- 斑馬篇 -

輪到親切可人的斑馬了。
佢地親切到, 根本無可能見唔到佢!
每隻斑馬既紋就好似人既手指紋咁, 個個唔同。
我地常見既係粗黑白紋, 而幼既黑白紋就比較罕見。

斑馬真是好friendly, 佢地同大多動物都合得來, 不過亦是predator的主食糧。

在mount kenya safari club既動物孤兒院裡,
我地見到一對已退休嘆世界既混血斑馬 (zebroids),
是幼黑白紋斑馬同馬既愛情結晶品, 本由一名獵人飼養。
後來佢收山, 將呢對珍品捐俾動物孤兒院。

金牌攝石雀 -- 鴕鳥 -- 要搶zebroid鏡~

Posted by at 10:55 PM | Permalink | Comments (5)

- 犀牛篇 -

事前沒想過可以用"可愛"來形容犀牛。
在lake nakuru, 我們見到約7隻白犀牛(white rhino),
之後在mount kenya safari club都見到兩隻。
其實白犀牛不白, 本名為wide rhino, 皆因嘴巴是橫扁型。
不過大家長期寫錯, 習慣成自然。
犀牛屬於big five之一, 細小的耳朵非常敏感, 怕大風, 亦多得人類帶挈, 差d絕種。
尤其是嘴巴尖尖的黑犀牛, 真是少得可憐, 大家唔好再吃有犀牛角既中藥吧!
我地到最後一日在ngorongoro, 終於見到兩隻黑犀牛, 真是幸運。

-caption-
在nakuru時, 先見到成年及bb白犀牛, 仲有佢地玩比角遊戲。
當時兩隻大角力時, 忽然有隻bb在其中一隻背後推波助瀾。
(以下的montage後段可以見到。)

去到ngorongoro, 竟給我們遇到黑犀牛過馬路, 非常近及清楚。

Posted by at 1:50 PM | Permalink | Comments (2)

- 斑點鬣狗篇 -

最討厭、最唔想見的, 卻最交足戲。
斑點鬣狗 (spotted hyaena) 是電影獅子王的大奸角。
擁有最強下顎, 乜都可以咬, 喜歡糾黨獵食。
先在masai mara見到一隻食到肚仔漲卜卜的去飲水,
然後在草叢中發現兩隻大在餵兩隻細飲奶,
其中一隻娘親一行開, 就追住去叫想繼續飲奶, 好搞笑。
後來在serengeti, 見識到佢地大堆頭獵食斑馬,
連禿鷹及黑背胡狼都要跟佢地搵食。

老公好滿意的一張相。這是我們第一次見predator飲水。

Posted by at 10:40 PM | Permalink | Comments (6)

- 黑背胡狼篇 -

獵食者中, 最得我歡心的, 竟然是又狡猾又無骨氣的黑背胡狼。
black back jackal 總是一雙一對的出現, 禽獸世界裡, 痴纏得有點過份。
點解無骨氣, 因為佢靠吃獅子、鬣狗等狩獵食剩的東西, 儼如禿鷹咁。

我首次遇見, 是在masai mara睇完獅子的歸途上。
那條路比較僻及窄, 路邊多長草, 本以為不會有野睇。
忽然發現一隻黑背胡狼乖巧的走在行車道上。
佢完全唔驚我地, 仲好似引領我地架車番酒店咁。

車長森美說: "無理由得一隻, 佢一定有另一半。"
我們停了車, 佢又停低"啤"住我地。
八掛向車尾看, 原來佢既另一半俾我地阻住了。
後來佢見我地架車仍然block住佢愛人,
索性跳入草叢兜一個圈會佳人, 真是用心良苦。

第二次遇見, 是在serengeti, 當時有一對在吃鬣狗的戰利品。
都是第一次sweet d~ 嘿!

肉食者鄙...

Posted by at 9:20 PM | Permalink | Comments (5)

- 長頸鹿篇 -

細個依稀知道香港有個地方好似有長頸鹿看,
但到我懂事便已經無呢樣野存在。
開初唔太明, 點解長頸鹿不是big five,
後來知道big five是指以前safari獵人喜歡獵殺既五大動物,
才恍然大悟... 長頸鹿咁可愛, 點可以是big five!

