Back to my blog or Go to my website
« Page 2 of 4 »
臨去坦桑尼亞前, 我們在mt kenya safari club 抖左一日。
住的是有花園的suite, 有火爐大廳的套房。
(呢度好凍, 我要turtle neck冷衫加fleece風褸才頂得住。
晚上有人會來房間點著火爐, 睇住d木燒到啪啪聲, 好得意。)
上次老公出差同小熊小b拍過的火爐照就是源於此地。
休息日不用坐車, 徒步三分鐘就是動物孤兒院, 一玩就四個多小時,
然後黃昏時走去玩迷宮。
千禧迷宮2000年啟用, 個人認為難度是零, 十五分鐘完成, 完全無走錯路。
說穿了, 地圖都不用看, 只要看哪條路比較多腳印便可以了~ 嘿嘿!
背向迷宮來張合照!
- 小南篇 -
啊, 唔係... 係
- 鴕鳥篇 -
世界上最大最重既雀仔, 當然唔會飛啦!
在多處地方都可以見到野生鴕鳥, 在masai mara見最多。
鴕鳥男女好易分, 男既黑色, 女既灰色。
後來在動物孤兒院, 遇到一隻叫patricia的為食鴕鳥。
(即是小南啊~ kakakakakakakakakakaka!)
工作人員忽然塞左一堆栗米粒給我,
而東非小南一見到就追住我隻手, 真是好為食呢!
- 黑白疣猴篇 -
嘿嘿! maggie終於出場了。
maggie唔係指顏太, 係我在animal orphanage遇到的黑白疣猴 (black & white colobus)。
動物孤兒院大致分為四部分, 分別是院內、獵豹產房、保育區及繁殖區。
無峰駝及maggie是院內少有沒有用圍欄/籠隔開的動物。
奇就奇在, 馬騮出名八厭兼醒目, 唔可以同人類太接近, 否則好易教壞佢,
點知maggie卻可以悠悠地在院內四圍走, 無人管。
我發現maggie時, 佢在黑白疣猴的大鐵籠前面坐定定。
一問之下, 原來maggie一早已經在孤兒院畢業, 放回野外,
點知佢掛住班friend, 成日走番來探佢地。
久而久之, 佢成為孤兒院的親善大使, 個個遊人都同佢玩,
我個人認為佢都係唔適合到野外生活了, 留係度開心好多。
- 河馬篇 -
世界第二大陸上動物, 夠大口, 獅子都唔會搞佢。
河馬皮膚散熱差, 成日要浸水抖涼, 夜晚才走上地。
我們在mara river, 卻見到三隻會曬太陽的河馬。
最奇竟是見到一隻河馬屍體出現在鱷魚潭。
(好彩有帶望遠鏡, 睇得好清楚~ 鴨寮街一百蚊貨仔, 抵到爆!)
本來鱷魚同河馬, 河水不犯井水, 不會互相攻擊。
如此情境, 連駐守當地的士兵都話前所未見。
究竟點死, 無從稽考, 可能是自然死...
總之班鱷魚就有排食, 至少成個月不用愁。
此外在animal orphanage保育區見到一對侏儒河馬,
細細隻, 好好笑。咁細隻在野外生存的話會點呢?
縮細左無咁清, 考你眼力了!
- 無峰駝篇 -
不是東非產物, 在animal orphanage自由走動的溫馴無峰駝(llama)。
叫聲好似羊, 可能剛生產, 所以同在保護區內的同伴分開左,
我地每次走去保護區的木閘, llama媽會好醒走過來想去搵friend。
Re混水摸魚扮llama bb...
- 蹄兔 & 貓鼬篇 -
首次邂逅蹄兔(hyrax)及貓鼬(mongoose),
都是在mt kenya safari club的animal orphanage。
當時老公掛住影馬騮, 我就四圍行, 忽然發現有一隻hyrax在草地望住我...
