Back to my blog or Go to my website
« Page 2 of 4 »
一早過旅館對面的店買兩個肉包,
便跟內地鴨仔團去華山。(因為太遠, 費事坐公車。)
說8am出發, 等夠人都成9am才開車。
12點到華山某酒店, 導遊話在此吃lunch, 拋低我地便消失。
入到酒店要聽5mins華山藥材talk才可入飯堂。
我跟兩位武漢女仔坐低打開餐牌,
嘩, 成50、60元一道菜, 立即起身走人。
不過坐車時坐我旁邊的香港叔叔就坐低照食。
我跟兩位武漢女仔一齊到旅遊巴旁的店吃地道扁扁麵,
才10元, 大家食得好開心。
食完導遊出現帶我們坐纜車上華山北峰。
華山是五嶽中最險, 久不久有旅客跌落山。
因此當地人都勸走路別觀景, 觀景別走路。
我和武漢女仔一齊漫遊華山,
好多樓梯都好斜, 要用手爬, 不少人要買工人手套。
行到90度天梯, 好多人都話唔行, 不過其實不難爬,
只要不要想太多, 一口氣爬上去便可以。(爬落去如是。)
最正是沿途見到不少挑夫行上行落, 藝高人膽大,
當中包括正在挑兩罐石油氣的! 勁! XD
行了2小時, 3pm才到達金鎖關。
問走回頭路的人仲有幾耐到西峰: 至少1小時。
為怕唔夠時間返去, (cable car 5pm 收工)
加上其中一個武漢女仔頂唔順, 我們決定下山。
由於我落樓梯比較快, 而武漢女仔要不停休息,
她們都叫我先走, 咁我就一個人用了半小時下山。
見仲有大把時間, 行上華山論劍碑玩一輪自拍。
在cable car station附近等多15分鐘,
兩位武漢女仔終於捱到返落黎,
我地一齊坐纜車回旅遊巴返歸。
返到酒店附近都已8pm, 吃過雲吞哨子麵便回旅館。
明天去九寨溝!
老公又send左d主子新相給我解單思~
老公昨日回到家, einstein及dali都沒接門。
大少躲在沙發底, 二少在沙發上。
大少肥了很多, 二少繼續瘦:
2008/03/01 einstein: 7.23kg/ dali: 4.88kg
2008/02/15 einstein: 6.85kg / dali: 4.93kg
2008/02/03 einstein: 6.95kg / dali: 4.95kg
由今日開始, 大少要地獄式減肥!!!!!
睡得不好, 6點幾便醒來。
走去車站麥當當吃早餐, 呢度既煙肉蛋漢堡係用軟包。
吃完過馬路上306號巴士, 便立即開車。
一小時後便到兵馬俑。
由於二號坑正在整理, 只可看一、三號坑及展館。
單在一號坑已經玩了很耐。
11點半離開, 再乘306號車到華清池, 途經秦皇陵。
(旅遊書說秦皇陵遠觀就夠了, 所以唔去。)
一如昨晚在青年旅社宿友所說, 華清池都無乜野睇,
個九龍湖under construction, 票價竟貴過兵馬俑5元, 要成70元...
anyway, 到此一遊探肥環、八下佢浸凝脂的溫泉水。(都唔太熱!)
btw, 呢度亦是西安事變的景點, 老蔣當年在此住過, 真識揀。
之後坐914巴士回火車站, 麥記未落格, 買了包奶及蝦條做lunch。
在酒店小休兩小時, 便訂後日機票往成都。
搞掂後去坐巴士走出城牆去大雁塔。
(找巴士期間迷路了, 求其見到去大雁塔的巴士便跳上去。XD)
逼完一輪車, 在大雁塔西門下車, 地方很大。
拍夠照片, 走到北門, 不知道該坐那個方向的車去鐘樓,
一位剛下班的快餐店女侍應好好人, 親身帶我去。
(首先過條大馬路, 再走多兩、三個街口, 超感激~)
跳上609號車, 終於到達鐘樓。
鐘樓在十字路口, 要走地下街才可過去。
再走1000m, 便是鼓樓, 拍了幾張相便走。
離開時在地下街又迷路, 總找不到609巴士站。
anyway, 宿友教落, 見去火車站既巴士就跳上去啦!
