Back to my blog or Go to my website
Page 1 of 4 »
簡愛愛同簡達達祝大家聖誕快樂! XD
2007/10/22
以前來曼谷, 都會先逛siam ctr及siam discovery ctr。
但開左paragon及central world後, 佢地吸引力大降。
anyway, 循例都逛一下, 睇下loft, 食下野。
lunch在siam ctr的greyhound吃,
非常喜歡其周打蜆湯, 好多蜆肉。
感冒未好, 人見暈, 午飯後回酒店休息。
晚上去一早book左的c'est bon吃法國菜。
由skywalk慢慢行過去, 都只是十分鐘。
去的全都是香港人, 好彩早去, 人多時已經食完走人。
1,100baht的九大"鬼", 驟眼睇好細碟,
食落好飽, 最欣賞是朱古力蛋糕, 好味到震。
2007/10/23
einstein, dali... 我們回來了!
2007/10/21
老公生日。吃過早餐便去泳池hea下。
下午坐的士去banyan tree做spa, 才60baht, 抵過坐BTS。
在香港已在網上預約好, 選了３hrs nomi nomi package。
早幾日翻睇meet the fockers,
才知道芭芭拉史翠珊差d拗斷robert de niro條腰骨個招,
原來就是nomi nomi!!! XD XD XD
一到reception, 服務員講解程序及叫我們選想做的facial,
仲送左個花花爉燭、orchid香枝及燭台給老公做生日禮物。
我們的按摩師叫nana, 佢帶我地換鞋後便入spa room。
nana就負責按老公, 我就由另一年紀較大的女人按摩。
佢地好力到呢... 我同老公都忍唔住叫佢地softer! kakaka!
磨沙捽走哂d老泥, 按完一大輪, 再做cleansing facial,
舒服的3小時眨眼就過~ 之後我地去休息區嘆茶吃生果。
我選了菊花茶, 老公飲lemon grass, 暖笠笠, 好舒暢。
我們在gift shop買了兩個香薰座及一盒champaka香枝。
交回feedback form, 我們上頂樓餐廳vertigo吃晚飯。
早兩日打電話book vertigo, 跟店員說是老公生日,
務必要窗口位睇日落, 不過６點半個太陽已經唔見左。
anyway, 夜景都好靚。
我點了鵝肝忌廉湯, baby chicken及peach smoothie。
老公點了牛尾湯, 三文魚扒及singha beer。
期間有侍應替鄰座澳洲夫婦用餐廳相機拍照,
但先是無電, 繼而無memory card, 我們都笑起來。
當侍應再回來替澳洲夫婦拍照, 我們前方忽然放煙花!
仲有心心pattern的煙花! *__*
侍應戲謔那是complimentary firework,
不過原來是慶祝一間bookstore opening。
吃到尾聲, 侍應唱住生日歌送上一個蛋糕給老公。
隔左一陣, 另一張檯又有一對夫婦收蛋糕,
他們的朋友向我們說, 原來是慶祝結婚40周年。
我立即說congratulations。
負責影相的侍應終於來找我們,
當我們擺哂pose, 無錯! 佢又無電了! XD
我們跟澳洲夫婦都笑起來, 然後傾偈。
講講下發現, 我同澳洲先生Jim都是10.14生日!
咁有緣份, 我們立即來個合照。
我們之後交換email, 遲d要send番d相俾佢。^_^
回到novotel, 檯上放上了一個小生日蛋糕,
老公宵夜有著落~ kaka!
放煙花+唱生日歌
2007/10/17
瞓到好晏至醒, 先去上網止癮。
海灘旁大把internet店, 只是無wifi提供,
拎部電腦插dsl完全無問題, 仲好快添!