到達masai mara, 駛向keekorok lodge途上,
迎接我的, 就是一對長頸鹿。
如果不是架車隔住, 我地應該可以有肌膚之親。
check in 入左房, 走向露台一看, 看到另外兩隻長頸鹿。

第二日吃完lunch,佢竟在我房門口出現吃樹葉。
我番入房閂埋門, 佢又走回露台前的樹林, 真是日夜陪住我。
到了坦桑尼亞, 見到更多。以下是在serengeti及往ngorongoro時見到的。

長頸鹿去不了"吾哥"坑底, 不過卻在crater rim出現一大群, 仲擺哂pose好型。

serengeti見到一家三口長頸鹿。

bb長頸鹿同斑馬差唔多高。

大肚長頸鹿啊!

坐係度時幾斯文~ 非常淑女哩!

Keekorok酒店房間見到的giraffe

Posted by at 8:45 PM | Permalink | Comments (12)

- 紅鶴篇 -

未出發前, 最想去是肯雅既lake nakuru。
上次老公出trip做野係呢度影左d相,
再加上睇完電影"constant gardener",
更加想親身去下。

數以百萬計既紅鶴 (lesser flamingos) 遠看包圍了lake nakuru,
形成一條粉紅色長帶, 地面充滿鹽份, 非常壯觀。
美麗背後, 亦有殘忍的現實, 近岸有不少死鶴。
車長"森美"說, 死亡是大自然的一部份。

後來在樹頂酒店同印度及巴基斯坦的遊客說起,
大家不約而同都說會想起禽流感, 嘿嘿!
說實在, 我覺得撲殺雀鳥避禽流感是有違自然的,
究竟可以殺幾多? 殺哂, 個生態會變成點? 我們遲早都要面對。

紅鶴們不怕人, 但亦不會親近人。

粉紅色皮帶陣啊!

地下好多鹽份, 形成有趣的圖案。

Posted by at 1:00 PM | Permalink | Comments (5)

- 獅子篇 -

safari傳統必看五大獸 (big five), 即是獅子、犀牛、大象、水牛及花豹。
早前剪荐了新假期一篇關於肯雅的故仔, exactly quote 番個記者既說法:
"在肯雅見唔到獅子, 是你前世造孽, 今生應有此報。"

雖然我們只見了big four, 欠了花豹(leopard), 不過有獵豹(cheetah)。
最緊要, 我地都見到大約40幾隻獅子... 證明前世罪孽不多。:-p
simba是非洲話既獅子, 同動畫獅子王個名一樣。
以下是兩次比較得意既同獅子相遇圖輯。(老公影既。)

第一日game drive, 在肯雅masai mara見到一批慵懶的母獅避太陽。
忽然發現樹上有一隻獅子仔跳左落黎, 好精靈。

同masai mara相接的坦桑尼亞既serengeti, 見到更多獅子。
以下兩公婆, 我們在serengeti次日safari一開始已經見到。
兜完一個圈回來, 只見個老公兇d角馬, 然後施施然過馬路走去草堆,
正要八下佢搞乜科時, 忽然佢老婆擔住隻角馬在草堆另一邊出現!

那一刻, 就像老婆等老公返黎開飯咁: "老公你返黎勒? 食得飯啦!"
只是, 佢係擔住隻角馬交俾老公, 然後齊齊匿埋開餐....

Posted by at 2:10 AM | Permalink | Comments (6)

在ngorongoro wildlife lodge露台留影~~~

"吾哥羅哥羅", 坦桑尼亞的動物保護區,
本來同最大國家公園serengeti相連而同被列為國家公園,
即是唔俾土人住, 但經過一番爭拗, 政府讓步, 改為保護區。
"吾哥"是世界第二大crater, 亦是世界最大的有生態caldera, 可以說是困獸鬥,
一大堆動物住在大圓坑, 非常多野睇, 又有鹽湖, 絕對推薦。

16:20 update:
橫掂打左出來, 索性貼埋落黎, 方便第日整travel tips...

