今日第一次上power1, 氣氛麻麻, 大多同學唔focus, 同金髮靚女老師click唔到。
動作唔難, 蠻輕鬆, 至深可能算是shoulderstand,
但我細個時成日做, 要我做埋plow都可以。
(即shoulderstand後再壓雙腳向頭既方向掂地)
感覺上比昨日既hatha1差太遠了... 好既老師真係好緊要!

shoulderstand~

Posted by at 7:00 PM | Permalink | Comments (6)

以前陪男貓奴去飲, 次次著同一條裙就可以。
呢兩年多左身邊朋友結婚, 唔可以咁懶惰, 有時要買過條裙至得。
又要慳錢又要見得人, 一條little black dress就可以。
我每次都愛向新低價挑戰, 同人講都無人信。
等我哂下呢兩年d光輝戰績:(由左至右)
1/ 裙: $199, 又一城; 件披是中三時去飲用的。
2/ 裙: $89.9, 旺角街鋪; 件披是中三時去飲用的。
3/ 裙: 中學時代bossini舊裙, 當年好似是$200有找, 小外套$39.9, 渣甸坊
4/ $69.9, 旺角兆萬, 件褸是esprit outlet買來平時著的。

下個月到黃師奶結婚, 我會幫佢及一眾靚女伴娘影相。
費事失禮佢, 我今日俾多幾舊買條新裙, 可以襯legging, 方便走動。

Posted by at 6:30 PM | Permalink | Comments (2)

又繼續我既yoga week日誌。
今日玩hatha1, 終於是我最愛的加拿大老師,
平時上佢既hot1就多, 上佢既hatha1就是第一次。
佢說話夠清晰又有authority, 又有d humor, 幾enjoyable。
佢今日玩野, 叫我地試crow pose,
我烏下烏下仲未摸索到就已經轉pose。
連佢都笑說我地今堂是最難的hatha1。
梗係... 平時我上hatha1是一滴汗都無,
上佢既堂頭15分鐘我已經有汗滴! 果然是我最愛~ 勁!

crow pose... 我要好好鑽研下先...

Posted by at 9:30 PM | Permalink | Comments (2)

繼續我既瑜伽周。
一大早玩hot1, 又是美藉日本人老師。
人少少, 外面又下著雨, 久不久有雷聲, 幾有mood。
我習慣一多汗就用毛巾抹去,
但老師說最好唔抹, 說是part of the hot yoga process。
anyway, 我塊面一大汗就忍唔住要抹, 否則好難concentrate。
是日最challenging既pose是hand to foot,
要企起身挺直個人, 雙手抓住一隻腳板底拉直,
有點像hand to big toe, 只能靠一隻腳企。
我總是企唔直個人, 被拎起既腳亦拉唔直。
但我做hand to big toe是無問題的啊.. -__-"

hand to big toe

明天繼續!

Posted by at 7:00 PM | Permalink | Comments (2)

一年來都無放過annual leave,
check account發現爆煲了, 急急要清假。
因此毫無準備下放假一周, 索性日日去做yoga。
剛剛星期六才做了hot1, 今日舒服d, 做hatha1。
試下唔同老師, 今次既日美籍miss幾好, 同學都好focus。
是日比較challenging既pose係warrior III & full boat。

網上抓圖時發現的爆笑之作: Bush Yoga
約10美元, amazon有售。

useful yoga links: yoga journal / savasa / about: yoga

Posted by at 5:20 PM | Permalink | Comments (0)

名牌版最緊要正字~
今時今日, 仍然有人會讀chanel做channel...
至於大劉至喜歡既愛瑪仕, 記住要讀 er-mei, 而不是靴墨屎。

source: yahoo knowledge
*各位注意,其實好多都係非英文名黎架,唔可以用英文拼音黎讀的)

Agnes B=係法文,讀呃ne us bear
Anna Sui=new york 牌子,不過anna sui係福建人, anna swee
Burberry=英國牌子, bur - ber - ry, bur最高音,向下降
Fendi=意大利牌子 fen - di
Hermes= 法國牌子 er-咩, 因為法文h唔讀, s唔讀
Louis Vuitton=法國牌子lu-兒 v-we-當 , 因為s唔讀, ui係we音
Prada=意大利牌子-pra-打
Gucci=意大利牌子-姑馳
Christian Dior=法國牌子chris-ti-un di-呵
Coach=美國, co-ch 類似 高處
Chloe=英國, 其實個e上面有一下至上斜劃,讀klo-而
Bottega Veneta=意大利, bot-teg-架 ven-net-ta
LeSportSac= 法國, lur s波(冇t音)沙呃(快讀,冇k音)
Ape=日本 -a(加p音)
Chanel=法國-shen-nel
Calvin Klein=美國kel-墳 cline
GUESS=美國 gas
Izzue=hk,ngee-su
Jean Paul Gaultier=法國=sh喪-paul go-ti-er(高音)
Paul Frank=美國-英文照拼
Vivienne Westwood=英國, 同vivian一樣, wesr-wood
Evisu=日本-e vi su
Yves Saint Laurent=法國-葉s-聖-羅漢,因為ent讀on
Dolce Gabbana=意大利-多che & 家斑拿
Kooba=不知道哪個國家,但應該係讀cool ba
Balenciaga=法國,爸lan-詩呀加, 好似巴黎世家
Corto Moltedo=不知道, 應該係讀call-圖,摸te度
Hammitt=不知道,不過應該讀ham-mit
Marc By Marc Jacobs=美國, mark(唔要k音),積及s