終於見到架double deck去火車站, 追上車,
記得宿友說在五路口下車較安全及近。
下車後又唔識路, 四圍問, 安全回到新北街。
在旅館對面的小食店吃過哨子麵便完成是日行程。
今日開展拋夫棄貓之旅, 老公先回香港。
同老公一齊到昆明機場, 我架機先起飛,
wave good-bye後, 我就入閘,
不知是否一個人的關係, customs check我都耐過平時。
在飛機上看報紙, 才知道昆明下雪是非常罕有。
而昨日翠湖公園的海歐也比平時多。
至於昆明公園的櫻花節明天正式開始, 超lucky。
anyway, 兩小時後到達西安, 機場好文明, 廁所也極乾淨。
一出閘就見到七賢青年旅社派來pick-up我的叔叔。
由機場到西安古城要約一小時。
機場外的空地很多都是古墓, 不過又不是皇陵, 所以無開發。
路上見到西安地鐵的construction site, 2010年完成。
司機叔叔好proud的介紹周遭境色,
說北京, 上海都只是有幾百年歷史, 西安則有3000年。
(我都唔sure佢講得啱唔啱~)
穿過500年的明朝古城牆, 很快便到達旅館。
七賢是位於八路軍辦事處舊址,
不過我都唔太知乜來的, 只知是古蹟。XD
安頓好後, 我便出外逛逛, research下明天如何坐公車。
方向感白痴左右不分, 人地教我右轉卻轉了左,
好彩行了不夠一個街口, 我便在一麵店坐低食野。
叫了碗雞塊麵及可樂, 盛惠十元。
食食下先想起, 自己錯分左右...
埋單時再問一次方向, 這次走對了。XD
行了15mins 便到火車站, 大巴站也在這兒。
由於面積太大, 找不到明天要坐的車,
問過穿制服的人, 終於發現306號車是在東廣場。
向車長問清楚班次及時間, 便過車站對面超市買水及鮮奶。
(呢度仲有麥當當及dicos, 不用愁一個人吃飯。)
選另一條路回旅館, 行到咁上下有點迷失,
問了一位坐在街上休息的廚師, (穿得好像壽司師傅)
原來只有半個街口便到, yay! 無行錯路!
回到旅館, 熱情的beagle來接我...
不過知道我無小食益佢後便走人, 真現實。
(呢度仲有隻黑色狗女叫niu niu, 不過只拍了video, 懶upload。)
跟旅館的人confirm後日的tour, 便回房休息沖涼。
後來housekeeping打來問我今晚去唔去鐘樓睇夜景, 我說明天才去。
今晚好好休息, 明天去睇兵馬佣~
臨睡前聽到行雷閃電, 不理了先找周公, 明日才算。
一早打開窗簾, 好得很, 藍天白雲, 可以去公園。
剷醒老公出門口, 一走出酒店... 四周都是雪!
原來昨晚下大雪也不知, 太陽一出雪便溶, 很冷。
打的去翠湖公園, 車未停定, 已見到漫天海鷗!
去年在CCTV片段見過的奇景, 今年冬天仍然有。
一隻隻海鷗立體聲在面前飛過, 超過癮。
我們買了一條麵包及一包雀飼料, 引誘牠們近距離拍照。
老公說牠們很像einstein, 一有食物便過來。
由於太冷, 玩了一會便在旅遊書介紹的橋香園吃早餐。
才15元一個肥牛米線, 好食到震, 我不小心落米線時倒瀉湯,
幸好個adidas袋救左我一命, 否則淥熟大脾。
吃飽便去附近圓通寺逛, 由於個心想去賞櫻, 好快行完。
掃向隔鄰的昆明動物園, 10元入場費, 抵!
一入去便在櫻花園狂影相...
對大陸動物園無乜expectation, 但比想像多野睇。
我相信昆明動物園在國內已算是幾好的zoo,
不過design好差, 好難拍照。
至於遊人質素更不用多說...
我好忍得只出聲話過一個女人不要拋食物給red panda, 她很快便跟女兒閃了。
另外我用眼厲過一個想拋食物給黑熊的男人... 他見到我啤住佢就無拋...
我已經好克制了... 相比在海洋公園連環媽𡃁仔...
