Back to my blog or Go to my website
第一次揸綿羊仔出街,
雖然已著了中袖衫, 前手臂曬燶了。
太熱成身汗, 走左去pure沖個涼才行街。
烈日當空, 考電單車強制試~
考自動波的好處是人少少, 又多數是女孩子，
無論阿sir或考官都會特別溫柔,
聽見好多次"唔洗驚, 唔洗緊張..."
同學仔說我揸得好定,
須知老娘是心急無耐性的人,
揸既時候要自我催眠: "慢慢來... same speed..."
話時話, 今日本來都幾黑...
先跑到成身汗, miss咗shuttle bus,
要打的去考場, 的士叔叔仲wish me luck。
練完車小休, 買罐寶礦力飲又開壞左個蓋,
要阿sir用個銼同我鑿開... 好彩都飲到。
anyway, 我PASS咗嘞!
曬燶咗既傻人拎住張成績表在考場擺pose影相~
又凍又下雨, 又不能cancel booking...
還幸學校有防水褸及褲, 加上米芝蓮羽絨褸打底,
你見過一隻糉揸電單車未? XD
仲未戴護膝及護踭的糉。
今日強制課最後一堂, 練中期試要考的四個step。
1) 將車由起點駛至指定方格
2) 向左轉一個圈, 回到指定方格
3) 向右轉一個圈, 回到指定方格
4) 左或右轉一個圈, 加速駛過指定方格, 見紅燈即剎停,
熄匙下車, 再將車推到場外指定位置。
雖然在雨中駕駛, 但速度慢, 無乜問題。
只是個身太腫, 開頭有d唔慣...
anyway, so far so good~ ^__^
學神第二次出擊!
又是兩個女仔上堂, 今日溫習打８字, 打圈, 開、停...
新學加速直行, 然後睇燈急剎, 再打燈轉彎。
趁休息時影番張學神相先! XD
PS: 我已經放棄crea scoopy, 原來佢只有50cc。
學校揸既係yamaha future 125cc,
睇黎yamaha vino 125cc 可以諗諗。
雖然想要既意慾比crea或vino低, 但都要post下~ :P
dream bike 第3位: vespa lx150
橫豎post開, 將見過既crea scoopy圖放埋出來。
more crea scoopy info: honda
改良後既yamaha vino亦是我心水之一。
去佢既官網, 開宗明義為女仔而設, 顏色選擇多, 方便女仔襯衫。
more about vino: vino 官網 /改良前後比較 / 蘋果網報導 (有kozy坐vino照片)
睇番舊資料夾, 才發現自己四年前已經research過綿羊仔info。
當年心水車是vespa et 8 (外國叫et 4, 中國人愛意頭改叫8。)
可惜2005年停產了, 配件難尋, 現在由piaggio vespa LX150 取代。
more about piaggio vespa LX150/et 8: et8 停產報導/ et8評語/ LX150評語
kiki... 我現在比較喜歡honda crea scoopy,
不過在香港的綿羊仔website都搵唔到資料既! >__<
btw, 男貓奴話陪我一齊考綿羊仔, yay! 搵日要去駕駛學院拎資料先!
 嘩~~ 好可愛既scooter啊!!!
有朝一日, 我一定要考番個綿羊仔牌! 要在santoniri踩番轉!
1/日本honda最新crea scoopy limited
2/ 美國都有隻近似既設計叫metropolitan,
但車頭同顏色上有d差異, 日本既靚好多喎!
|
男貓奴考到車牌0勒! 