上了大半句鐘網, 便又在resort吃飯。
ban's 的食物真真不錯, 選擇又多。
由於感冒未好, 都是吃個雞炒飯算。(好好味)
之後等dominic簽埋潛水logbook, 不過佢遲到,
便去reception 找乸型叔叔book船飛後天返samui。
dominic終於出現, 填呢樣個樣, chop埋印,
便發了臨時advance diving license給我們。
正式的遲Ｄ會寄來屋企。
在附近的pharmacy買左收鼻水藥,
便去酒店另一邊的泳池hea。(要過馬路的)
其實我們房間隔離都有泳池, 不過通常俾人學潛水。
黃昏時候我們去做馬殺雞, 今次不去orchid做,
而去了另一間地下面海的aleeta做, 景觀比上一間好。
員工英文不好, 懵盛盛咁, 初時老公都擔心佢地唔掂。
但我認為他們只是唔識做生意。
我又選了做 2hrs aroma oil + foot massage,
老公就做 2hrs thai massage + head & shoulder。
總收費比上一間平100 baht。
佢地手勢好好, 仲好好力添, 捏得好足, 十個正!
做完走覓食, 沿路走了5分鐘, 選了一間裝修幾靚的西餐廳。
我整天想著鋸扒, 結果選了吃牛扒, 老公吃煙三文魚。
之後打包了薯仔, 沿途餵下狗狗便回房。(呢度d狗真係好乖)
2008/10/18
吃了藥, 今日少左好多鼻水, 不過個人勁暈。
繼續睡覺, 老公就去樓下泳池曬太陽。
2時才吃午飯, 我們吃dominic 力薦的流動小販湯麵。
果然非常美味, 份量少, ０岩哂無胃口的我。
再吃了隔離檔的西瓜及串燒, 我們便在街上逛逛。
回程時非常暈, 回房間休息, 老公繼續落泳池hea。
明天要一早check out坐船去蘇梅再飛返曼谷了!
2007/10/14
連續兩日六點起身, 勁眼瞓!
是次行程, 蘇梅只是中途站, 目的是留一晚等船去龜島。
因此我們選了近碼頭的小小hip hotel: punnpreeda
沒有上次來蘇梅住的連鎖酒店豪華;
(不會俾兩間屋旅客: 一間瞓, 另一間做客廳及廚房。)
punnpreeda夠"骨止", 可入住獨立小屋, 不誇張, 啱啱好。
旅客少, 地方細, 一出房門便可獨霸小infinity pool。
而且小沙灘就在infinity pool旁, 方便得很。
泳池旁的餐廳亦不錯, 好sun-bather friendly。
曾睇過有網頁寫, 近七成泰國的diving master來自龜島。
加上朋友之前去過大力推薦, 話氣氛及見既野幾多。
昨日在punnpreeda book了sea tran船飛,
每日只有一班8am早船去龜島。(samui airport都可訂購)
一早車子來接我們, 同行的有昨日認識的挪威夫婦。
甫check out便下大雨, 好彩有帶遮。
不用3分鐘便到達碼頭, 停左雨, 買兩支水便上船。
(掛住拉行李, 事後睇相才知道上船時天空有彩虹!)
sea tran比想像中企理, 有mini bar, 廁所乾淨。
我們和挪威朋友在1.5hr船程中繼續吹水，
談中港經濟、挪威及香港稅制、
點分日本人、大陸人及香港人、
點分挪威人、德國人及美國人...
大陸一孩政策、內地孕婦來港、
挪威日照時間、當地政府點呼籲國民生多d...
挪威住屋同香港住屋比較、工作時間、
教育政策、天氣、其他地方旅遊推介 etc.
下船後, 龜島碼頭人頭湧湧, 車也多...
我們匆匆交換聯絡方法便分別了。
我們尾隨一位大嬸上左架後座無蓋的貨車,
便前往ban's diving resort了。
單看門面, resort很up dub, 但越深入的行,
原來別有洞天, 不是奢華, 而是五臟俱全。
七仔、食肆、潛水用品店、網吧...
全都在resort及沙灘之間的路。
我們預訂了ocean view suite,
有熱水、冷氣、雪櫃、電視及dvd player,
在咁raw的地方來說已經好好了。
由於忽然下大雨, 加上眼瞓,
沖過涼, 吃過外賣pasta, 寫下日記, 便午睡去。
黃昏醒來, 雨停了, 齊齊去樓下做massage。
我選了兩小時aroma massage加foot massage,
老公就做thai massage加foot massage,
兩個加埋才1300baht, 即是每人百幾蚊, 好抵。
之後在附近的店買左件紅白水玉bikini, 大スキです!