相信我.. 已經是好溫柔了~
之後老公行得耐腳痛, 在動物園閘口附近的過橋城再吃20元麵線。
食物ok, 但waitress 態度極差, 已被blacklist。
食麵線, 都是橋香園好, 又平又好味, service又好。
吃夠便打道回府。
晚上又去酒店附近的aroma bar吃burger, pasta etc。
回酒店後就同老公執行李, 明天他會先返香港湊貓。
我就飛西安, 開展拋夫棄貓之旅~ XD
羅平昨晚行雷閃電下大雨,
不打緊, 我們今早揹背囊返昆明。
吃過早餐check out, 行一個街口就是大巴站。
買了車票便上車, 9:30am出發。
走公路好爽, 13:15pm到達昆明,
在站內再打的回茶花酒店。
昆明雖比羅平天氣好得多, 但天陰小雨。
安頓好便去閘口買機票, 然後去買手信。
lunch吃麥當當, 叫不要跟餐就當了不要跟菜...
一打開個孖芝, 一塊芝士及菜都沒有, 要換。XD
呢度係無蘋果批及豬柳蛋, 反而有香蕉批, 都ok。
吃完再逛家樂福, 第一次行大陸大型超市, 好大好多人。
有點摳感冒, 回到酒店吃了藥, 呢兩日可以慢慢hea~
繼續潮濕天陰, 溫度1至4度。
小何夫婦今早要先回昆明, 今日是我們二人世界。
8:00am出車往多依河看水車群。
由於正在修路, 非常bumpy, 個多小時才到達。
多依河相比之前去過的地方, 景色較為普通。
沿著綠色的河水走了4.8km, 看了不少水車及小瀑布。
回程急步走回4.8km, 11:30am才回到麵包車, 行到成身汗。
駛去魯布革發電站及水壩途中, 就是廣西及貴州邊界。
約1點到達魯布革小三峽的上船位,
要120元一人坐了簡陋快艇, 仲要等夠十幾人至開船, 當然唔坐!
天氣又不好, 為何貼錢食風看大霧?
在碼頭拍了幾張相, 到此一遊已經夠了。
之後開車到鐘山看油菜花。
說實話, 這兒的油菜花田靚好多, 牛街的也不外如是。
3點幾便回酒店吃午飯+下午茶。
呢兩日我們都是看廣州舉行的世界乒乓賽撈飯,
昨晚看了李靜及高禮澤, 前者的援術、球品及心理質素都很差。
後者還算是會用腦打波, 好得多。
今日竹看中國對austria, 非常好睇的示範賽~ kiki!
在這兒看cctv體育台真是開心, 又不用俾錢睇nba。
明天返昆明嘞!
天陰, 早上下小雨, 冰涼, 2至6度。
黃色的花總是跟我過不去...
八月時看太陽花如是, 今次來看油菜花也是。
不理了, 吃過早餐, 7:30am出發去牛行螺絲田。
果然拍wide shot完全不行。
anyway, 我可以落花田拍close up嘅~
只要油菜花有開, 我就可以拍, 管他是什麼天氣。
在螺絲田玩了好一會, 鞋都是濕泥, 嘿嘿!
之後開車去金雞山對面的花田。
剛好有團日本人請了位大叔騎上白化了牛擺pose。
我們說乘機拍、拍、拍、拍~
後來在花田旁的擺檔買了一樽油菜花蜜, 盛惠20元。
next station九龍瀑布群。
入閘後便被一班賣花環的煌蟲追住, 盛惠1元。
一位日本團叔叔仲跟住我來影, 好搞笑, 我們仲拍了張合照。
之後跟小何夫婦分道揚鑣, 我們坐索道上山。
下山竹後四圍影瀑布, 又遇到日本叔叔, 他更替我們拍了合照。
12:30pm, 上車會合小何夫婦, 然後去吃難食的lunch。
下午再去了金雞山, 今次則登上位於山頂的靈儀寺, 盛惠10元。
拍完花田aerial shot後去油菜花節會場。
出發前check油菜花節是27號,
不過可能天氣凍改了期23號便完了。
老公說昨晚看電視播油菜花節片段, 竟然有泰拳比賽, 爆笑。
影了一會便去大巴站, 看看有什麼時間的車回昆明。
每天7:10am開始有車, 每40mins一班,
現在有靚靚公路, 3個多小時便回到昆明, 快過火車。
晚上繼續在酒店開飯~ 都是穩陣d好。
是日坐車日, 一共坐了10hr15mins車, total: 192元/2ppl。
07:30 - 08:15 元陽新街鎮 ->元陽南沙 (50元)
09:15 - 12:15 元陽南沙 ->開遠 (２9元X2)
12:15 - 12:20 開遠南站 -> 開遠北站 (2元X2)
12:40 - 15:10 開遠 -> 瀘西 (20元X2)
(車上播霸王花2 & 金城武爛片 XD)
15:45 - 16:30 瀘西 -> 師宗 (10元X2)
16:45 - 17:45 師宗 -> 羅平 (10元X2)
雖然由元陽坐車去羅平坐車坐到屁股開花,
但為睇油菜花田是在所不惜的!