就係咁, 我地互相停頓左成分鐘, 而老公就將那刻拍低。
hyrax表演絕不欺場, 單是看佢地一家幾口示範疊羅漢都抵哂~
之後在serengeti的wildlife lodge住的時候,
成間酒店都有好多野生hyrax及mongoose, 仲會陪人睇日落, 好開心。
雖然mongoose同hyrax好似, 但前者係肉食動物黎架~ 放心, 你唔搞佢, 佢唔會咬人既。
不過都是一句, 千祁唔好餵野生動物, 會教壞佢地架!
serengeti wildlife lodge的日落~ 好靚。
- 水牛篇 -
不是buffalo五層鑊, 是真正的水牛。
森美說, big 5中最深不可測就是佢。
要發惡就發惡, 不會有事前徵兆, 所以要小心。
我們見得最多水牛的地方是masai mara及樹頂酒店。
最好笑的一幕是一隻水牛公不停努力去"擒"水牛女,
雖然屢試屢敗, 阿女愈逃, 佢愈追, 由酒店前面追到酒店後既山頭。
輾轉都糾纏左超過十五分鐘, 結果阿女保得住清白之軀。
(真沒用的男人! 嘿嘿嘿!)
- 非洲象篇 -
我錯過了兩次影非洲象奇趣的一面。
第一次是凌晨在肯雅樹頂酒店的 Q.E. suite內,
當時露台樓下有廿多隻非洲象在湖邊飲水。
由於已經夜深及懶床, 沒有拎相機拍下來。
但場面真是好壯觀, 原來非洲象都幾惡。
第二次, 我發火了。
在往Serengeti 的 seronera wildlife lodge 途上,
我們看到兩隻大象在曳曳!!!
多麼難能可貴的場面當然想拍下,
但坦國可惡懶散的車長"米高"誤了大事,
(成日掛住玩電話, 手車又渣, 根本無心搵野!)
害我們拍不到... 之後返到lodge俾我"省"左佢一輪,
之後兩日佢才改善。(當然啦, 佢要保住d小費!)
可是他真的很不濟, 在"吾哥"時, 成大隻黑犀牛在我們面前,
佢都夠膽死見唔到! 真是好彩我地自己找到!
我們在坦國的日子, 無時無刻都記掛著肯雅車長"森美"!!!
一個好既車長真是絕對要俾多d小費獎勵架!
anyway, 隨著早年實施既象牙禁運, 非洲象數目有所增加,
我地沿途都見到唔少非洲象bb。
不過禁令近來徹銷了, 希望人類不要再濫捕吧!
- 角馬篇 -
角馬(wildbeest)很醜, 苦口苦面, 但人人去東非, 最想見佢。
為既就是壯觀浩瀚的大遷徙場面。
角馬夠團結, 吃草有要求, 不惜一切搬來搬去搵靚草吃。
每次大堆頭跑動, 都是成一直線的走, 好整齊。
大遷徙視乎坦國及肯雅之間的天氣轉變, 並無固定時間。
通常五至九月由坦國旱季就去肯雅, 到十一月肯雅旱季就回坦國。
我地在肯雅下車遊mara river時,
士兵說那兒的角馬群是大遷徙的先頭部隊。
想看大遷徙既話, 依家去肯雅mara river一帶應該好多野睇。^__^
- 獵豹篇 -
老公最想看就是predator, 特別是殘忍的獵食過程。
(我就完全相反, 只想看可愛的, 例如動物bb咁~)
到了坦桑尼亞時, 想看的大多都看了,
只想找花豹(leopard), 黑犀牛及動物獵食。
結果找不了leopard, 其他願望達成。
點分花豹同獵豹(cheetah)呢?
前者肥d, 後者纖瘦, 是世界上跑得最快既動物。
最明顯是, 花豹的豹紋較密, 而獵豹面上就有兩條黑色淚痕。
我們東非之旅就三遇獵豹。
在肯雅masai mara, 就遇見一隻受傷的cheetah。
第二次, 是在mt kenya safari club的cheetah maternity ward。
人類濫殺, 獵豹數量愈來愈少, 保育團體致力讓牠們血脈延續下去。
第三次, 在坦國ngorongoro。一朝早見到一對獵豹虎視眈眈一堆瞪羚。
佢地好有組織及計劃, 分散兩邊等機會發力狙擊,
不過呢批瞪羚警覺性高, 全部走得甩。
車長說獵豹雖然跑得快, 但只限短距離及短時間爆發力量,
一下子用盡力跑, 衰左就無精力再次狙擊, 要抖下至得。
所以後來來了一批斑馬及角馬, 佢地都只可以望門輕嘆~
|