冬天不想著三腳骨上堂。)
yoga衫就早前在nike outlet一口氣買左3件, 超好著又平。
回家後, 按計劃進行廁所大掃除... 洗得耐過廚房。
其間兩位少爺非常不合作, 二少仲偷入廁所兩次, 俾我噴水懲罰。
後來由得大少入書房偷毛毛球玩, 佢就乖哂,
仲會擔個毛毛球到廁所門口要我拋到大門度, 然後run and grab。
有些時候我洗緊野唔得閒拋, 佢就在廁所門口等。
至於二少, 被罰後就一直睡在床上。(男貓奴後來鍚番佢。)
1) 又平又好著的nike yoga outfit。
2) 中旅認收據唔認人... 呢張證打死都不能唔見!
是日休息, 去左買定機票。
才兩天, 大陸機票已經貴左100元/ppl,
我仲要預早成幾個月買了, 真是海鮮價。
搞左成個鐘, 才可會合vanb及冒牌dongb吃bee curry。
冒牌dongb好乖, 好細個, 仲幾可愛~ 不是想像中那麼大食。
vanb姐姐呢幾日要好好照顧6呎4dongb嘞! XD
之後出旺角會合老公買backpack,
行左好多間, osprey talon太細了,
luna係好好揹, 間格好, 但超貴, 折後約$2250..
至於deuter, 則找不到想要的款式...
結果都是選了lufuma right road, 價錢平talon３倍!
掙扎買粉紫色的50+10定卡其軍綠的 60+10...
最後都是選了後者... 夠大, 間格好, 比較易襯衫, 襟污糟。
目前心儀osprey talon 或 luna... *__*
deuter都唔錯, SL系專為女仔身型設計...
的起心肝整website, 首先update番travel page...
加番十月泰國之旅。
02:50 update...
改左website封面及blog layout。
ipod altitude limit: LINK HERE
HDD & altitude problem LINK HERE
矢志出年要做大陸妹, 日刨夜刨旅遊書。
有d地方要配合老公的schedule, 好惡plan...
出發前編得成的話, 我可以開公司做travel consultant! XD
dali: 哼! 拋夫棄貓! 等我咬爛哂你d書!
朋友極力遊說我不要去大理, 說無野好睇, 我本來亦打算放棄。
不過前日在地鐵竟遇到大理旅遊推廣, 拿了份小冊子。
原來大理的英文名是dali... 唔... 因為個名... 又心思思想去下... (汗!)
昨晚搵簿寫野, 意外發現2002泰國遊記。
(我一直以為自己無寫過任何以前泰國之旅...
睇黎我失憶症嚴重得很...咁究竟蘇梅個次有無寫呢?
我就是如此無手尾及即興, 東寫一d, 西寫一d!)
當時啱啱離開亞視, 去左布吉及曼谷。
寫日記用的習字簿, 封底是泰文九因歌, 布吉買的。
那次住sheraton laguna, 去了laguna beach resort做spa。
自此愛上angsana spa, 至今仍然回味無窮... 仍然記得那香味!
一拎出來, 二少便攬住想咬... 遲d都是打番入電腦好d...
|