Posted by at 3:50 PM | Permalink | Comments (5)

Breathe, breathe in the air
Don't be afraid to care
Leave but don't leave me
Look around and chose your own ground
For long you live and high you fly
And smiles you'll give and tears you'll cry
And all you touch and all you see
Is all your life will ever be

Run, run rabbit run
Dig that hole, forget the sun,
And when at last the work is done
Don't sit down it's time to start another one
For long you live and high you fly
But only if you ride the tide
And balanced on the biggest wave
You race toward an early grave.
-----------------------------------------------------------------

在東非時, 腦中經常響起 pink floyd 的 breathe。
離開香港, 首站到了肯雅首都奈羅比機場。
雖然肯雅算是東非的比較富強的國家, 過半人口失業。
首都奈羅比搶劫率高, 不宜久留及招搖。
同香港一樣, 大家都做過英國殖民地, 很多人會說英語。
當地特別多印度遊客, 因為印度飛過去只須五個幾鐘。
這是一個可以更好的美麗國家, 可惜一個貪字, 貧富懸殊情況嚴重。
由衷的希望非洲國家可以自強...
至少, 我和我的車長"森美", 都一致希望加納可以在世界盃贏下去....
縱然下一場是對巴西... -___-"

以下的是用sony u10 snap的, 部機要退休了, 影到後期已經奄奄一息。
猶幸仲有canon G6 及老公的10D, 不過前者都在旅程中食太多沙塵,
有一點點問題... 下一站, 350D? kikiki...

-caption-
row 1: 肯雅國家不是窮, 但好多人好窮。錢往那裡去, 大家心中有數。
明明是通往旅遊重點Masai Mara的道路爛成咁, 政府無搞好基建。
睇下頂太陽帽的沙塵, 就知如何的"火舞黃沙"...

row 2: 終於到達Masai Mara。

row 3: keekorok lodge。經常有野生antelope及長頸鹿來探我地。
入住兩日以來, 有隻長頸鹿成日在我的房前門/後門出現, 仲好近添! ^_^

row 1: 一大群避太陽的母獅。

row 2: Re回歸大自然 / mara river附近劃分肯雅及坦桑尼亞邊境的石。

row 3: 離開了masai mara, 在nakuru見到的白犀牛及bb。

Posted by at 3:10 AM | Permalink | Comments (4)

剛剛下機, 終於返來香港啦!!!! 文明既社會啊!!!
今次東非"火舞黃沙"之旅戰況慘烈,
Canon G6 及Sony U10都重傷...
不過睇左好多好多好多好多好多動物!
食完個麵遲下再寫!

21:55 update:
剛睡醒。
臨尾在坦桑尼亞同老公雙雙先後肚仔唔舒服,
幾日來都盡量少吃東西, 以免在safari時拉肚子,
餓了咁多餐, 一回香港發狂衝回家吃出前一丁,
又買了燒賣及中湯回家飲, 一下子吃那麼多東西,
胃好像受不了, 非常辛苦, 去了睡一大覺, 家下好少少。
今次食塵之旅真係好開心, 亦慶幸在香港book左肯雅行程,
金怡安排得非常好, 住宿正, 我地二人包團, 基本上是package tour,
肯雅的local guide a.k.a. driver超級professional及識香港人性格,
又唔煩, 又幽默, 最緊要是有內涵。
有一次我地順路車埋一對美國義工走, 她們塞小費俾佢都唔要,
真是非常有美德的人, 我地仲日日去完safari煲世界盃。
佢帶我地睇左好多野... (過萬紅鶴, 白犀牛, 花豹, 獅子仔跳樹, 好多長頸鹿~~~~)
完成肯雅行程轉戰坦桑尼亞, 該段是walk in當地公司自己搞掂,
safari的環境及路比肯雅靚, 住宿比想像中好好多, 奈何肚仔呢度出事,
不過無影響safari雅興, 仲見到好多好得意既野。
(兩隻花豹狩獵追逐動物, 獅子夫婦開餐, 過千角馬, 黑犀牛過馬路, 大肚長頸鹿 etc)
但好多野事在人為, 由於肯雅司機太好, 坦國的相對非常唔掂兼貴.
好彩我地肯雅司機教識左我地好多野, 搵動物仲快手過坦國的二打六。

我遲d再整理好今次旅行資料放上網,
大家如果有興趣, 我非常recommend大家去金怡參加肯亞遊。
(唔好孤寒加少少錢二人包團, 真係成程包哂成架車, 可以四圍跳睇動物~)
我地當地既agency是wildtrek, 住宿都是top end,
住tree tops可以在香港加少少錢包princess elizabeth suite, 好得意。
但講明是火舞黃沙之旅, 要預戰鬥格去玩, 怕捱苦都是留在家看national geographic啦!
我輪盡, 隻右腳都撞左六處長過手指公的瘀傷, 老公笑說我已經變成長頸鹿了!!!
遲d再寫...

好鬼多相... 點算... -___-"

Posted by at 6:00 PM | Permalink | Comments (11)