再去吃晚飯, 呢度d餐廳好得意, 間間都播戲。
我們選了一間正在播colin firth主演、有關caesar的戲。
期間不少狗狗在檯與檯之間穿梭,
牠們不是來討吃, 而在坐座地布梳化睇戲, 爆笑。XD
回房後我地睇HBO播superman。
明天一早就要上advance open water, 好緊張啊!
2007/10/15
一早吃過ham & cheese pita, 便去見教練。
我們要求廣東話教練, 一來方便老公, 二來貪會少人d。
我們的diving master叫dominic, BBC, 廣東話識講唔識寫,
quit左london份工去旅行, 然後在此教潛水, 遲d12月會返香港。
上了一會theory, 學下計diving time etc, 我計得好鈍~
我們扒了杯麵便上船, 由於食太飽, 穿上wetsuit已經唔太舒服。
我們首先來deep dive 30m @ chumpon pinnacle。
見到幾條鯊魚, 一些蘇眉, batter etc。
上岸後忽反胃, 嘔哂d杯麵出來... -___-"
小休50mins, 我們到red rock (hin daeng)玩multi-level dive。
今次dominic要我地自己搵路, 要潛過一個cave再潛番上船。
我呢個方向感白痴唯有靠老公... 老公好叻無賣我豬仔。
潛完個人謝哂, 回房間攤屍。
明天仍有3個dive, 真是唔敢食野了!
2007/10/16
一早不停打乞嚏, 包左成卷廁紙雲吞。
８點出海到Twins玩navigation dive。
要方向感白痴用compass搵路..
幸好只是跟教練爭5m距離, 算過左骨。
之後自己潛, 當然是老公帶路。
再開船往white rock做浮力測試。
捐過D四方形框框, 用呼吸器撞低d目標, 做倒豎衝。
兩次dive見過nemo, 蘇眉, 蝦, 魔鬼魚etc。
回resort吃午餐, 不敢多吃了, 吃了老公少少炒飯。
期間餵了坐隔離的狗狗吃雞肉。
佢既閃眼攻勢太強勁, 令人想起einstein!
令我忍唔住餵完一次又一次。
(btw, jeff少話dali呢幾日成日刮我地房門meow。
而einstein就自顧自玩米袋, 無理jeff少。)
休息幾小時, 晚上６點又出海夜潛。
趁出發前同主子影d沙灘相。
海面頗大浪, 我同老公都有d反胃。
anyway, 入左水會好好多。
首次黑夜潛水, 要用電筒睇野, 好刺激。
見了石頭魚、魔鬼魚及好長好尖的魚吃小魚etc...
潛的時候背脊有Ｄ野拮拮地, 上水除wetsuit後,
發現原來是一隻小蟹!!! (我們都笑左好耐。)
老公上水後終於嘔左出來。好彩我無乜食野, 頂得住。
(我潛咁耐水以來, 昨日是第一次嘔... 懷疑是感冒作怪。)
anyway, 明天不潛了!! 我地已經畢業o勒! *____*
我可以吃感冒藥止鼻水了。
2007/10/17
是日休息日。瞓到好晏至醒。
現在先上下網止癮。
一陣見dominic 簽埋潛水log book。
下午會曬太陽及做馬殺雞(massage)。
we arrived samui la! chat later tonight.
very hungry now, gotta finish my carbonara first!
7:45pm
back~ 吃飽後我們便一直在infinity pool浸下又曬下。
後來一位挪威男子Hovoc跟老公傾起潛水,
我們就一直吹水至啱啱, 再回房沖個涼吃燭光晚餐。
明天一早便啟程去海龜島賀魔君降世, 唔知個度有無internet呢?
samui punpreeda infinity pool~ fruit第一次來泰國呢!
e, 沙灘上又遇到兩隻白撞的貓~
ps: 老公一上機就掛住Ｄ貓, 話腦中湧現主子閃亮眼睛攻擊~
我今晚就產生錯覺以為einstein想入hotel廁所, 差d "no" 左出來!
