Back to my blog or Go to my website
« Page 6 of 13 »
在公司踎監多日, 今日終於回到立法會。
一出中環地鐵, 看到立法會的女神像, 感覺舒暢。
跟一些行家及相熟議員說一月便離職,
其中一位行家說: 信仰上的安息年, 估不到你工作上做到了。
我不虔誠, 但聽到他這樣說, 不知何解, 感覺好開心。
最近忙於編行程, 貪心又多心又孤寒, 計劃沒完沒了。
* * * * *
同vanb說過, 我是自細有鋪搵工癮, 非常病態愛apply jobs。
通常命中率極高, 過去兩次辭工喊著要去backpack,
結果不足幾日便有新工, 非常的邪, 老公亦叫我今次唔好揾工。
奈何網上apply job太易, 夢遊時click兩click, 便收到信叫見工。
天真地打去同樣有apply的同學, 諗住齊齊做完written test去吃飯,
點知佢無收到信... 那刻我真是想找個窿捐... baka...
到written test 那天, 嚇了一跳全是年紀較大的人,
很有經驗似的, 我都打定輸數,
3小時的paper用左45分鐘做完, 然後去做yoga。
上星期收到面試通知, 同老公商量後, 都是推掉了。
* * * * *
是晚同jeff通電, 告訴他明年預一些時間來babysit貓貓。
呢個𡃁仔開始會計劃將來, 姑勿論是否實際, 開始會計劃是件好事。
不過, 請你快d考埋個潛水牌, 唔好浪費我地心血。
一早hatha1, 做完雙腿無力, 行樓梯浮下浮下。
襯仲有知覺爬去駕駛學院想book堂學綿羊仔,
點知呢兩星期已經full哂。
抄下未來兩個月的schedule, 遲Ｄ再book過。
再爬去中旅社, 八下出年去大陸旅行的資料。
但sales姐姐說我想去的地方比較難book自由行,
有Ｄ地方甚至唔會做... 簡直是晴天霹靂...
我唔想跟團啊!!! >__<
anyway, 吃過$16豆漿"痴"飯後, 便買餸打道回府。
一回家, 連餸都未擺, 便拎吸塵機吸哂成間屋, 連雪櫃都吸埋!
(dali就安然躲在床上。einstein就八掛的隔3m觀看。)
掉哂雪櫃Ｄ陳年煲湯料, 換過哂Ｄ筷子, 才擺Ｄ餸入去。
之後洗水樽及水煲, 捽左好耐, 省到立立令!
打電話book獸醫為主子annual medical check,
book埋yoga及政府牙醫洗牙...
趨Jeff少拿拿臨book埋潛水班...
再監dali食埋上晝食淨Ｄ糧...
咁就大半天了!
呢篇日記, 想寫好耐, 礙於老闆放大假, 今日終於成事。
我決定唔做0勒! 遞左信, 三個月後, 我就自由了。
去年夏天, 我突然發現, 自己不想再做港聞記者。
當時跟老公說起都覺得有Ｄ震驚, 因為這是我童年夢想。
幾年前辭職唔做TDC, 跟同事說自己仲好有火跑新聞。
今次就完全相反, 我無哂火... 都是襯未太老轉工好d。
小時候, 好痴線, 未畢業已經在亞視做左兩年full-time,
畢業後死好命, 工接工, 一直未試過有真正的畢業旅行。
襯我搵新工前, 我希望停一停、諗一諗, 順便去下旅行先。
我亦希望利用呢次悠長假期, 出einstein & dali 的書。
如果窮得濟, 我會搵d part-time來做...
mcdonald或戲院帶位是我首選~ XD
當然, 各位有乜好野, 記得9個月後介紹俾我。
葉劉宣佈參選, 連細契都關事助選...
與此同時, 陳四萬在柴灣做show,
好事之徒真是想問下陳太有無搵大契,
但一眾假道學的港聞記者(包括我),
頂多只會問四萬對掃把參選睇法,
真心想問的, 還是留在肚裡盤旋。
走的時候, 一位陌生的photographer同路離開。
佢主動的說: 我公司今日要我影陳太樣衰的相。
再補充一句: 我係某左報的。
再再爆多句: 但陳太全程在笑, 影唔到。
畫面轉番去一小時前...
陳四萬求其在兩個柴灣公屋單位極速hi & bye住戶後,
一大一班發左顛的記者&攝記前呼後擁。
當中一個靜靜的在人群外的time magazine老外記者,
根本不知道發生了什麼事, 陳四萬見了什麼人、說了什麼...