Posted by at 1:00 AM | Permalink | Comments (0)

是日yoga day, 一早去做hot1。
full house, 同amanda s 一齊上,
佢本來霸左一個非常寬闊的角落, 周圍無其他蓆,
但因爆滿, 要在佢隔離加一張蓆俾個女仔。(v. normal)
s小姐即時同老師講唔得, 話自己人群恐懼症,
仲問老師知唔知人群恐懼症點解。
(真係咁緊要, 咁就唔好黎上堂啦, 請私人教練lor~)
結果佢得逞, 老師讓了自己的蓆俾個女仔。
anyway, 無影響我上堂既雅興既。
今次老師不同了, 唔知係咪因為係男仔, 要做既動作運動量比較大,
身邊的兩位同學好快要訓低休息, 有點寂寞。
做完個人散左, 一共飲左兩支寶礦力, 第一次咁哩!

after class, 同男貓奴在魚一丁醫肚, 再逛city super買菜,
忽然男貓奴悄聲說: "超低能, 勁搞笑"在後面啊!
回頭一看, oh~ 林狗... 然後我又繼續揀菜。
受夠taste的又黃又霉的西蘭花, city super既質素才是人吃的菜。
掃左包organic菜芯及西蘭花, 再買左d帶子、燒汁羊腿。
最後又去我最心愛的博多屋, 今次試下佢d燒豆腐。

Posted by at 4:15 PM | Permalink | Comments (2)

每個女人心中, 都有一座斷背山...
將想買/悄悄買左既每一件東西, 都收埋係個度。 (奸笑)
陪女朋友去街買野, 最好玩及好笑就是睇佢地點瞞男朋友。

至於我買野, 又唔駛戥男貓奴驚既, 我想要既野, 都不會太貴。
(什麼LV甚至le sportsac都俾我blacklist左, 應該好安心。)
我習慣問過佢意見先扑鎚, 因為咁先至買得開心。
大概是因為讀緊書時就嫁左, 當時男貓奴會俾"零用錢",
感覺好似阿囡同爸爸咁, 問過先至用錢, 幾好玩, 亦適合唔識計數既我。
出左黎做野幾年, 呢個優良傳統, 仍然運作良好。

買平霸就會自把自為, 仲會沾沾自喜的話俾佢聽...
貴過$500既, 就會research好, 徵詢佢意見。(通常都是縱容的, 嘻!)

以下是我最近既research~

aersoles下星期返新貨, 有quebec就好了~ *__*
本來想要對白色wedge, 不過出去做野, 都是mary jane舒服d。
金色好似ok喎... 都是要試過先知。

自從上一個kate spade袋俾我用殘哂之後,
一直都未買到理想的replacement。
本來睇中左cath kidston的紅白色直間袋,
男貓奴都叫我online訂購, 不過ck website唔爭氣, 買唔到。
今日老友話下星期出trip去london, 或可代買,
不過kate spade新出左個民族布袋都好似唔錯, 有紅白及黑白兩款,
等我明天碌去睇清楚先決定~

咁我座斷背山有d乜呢? 都是d妄想擁有, 而現實又不會買的東西吧!
例如半山別墅、chanel羊仔皮手袋、piaget鑽石手錶 etc。
呢d野幻想下無傷大雅, 勉強得到又不見得幸福。

21:30 update: 去過ck, 個袋同我唔太襯呢... 嗚...

Posted by at 1:30 AM | Permalink | Comments (2)

是日yoga day。
一早去做hot1, 連續兩日唔夠訓, 人不在狀態, 累爆。
做eagle pose震過貓王, 比初次做更不濟, kiki。
anyway, 天氣好, 人又少, 做得好開心。
after yoga 去左訂harry potter 7 (成人版封面),
然後碌去dior殺番粒可愛骰仔lip gloss。

本來想去板前吃壽司, 一點未到已經要排隊,
傻啦, 我去吃羽壽司, 一樣咁好味, 至愛佢既魚奶湯, 可惜只在晚上供應。
一個人吃了六碟野, 勁飽... 之後回家同主子大被同眠~

Posted by at 6:30 PM | Permalink | Comments (1)

又懶又喜歡用的式化妝品, bb既concealer kit是非常偉大的發明。
做完yoga沖過涼, 極速1分鐘遮遐, 便可以出街見人。
不過因為佢太細件, 一般乾粉掃太大了,
要用eye shadow掃先夠細, 變成上眼影時無筆用。
今晚買補給品時, 順手買多支eye blender, 人人有掃用, yay!

Posted by at 12:00 AM | Permalink | Comments (0)