兩公婆思覺失調嚴重!
一直都無影到kumasan 及 ayumisan 送的小禮物。
覺得kuma媽媽親手整的花布袋好靚, so cath kidston! XD
木製的鎖匙扣絕對是kumasan的signature item。
至於ayumisan送的自家薰衣草包包好香, 我之前一直都想買番個。
其實好慶幸今次選擇了呢兩間民宿,
雖然他們都不是我原來的first choice, 但住得開心。
位於深山峠, 擁有無敵十勝岳景觀,
幾百步可以行去深山峠薰衣草園, trick art musuem...
kumasan的地方很raw, 價錢相宜, 適合背囊友住。
用傻瓜機拍kumasan望遠鏡下的十勝岳, 仍在噴煙。
非常欣賞佢親手搭建的屋, main bldg 其中一條柱其實是棵大樹。
早、晚飯是自助餐, 吃過成喜思汗烤羊, signature pizza etc，
曾有男宿友話唔夠飽, 但我好受落多starch少肉。
我地見住kumasan及媽媽下午３點己開始準備晚飯。
本來影左Ｄ食物相, 不過大意format左張card, 所以無得睇。
不過好多香港人都住過kumasan, 要睇番Ｄ食物買相不難。
初時點解唔book聲譽良好的kumasan作首選呢?
因為我怕去旅行時見到太多香港人。你知啦, 香港人出名嘈。
但是次遇到一班好好的香港宿友, 友善, 寧靜, 不拘小節。
大家仲分享了好多有用的旅遊情報, 真是好。
至於kumasan是少數英文好, 又會少少廣東話的日本人。
溝通絕對無問題, 而且佢覆email快, book得快手又放心,
只要email confirm日子, 食邊餐, 幾多人就可以。
如果好彩, main bldg滿室, 仲有機會霸哂成橦副屋住。
我們入住second day時, 就有pair香港宿友咁lucky了~
至於ayumu pension是自己在網上找回來。
因為confirm了kumasan的木屋,
就想找間豪華少少, 近乎零香港人的西式民宿。
由於屋企無fax機, 我只能找接受online booking的。
雖然已預早兩個月book, 但找左幾間都滿室了。
結果問到第３間終於ok, 不過booking比較繁複少少。
(可能外國人的booking record不好吧!
成日book完唔去住又唔出聲, 令民宿蒙受損失,
所以設多d hurdles去保障自己是無可厚非。)
以下是我的book ayumu的procedures:
1. email 問指定日子有無房同幾錢.
2. 收到回覆後立即２４小時內confirm booking.
ayumisan 俾左個booking id我地,
要入住前兩日致電噏個id出來才正式confirm booking.
3. 過左幾日忽然收到ayumisan email,
話要follow日本政府新規定,
須索取我們的passport numbers,
如一日半內不能提供便取消我們的booking。
咁我咪即刻email俾佢, 佢亦多謝我咁快手。
4. 臨check in前兩天打電話再confirm booking.
兩分鐘搞掂。
到正式入住, 我同老公都有Ｄ意外。
比想像中正好多好多, 近乎豪華式民宿。
ayumisan是英文有限公司, 但準備充足,
好多野都有english menu教你點做。
食物方面不用說, 餐餐都是一百分, 健康, 美味, 新鮮, 有創意。
男士們請放心, 一定夠飽。(一分錢一分貨, 貴kumasan一半嘛!)
由於住的都是日本人, 氣氛比較拘謹。
當然不可不提可愛小狗福仔, 之前吸引我去book ayumu都是牠。
ayumisan真係好放心俾客人帶佢出去玩呢!