就跟著一班蝗蟲落樓, 遠遠的看陳太繼續hi & bye 街坊。
見無聊, 我口痕地耐唔耐譯幾句陳太同街坊的對答俾老外...
95%的內容是: "陳太你好靚啊! 我支持你!"
然後我同老外說: 這已不再是什麼民主或非民主之戰,
而演變成靚與醜之戰。
說實在, 陳四萬又何靚之有呢?
又老又皺皮又哨牙又豆豉眼...
撫心自問, 公司的清潔阿姐本來比四萬還要索。
說話分分鐘比四萬還要鏗鏘有內涵。
在這個理性被埋沒的年代,
大家在樣衰同無咁樣衰作出調整。
只要稍為順眼、有米而不乞人憎, 就是靚。
當然, 穿金戴銀拎gucci, prada, hermes仲靚。
會笑的, 簡直是靚爆鏡。
左報photo哥哥... 我今日都有snap四萬...
個人認為呢張其實都頗樣衰的... 雖然四萬在笑。
我建議你都是轉投蘋果/壹周吧!
我們一起BBQ; 我們一起探julie。
一班舊同學重聚, 那種快樂是無價之寶。
julie真身還要可愛... 熱情好客又唔吠, 是狗中極品。
老公直頭想拐佢番屋企!
more pictures in facebook.
老公出trip, 伴著我的是einstein & dali。
難得可以霸哂成間屋, 焚下機, 同大少拋下米袋, 咁又一晚。
d時間真是唔好使。我仲有好多野想做... 例如同公仔換衫... 聽晚先啦!
自從在ayumisan吃過美味蕃茄, 回港後便心思思找靚蕃茄吃。
試過three sixty, great, city super... 最後在taste找到合口味的。
這已是我兩星期以來第3盒的taste荷蘭蕃茄。
一盒$33, 抵過city super, three sixty 及great, 仲好味d添!
facebook促成了我同中學老友aby的午聚。
兩個人聚在一起, 什麼都談, 最大篇幅是說她的新家庭成員: julie
aby能夠鼓起勇氣, 再次養狗, 我真的戥佢高興。
多少年了... 因為一些賤人所為, 令tiller被毒死...
我當時問她會否再養, 那一刻她的表情, 是何等傷心,
然後決絕的說不會了。
咁多年來, 我對此耿耿於懷, 總希望aby一天再養狗。
因為能夠被她收養的狗, 一定會得到幸福。
tiller雖然紅顏薄命, 但aby的出現, 令佢得到前所未有的快樂。
相信tiller一定希望其他狗狗都有幸得到aby的愛。
當aby早幾日在facebook add我, 我發現她的profile pic非常吸引~
是新狗狗julie啊!!! aby終於再養狗了! 那一刻, 我由心笑出來。
細看juile dogbook profile, 是金毛尋回犬!
而且是從dog rescue收養了兩個月呢!
原來aby已經research及prepare了一年, 才決定再養狗。
考下佢對飼料的認識, 首次有朋友可以快而準道出飼料資料,
仲同我討論一些照顧狗狗基本常識,
真是令我very proud to be her friend~
可知我好多時問朋友俾貓狗食的乾/濕糧牌子,
十之八九說不出來, 多想兜巴聲打佢地!
(學得人養又唔做功課, 真是很令人討厭。)
然後aby說了句: '我好多都是在internet自己學回來, 網上好多呢d資料~'
嘩! 呢一句在我的blog寫左幾多次!!! 果然是老死!!!
呢餐晏, 我食得超開心~
講番靚女julie, 獸醫估佢只有九個月大,
狗仔細細, 仲要是純種狗, 為何會在dog rescue?
又是無良自私的人!!!
julie面上清晰可見被人用野綁住個口而留下的傷痕。
屋企唔俾養狗就唔好養! 要佢受苦何苦呢?
鬼唔望呢d人快d死!
anyway, julie而家in good hands,
經aby悉心照顧已經好靚~
有疤痕唔緊要, 健康快樂就夠了!
Julie: "HK dog rescue有好多好似我咁靚既狗狗。
佢地都是被無良、無責任心的衰人遺棄。
養動物前請停一停、諗一諗。
做足準備、搜集資料及學習正確對待動物的態度!"
Aby & Julie. Photo by Ali Bullock. All rights reserved.
Julie's blog: LINK HERE
|