Back to my blog or Go to my website
« Page 7 of 16 »
這兩天的小小血拼成果...
昨日路經H&M, 星期日中環店很少人。
一大堆冬天accessories, 當堂雙眼發光。
結果買左對黑色手襪, 黑色lace遮, 黑色trenchcoat,
以及$99的冬天帽(＜--其實猶豫左一陣買唔買,
仲用手電拍下照片send俾老公睇才決定要。)
今天收工, 先去賊船買番halloween petite。
吃過freshness burger, 蠻不錯, 不過味道及不上shake em buns,
但欣賞佢飲品中可以選擇熱柑桔, 我實在討厭快餐店成日焗人飲汽水。
之後逛久違了的ikea, 買了不少東西,
包括兩個巨型相架, 結果要call taxi回家。
繼"每個女人心中都有一座斷背山後,
來一篇每個女人屋企必有的色.戒。
美容化妝, 是我們的命根, 世俗中女人基本禮儀。
幾懶都好, 點都要撻兩pat cream保養下。
撲素如昂山素姬都會塗點口紅見人。
點無話題都好, 一講化妝扮靚, 任何女人都可以撘上兩嘴。
我的扮靚基因比較遲熟,
F.1時有女同學叫我搽防曬, 我仲嫌人煩&姿整,
到大個結婚化妝要遮雀斑才會後悔。
anyway, 過去十幾年, 我的美容化妝喜好變化頗大。
由乜野都係美白產品, 變成謝絕美白, 只要保濕收細毛孔。
原因是美白產品往往只塗在臉及頸上,
令已經白的人更白, 但同身體唔同色, 亦不能消滅雀斑。
既然未有心有力睇皮膚醫生, 亦無勇氣俾美容店"較飛",
乖乖的做好保濕清潔工夫便好了, 至少確保唔會出粒粒。
至於化妝, 簡簡單單, 唔好嚇親人便夠了。
一直都好想記錄用開既護膚及化妝品,
十年後再睇, 可能會面目全非吧!
我同老公都好懶check信箱,
夠膽成個星期先至開一次。
去左旅行的話, 就會更耐先check。
去完泰國回來, 在郵箱發現左呢d:
當中的主子注射疫苗信, 收信人是einstein kan,
內裡仲另附一封給dali kan的信, 好好笑。
不過, 佢地都打左針先寄來, 唔環保lor!
一早hatha1, 做完雙腿無力, 行樓梯浮下浮下。
襯仲有知覺爬去駕駛學院想book堂學綿羊仔,
點知呢兩星期已經full哂。
抄下未來兩個月的schedule, 遲Ｄ再book過。
再爬去中旅社, 八下出年去大陸旅行的資料。
但sales姐姐說我想去的地方比較難book自由行,
有Ｄ地方甚至唔會做... 簡直是晴天霹靂...
我唔想跟團啊!!! >__<
anyway, 吃過$16豆漿"痴"飯後, 便買餸打道回府。
一回家, 連餸都未擺, 便拎吸塵機吸哂成間屋, 連雪櫃都吸埋!
(dali就安然躲在床上。einstein就八掛的隔3m觀看。)
掉哂雪櫃Ｄ陳年煲湯料, 換過哂Ｄ筷子, 才擺Ｄ餸入去。
之後洗水樽及水煲, 捽左好耐, 省到立立令!
打電話book獸醫為主子annual medical check,
book埋yoga及政府牙醫洗牙...
趨Jeff少拿拿臨book埋潛水班...
再監dali食埋上晝食淨Ｄ糧...
咁就大半天了!
是日做野唔開心, 收工同M小姐去新開的H&M來個shopping therapy。
兩件都想要, 結果都是揀了紙版白褸。
放工在smartone換電話, 一搞就搞左兩個多小時...
(因為phonebook有成500幾個電話,
舊機的software有問題, 不能用電腦過data。
sim card 只能記190多個電話,
店員超好耐性慢慢逐個電話delete再transfer... 真是感動。)
我就換了samsung u708, 老公要了sony w880i~
回到家試下同主子影相... 好過以前部舊samsung好多。
力抗iphone誘惑後, 我決定捧samsung場。
u708... 我明天收工來接你~
放假當然去做yoga。
一早yin yang, 今堂有３個big boy,
動作比之前一堂多運動量, 似power1多d~
下雨天又眼瞓, 都是躲在food court吃過拉麵算。
(老公溫馨提示: 這已是我三日來第三碗日本麵...
星期日吃了別府黑椒牛肉拉麵, 昨日吃了四季的天婦羅喬麥麵,
今天則是元八叉燒拉麵加玉子及大量芝麻。我可以媲美naruto了!)
吃飽想去買多對黑色alice crocs, 已經無哂想要的size, 要訂。
再去citysuper買餸, 整個中秋大餐吧!
四碟餸兩個人吃, 好少整咁多, 有了電飯煲好方便。
1) 烚有機小唐菜 (organic比non-organic仲平, 真得意。)
2) 照燒汁雞翼
3) 火腿咸魚蒸博多屋木綿豆腐
4) 煎秋刀魚
誠意推薦citysuper有售的南丫島富榮火腿咸魚醬,
配豆腐真係正, 咸味適中, 口感好, 是少有會令我喜歡的咸魚醬。
試過眾多博多屋豆腐, 都是木綿最好用, 隨時改變主意煎蒸炒都得。
回到家, einstein見到秋刀魚不知幾開心~ 仲跳起身想用手抓來吃!
之後掛住拍主子吃中秋applaws大餐, 忘了影自己的大餐呢!
一陣要吃花生湯丸!
家中最新添置的兵器: 吸塵機
能夠將主子嚇退兼吸走千年毛塵。
新機非常強勁, 睇住佢吸哂Ｄ毛落隔離器, 令人非常興奮!
老公話我傻架! kakaka!
勁黑仔的早上, 首先部N70忽然半死,
完全搵唔到network connections,
開關過電話, 換過不同location兼sim card都唔得。
好彩屋企仲有部cheap cheap 又好用的samsung頂住。
煩電話不特止, 公司檯頭電腦忽然打唔到中文。
(電腦話無左d file, 所以不能用輸入法...
我早幾日用都無事.. 莫非是暴躁老外大叔做的好事? -_-")
打俾電腦部, 5天工作制, 無人聽。
打去電腦部假日hotline, 人地飛左番屋企,
但人地屋企人話佢不在家... 留左言over 4hrs至今都無覆。
anyway, 在yahoo找到solution,
自己在其他電腦抄番d missing files...唔該出多份糧俾我唔該。
為一洗頹氣, lunch去吃過板前壽司,
最喜歡一條友去, 永遠不用排隊, 快靚正。
不用半小時已拆左六碟壽司加海螺清湯。
仲有時間, 走去行下log on, 臨走前八下d crocs,
嘩!!! 膠版alice啊!!! 不是完全平底, 好舒服呢!
爭扎於黑與紅之間... 結果買左紅色。
(唔排除遲d忍唔住買埋黑色... 著crocs開工是ichiban的!)
btw, 強烈呼籲swannie去試下深紫色,
連不太熱衷紫色的我也覺得幾靚!
|