而執房的人對我家的roy都好貼心, 你地睇下:
2007/8/4
一早六點醒左, 在房內上下網, 然後又睡。
到九點幾起身去吃酒店早餐, 又繼續睡, 等商場開。
日本天文台果然準, 雨下個不停。
我們再去買了點porter東東,
本來想去samanatha thavasa再敗家, 點知想要的已無貨。
行左好多寵物用品店, tokyo hands頂樓及esta９樓都有貓狗睇。
仲買左個小型剪毛機及多舊除貓毛神奇海綿~
後來在esta 10樓的拉麵共和國吃拉麵, 是歷來最好味的拉麵。
拉麵共和國麵や雅, 掂!
在esta見到1:1 dobby!
地下街又見到dali poster.
今次行程買買埋埋的porter。我們已經看厭水玉headporter, 偏愛庶民版。
是日最令我興奮的一環, 就是在stella place 5樓見巨型cheburaska! 開心死我!
再買dd小cheb產品... 原來佢已經成為sony creative products一員!
這就是蘇共國寶的下場! anyway, 出唔出game先? *___*
今晚決定吃地下街的回轉壽司! 明天回港服侍主子!
呢篇日記好長, 請慢用!
-------------------------------------------------------------------
2007/8/3
是日早餐。
趁未check out前同福仔行街街。
check out上車前, 老闆娘ayumisan追出來給我們小禮物:
自家製薰衣草包兩個, 很可愛呢!
終於回到札榥, 在酒店check in後便去蟹將軍吃lunch, 一吃２小時!
我們點了這兩個set。
之後回toyota還車, 整花架車盛惠$1300, 老公說是交學費喎! 俾佢激死。
日本正受颱風５號影響, 明天可能打到北海道, 因此我們大抵會改行程,
不去小樽, 改在札榥shopping吧! kakaka! (橫掂上次都去過小樽, 無所謂啦!)
不過希望不要影響後日航班啦! 我要見主子啊!
晚上在uniqlo買左條skinny jeans,
在書店買左本無nana睇既cookies呻笨...
在地下街覓食時見到一張cheburaska海報, 說明天在stella place有function?
唔知佢寫乜, 聽日有時間去八下先!
在地下街行左兩間貓貓用品店,
結果在italia食堂醫肚, 有生雞蛋的carbonara~ 正!
去完internet cafe, 老公在酒店追看爆笑日劇"壽司王子",
我就超開心發現今晚呢間房是可以偷到wi-fi用, 發達啦!
-------------------------------------------------------------------
2007/8/2
八點準時去吃早餐, 先來一杯菜湯, 然後是烘熱了的麵包及main dish,
再來一杯茶, 醒神。
早前kumansan已提點是日會下雨,
因此我們早兩日已經完成所有富良野及美瑛的行程。
今次去的北龍町向日葵園比較遠,
因之前所得資料有限, 唔知原來近旭川, 所以要走番回頭。
用之前kumansan宿友提供的GPS number, 我
用了兩小時走國道到達北龍町向日葵園。
嘩! 雖然天陰陰多雲, 但勁多太陽花啊!
仲有鴕鳥及鴨子, 終於有個花園是沒有香港人了。
北龍町向日葵園
逛夠了我們便用GPS找地方吃, 原來在向日葵園隔離就是sunflower park hotel,
一駛到門口, 便被佢既龍門招牌懾住, 忍不住爆句: 嘩! 魔神英雄傳啊! XD
在鄉下地方來說, 應該是最高檔的了,
不過餐廳食物唔貴, 同平時差唔多, 味道ok啦!
吃飽了, 一上車無耐, 個天就下大雨來! 我們決定乖乖的回民宿休息。
(回程也用了2小時, 其間老公掛住望GPS, 衝了一次紅燈... -__-")
anyway, 我完好無缺的回到ayumu pension,
寫下日記吃下草餅, 便要吃晚飯了。
-------------------------------------------------------------------
2007/8/1
吃過homemade breakfast, kumansan又要我們抽籤, 原來是送禮物給我們!
我選了個由kuma媽媽整的花花布袋, 老公要了kumansan的鎖匙扣。
臨走前, 大家都跟kumansan合照。kuma媽媽仲摸一摸我, 話我件gap外套好靚!