(不過好多人說冷冬令很多花都死了... >__<)
anyway, 一路上都見到不少油菜花田。
在開遠下車時, 發現來自北京的小何及小徐都是同路。
他們兩夫婦很友善及客氣, 還幫我們不少忙。
我們一起到了羅平, 大巴站經過的旅館很是破落, 住唔落。
一出車站就有位太太兜租車, 我們抄下電話便繼續找旅館。
最後我們多走一個街口, 見到呢度來講已經超正的恆升酒店。
其實我一早在香港打過電話來訂房, 但full house。
walk in 一問, 標間都爆哂, 不過仲有四人套房。
我們一行四人先看看房間, 兩房一大廳, share bathroom,
大家都覺得很好, 便租下來, receptionist仲計平左我地。
落腳後齊齊在酒店附近大型超市入貨及預約麵包車。
明天一起包車去看花田及其他景點。
(車長: 羅剛; 電話: 13577483905)
5:30am 摸黑出車, 用了一小時到達多依樹梯田。
7:00am 見到太陽出來了。
現場一大班龍友拍拍拍拍拍, 有些幾乞人憎。
終於明白點解老公咁歧視龍友,
不少都很自以為是, 不可一世。
anyway, 唔會影響我對dream place的印象。
拍夠坐車換個角度看多依樹, 這兒人少得多。
之後去壩達梯田及菁口梯田。
在菁口見到三個害羞的小孩子, 沒hard sell東西, 又沒討錢。
見他們咁乖, 上車後便叫他們過來, 給了他們一些小蛋糕。
10:30am 我們在新街鎮吃過麵線便回酒店休息。
午睡後, 3:30pm出車去老虎嘴梯田,
路況比想像中好, 完全不bumpy, 仲好快就到。
壓軸看的梯田, 當然要大d及靚d, "煌蟲"也是最多的。
每每有旅遊車到, 煌蟲們便一湧而上討錢、sell東東、帶路etc。
初時覺得有點annoying, 但看得久蠻搞笑。
由於早到了, 拍了一輪便回車休息。
6:00pm離開車, 拍日落。
8:00pm回新街鎮老四川餐館吃晚飯。
吃過早餐, 打的去大巴站出發往元陽。
大巴站人頭湧湧, 幸好一早在茶花買了車票, 不用煩。
問過3位穿制服的人方向, 便登上巴士。
10:40am, 準時開車。
一早預了車會幾污糟,
上到去見到座位比想像闊及不太污糟, 已經還神。
一開車便聽ipod, 中途從沒下車去廁所,
人家吸煙, 我便噴香水~
聽了80首歌, 4:30pm便到達元陽南沙鎮。
再多用一小時行bumpy road才到達新街鎮。
一下車, 覺得同旅遊書的介紹好大出入。
什麼縣政府招待所, 小余飯店都沒有了。
本來想入住的正恆酒店樓下太吵, 未入去已放棄。
後來入住在廣場旁黃gum gum的雲梯順捷酒店。
原來這就是前縣政府招待所, 已裝修改名, 是區內最好的酒店了。
房滿, 我們要了so-called洗手盤壞了的標間, 好過無。
(但我們試過用洗手盤又無事喎~ kiki!)
尾隨的廣州六神合體就不停怨單人房細,
三人房及標間又沒了... 套房他們又不肯租。
anyway, drop luggage 後便聽reception妹妹介紹,
去了附近的老四川餐館吃午+晚飯。
雖然地下有點污糟, 但老闆娘及兔唇妹妹都很好人。
我們吃蛋炒飯、青椒炒肉片、什菜湯及紅燒排骨, 共41元, yummy!
離開時忘了拿旅遊書, 後來老公返去拎, 老闆娘代為收起, 真好。
在廣場找不到合心水的包車看梯田, 大多是三輪的, 太危險。
得reception妹妹指引, 我們在酒店停車場口的士多問包車,
原來士多老闆楊光林平時有開麵包車, 架車都幾好。
(車牌云G-T3344, 電話13769450982)
約好明日行程, 我們便回房睡。
瞓低無耐電話便響起, 老公聽電話, 原來是問要不要妹子~ XD
點解唔問要不要小弟弟? 都唔公平嘅~
|