Back to my blog or Go to my website
« Page 13 of 16 »
勞動節的早上, 我興致勃勃的去pure勞動。
覺得hot1比較適合自己, 非常refreshing, 做完個人由個心度笑出來。
公眾假期去, 預期一樣full, 同學們都努力, 氣氛好好。
(上次hatha1有d同學經常大動作地放棄唔做, 非常影響周圍既人。
其實yoga不是逼人做動作, 而是在知道自己limit下challenge自己,
做不成不緊要, 但不要擺明發霉氣似的放棄嘛...)
anyway, 做完快樂的yoga, 我就繼續快樂的血拼。
最後在citysuper買菜, 見到博多屋當堂雙眼發光~~
早幾期飲食男女的荳品專題推薦的No.1荳奶,
一定要買番支返屋企隊!
隊奶後感想: 果然荳味濃郁, 現在才發現維他奶太甜了~
(不過我咪又繼續做維他奶精~ hohoho~)
一心一意放工去cwb吃拉麵橫町, 點知執左!
(好傷心.. 我最愛佢既半熟蛋噢!!! 嗚...)
吃了唔好味既味千拉麵, 再化悲憤為血拼,
買左d yoga 東東及貓東東~
人手製既白貓袋用來做camera pouch。
灰貓毛毛袋用來取代污糟哂既心心warmer,
第日裝d米落去俾einstein玩。
另外在寵物城買了影子喵喵介紹的木天蓼俾兩兄弟high~
yoga time~
今晚玩埋hatha1, 可能上次玩過hot1, 今次覺得比較容易。
同學比上次多好多, 而且好多好生手, 有少少悶。
(抑或是上次hot1的同學太勁? 呼吸聲都寧啥齊! )
anyway, 最後都是報左名, 以後要好好學習了。
目前做過云云動作中, 認為最難handle就是eagle pose,
名符其實單腳無影椅, hold一陣已經腳震~ hahaha!
more about yoga poses: yoga journal
公司俾左部新相機我用,
canon ixus, 不是最新model,
但煙盒咁大, 7.1megapix, 都好啊~
(我自己部sony cybershot瓜左好耐, 無得私器公用,
一直只可用部N70影相返公司, 成日out哂focus。)
機就有勒, memory card 呢? 只有張16MB。
700幾萬像喎, 只可以影四、五張已經玩完。
有同事索性自己俾百幾蚊買張1gig card算,
都好既, 問公司買又要tender一大輪, 呢百零蚊都是唔好慳勒。
昨日去旺角買card, 十世唔行一次電腦中心,
竟俾我撞到失左聯絡既大學同學, 好開心。
(今年我都好有撞人運, 先後撞過三個失去聯絡N年既人!
三次都是對方叫我先, 我個腦ram數超慢,
要load十至幾百秒先諗起人既名!)
anyway, 兩隻百厭貓昨日趁我不在潛入書房,
在電腦架上掃左部相機落地下,
好彩仲笠住個膠袋, 死唔去, 否則要佢地賠...
得佢地提醒, 我都係買番個袋裝住部機好d...
在網上見到以下幾個camera pouch好似唔錯...
不過... 公司機都是唔好買porter袋了... :-p
至於national geographic好似太厚了...
第二行既就普通lor...
嘗試過找d平平地既貓pattern袋, 不過都好大件。
個心就想找個比較女仔d既袋... 水玉pattern當然唔拘~ hohoho!
今早起床, 肌肉酸痛~
證明yoga令人郁得好全面, 度度都有d痛~ hahaha!
之前去過網友推薦的sogo 6樓既 gests 睇瑜珈衫,
款多料靚, 不過價錢就比較貴... 一件top仲貴過我買成套nike瑜珈衫。
我始終只是初學者, 又唔係要好pro, 普通一套瑜珈衫就可以了。
今日又去左marathon逛, 新出左adidas瑜珈衫, 一見鍾情, 殺啊!
放工回家, 兩位小朋友罕有同時迎接, 好開心。(通常只有einstein來接我。)
大前日第一次洗brush, 好好玩哩!
滴d cleansing gel, 再加d水, 將d筆攪一陣就可以。
立即變白... 得左! kakaka!
今朝第一次上yoga堂。
多得gloria提醒, 事前飲定多d水及帶定支寶礦力。
hot 1 其實都算幾舒服, 不過我可能少運動, 郁幾下已經好多汗。
因為是基本班, 好多動作都handle到, 幾開心。
試多一次hatha先決定報名。 ^____^
做完yoga, 個人好精神, 去左行街買化妝品。
補給番支ultima energizer, 我由細用到大, 是我的神仙cream。
一年四季、去旅行必備。連老公都讚佢香。
另外終於買左支ysl coral harmony lip twins, 好可愛既設計哩!
在義順吃過午餐, 飯氣攻心, 逐打道回府。
今天過得很優悠, 呵呵呵!
晚飯要煮美咪蘑菇煙肉意粉!!! yay!
一向心儀canmake的輕巧平靚正又cute的化妝品。
難得經過佢既counter,買左d眼影及cheek powder。
另外機場實施新措施限制handcarry既liquid, gel etc...
路過muji就買定d container, 方便第日出門。(雖然未有耐!)
雨季經常外出工作的人來說, 唔想著水靴, crocs 本來係個好選擇。
奈何款式有限, 男人或小朋友都可以接受...
女仔始終貪靚, 勉強可以買得落既只有ballerina般的prima。
最新春季推出既sassari, 連crocs也wedge起來~
美國官網大多呎碼已經賣斷, 香港唔知幾時有呢?
著左三年既giordano trench coat又殘又污糟要洗...
(ps: 我平時耐唔耐都有洗0架! 嘿嘿嘿!!!)
呢排天氣忽冷忽熱, 著冷外套分分鐘出熱痱, 著薄外套又唔夠暖。
就係咁, 今晚大條道理買番件新trench coat~
(否則我會日日著住件giordano至天熱至洗!)
路過sogo, 3/F revamp後多左自己喜歡的店, 應該好快找到目標。
果然行到第二間便是olive des olive, 十分鐘倒就殺左件減價貨。
當sales姐姐拎個紙袋出來時, 男貓奴陰陰嘴笑,
因為是超可愛的水玉pattern啊! (我雙眼當時在發光...)
呢排行街拎上手的, 十之八九都是水玉pattern,
所以早前才說要克制一下, 否則我會成為小鳳姐!
anyway, 後來上網無聊surf 下有關olive des olive的東東,
竟給我找到這樣的浴衣!!! (雙眼即時又發光了...)
唔知日本邊度有得買呢? 官網唔見有既...
|