8:35am到達富田農場, 無乜人, 爽啊!
玩到10點幾, 見一車一車大巴殺到才走人...
之後懞盛盛以為去左彩香之里, 到吃午飯時才發現原來那是町營薰衣草園!
anyway, 在町營薰衣草園坐吊車上山睇薰衣草, hea左一陣無乜野睇, 便下山。
入過油後, 我們輸入GPS打算去町營薰衣草園(仲未知自己搞錯地方),
點知去番之前既location...
在疑惑重重之時, 我們決定在附近的北之咖喱工房Kirara醫肚先。
問過waitress才知自己已經去左町營薰衣草園,
反而未去彩香之里, 好彩都是在附近。
阿Roy, ra & re 在Kirara
起程去真正既彩香之里, 好彩搞錯了~ 原來彩香之里勁靚勁少人。
由佢來做富良野花田遊的壓軸是最好。
嘆夠花海便去芝士工房。地方細, 芝士種類太少... 真懷念荷蘭的芝士廠。
買了樽牛奶及小cheese cake在花園吃。再往前面的羊欄同羊咩咩玩左陣便走。
臨去中富良野的民宿前, 我們先往便利店入貨。
離開時, 老公又唔望左右, 只顧住睇個gps,
唔喝住佢停既話, 差d俾右面來的車撞... 激死...
(仲有兩日捱架... 唔好再犯錯啦, 唔該! 我仲要見einstein同dali架! )
沿著花人道237, 在鹿討車站附近就是我們的中富良野落腳點Ayumu Pension。
貴kumasan一半, 但典雅細緻的設計, 非常女性化及令人舒服,
同kumasan咁man既的屋形成強烈對比。
迎接我們的, 是福仔(7歲狗女)的吠聲。
佢係Ayumu Pension既吉祥物, 仲有個online photo album呢!
老公泊極都泊唔好車, 老闆娘Ayumisan替佢泊, 一野搞掂, 型啊!
我們住"綠"室, 好大, 地面有twin beds, 仲有個閣仔及樓梯, 上面可以訓塔塔米。
窗口直望綠油油的花田及山景, 設備充足, 雖然都是share toilet及浴室, 但好靚。
由於滿室, 入住的全是日本人, 好多是一家大細, 有見及此, 我們提早沖涼。
6pm吃晚飯, 有soup, starter, main course, dessert,
非常悉心安排, 超飽肚美味。
連從來不吃蕃茄的我, 也吃了好多, 很甜美爽口新鮮, 完全無酸味。
吃完飯, 我們去後門找福仔。職員仲問我們拖唔拖佢出去行下, 當然好啦!
福仔一見人放佢, 開心到跳下跳下, 我一拖佢就一支箭標出去!
我摸佢一下屁股便會sit, 唔覺意階到佢既肚仲立即反身俾我地玩! 超乖啊!
我們仲笑einstein分分鐘肥過福仔, 不如拐埋佢番香港~~ :p
-------------------------------------------------------------------
2007/7/31
正式開始explore美瑛之旅, 吃過homemade breakfast, 我們便去開車。
老公在kumansan carpark倒車時, 撞花左宿友既車。
(當時我在車外, 叫都叫唔切... -___-" 真是罪過... 搞到人地...)
我們便立即通知kumansan及有關宿友... (佢地都是租車既。)
kumansan非常pro, 立即記下現場資料, 幫我地駛番開架車,
仲替我們畫了張圖及撮要事發經過。
結果我們和宿友拎住張紙, 依租車公司指示去中富良野警署備案。
(幸好宿友的日文非常好, 同日本警察溝通無問題, 我們很快會搞掂。
不過搞到人地遲左成個鐘去富田農場, 真是非常內疚!)
再三向宿友道歉後, 我們開始去睇花, 但應該可以想像我塊面黑過隻鑊!
由於差館近日之出公園, 我們便先去那兒, 那本來就是我預定今日第3站。
泊好車, 我們行上山到達展望台, 一大片薰衣草花海就在眼前, 無乜人, 幾好。
日之出公園
下一站四季彩之丘, 可以租golf car/ATV/tractor四圍行, 幾多花臣。
我就走路已經夠, 地方不是大到行死人嘛!
後來開始多人, 我們便掃手信及往飯堂吃天婦羅飯。
四季彩之丘
吃飽飯去Kan之Farm, 就在kumansan附近, 是我這天最喜歡的花場,
小巧精緻, 呆在那兒好一段時間, 在小店舖買了束花送給宿友賠罪。
之後遊trick art museum, D 畫幾得意, 不過好快行完。
trick art museum
回到kumansan, kuma爸爸專誠睇住老公泊車, 真周到。
我就踢左老公去對面街鋪頭買密瓜請大家吃賠罪。
由於早左返來無所事事, 我們便在民宿拍照。
其間老公仲替kumansan搬檯, 好重哩!
晚上我們在kumansan度買左包煙花, 同其他香港宿友一齊玩。
原來燒煙花是女士專利, 男人們都是負責幫手影相!
燒完煙花, kumansan較好telescope, 讓我們近距離睇月亮。
-------------------------------------------------------------------
2007/7/30
吃過豐富的早餐, 我們便check out乘的士去toyota拎車。
那兒的職員英文唔掂, anyway, 拎左車便算。
一上老公架車, 就開展我既觸目驚心之旅,
真唔明白佢點解可以拎到driving license。
(佢既絕招包括轉彎時用力踩油, crossroad唔望左右,
泊唔好車, 唔專心而駛歪架車etc...)
輸入GPS, 往旭川既旭山動物園, 我們便由expressway離開札幌了。
經過兩次中級危險的經歷, 包括踩油轉又急又窄既彎,
以及無望路面, 在公路由左線飄左去右線都唔知... 結果終於到達動物園。
旭川天氣比札幌熱多5度, 有成23度, 仲好曬添!
外觀上以為旭山蠻"up dub", 但實際入到去, 喜歡到不得了。
design及安排非常好, 就算是超多人, 但一點也不用久等, 很快可以看動物。
我們先後睇左海豹、北極熊、棕熊、leopard、黑豹、
獅子、黑猩猩、皖熊、企鵝、仲有大量貓頭鷹~
北極熊交足功課, 仲係我地而前示範peepee! kakaka!
在旭山由11點幾玩到下午3點, 雖然未睇哂,
但都要出發往美瑛了, 費事太夜到達。
輸入trick art museum的GPS number, 我們又開始駕駛。
老公臨尾整鋪杰, 發現爭d駛過trick art時, 忽然扭軑轉入去,
搞到大V turn剎車。好彩附近無人無車, 唔係就杰。
但佢竟然仲夠膽死若無其事話"無野啊!"; 架車仲未停好向下溜都要我提。
呢個時候我終於爆發小宇宙, 用中高級凶狠語氣,
問佢究竟知唔知自己做緊乜 ...呢個時候佢先會認錯!
anyway, 襯我未殺佢之前, 我下車去找預訂了的民宿峠のkumansan。
原來在trick art旁的深山峠展望台是可以見到kumansan的巨型儲水塔,
上面仲有佢既熊logo。
我們駛回trick art旁的小路, 5點幾就到達kumansan了。
一如好多網友所說, kumansan風趣好客, 英文廣東話都ok,
整幢房子是他及爸爸自己一手一腳建造,
好raw, 很有風味, 仲好配合大自然, 佢仲有自己既小花園種野及養雞、羊、兔。
kumansan介紹了設施後, 便要我們抽籤住邊間房。
我們抽了1號, 是main building 上層向公眾露台, 不會太光, 亦有陽光, 幾好。
是日有12位香港客, 晚上7點半吃kumansan住家菜。
由於人多費事排隊, 吃飽便馬上洗澡, 基本上幾時都可以沖涼,
只要出聲叫kumansan開熱水涼就可以。
之後回房用macbook看早前在澀谷HMV買的"耳折貓兄弟"dvd,
一路睇一路說: "啊! dali啊! 啊! einstein啊!" 看完睡覺。
(晚上夢見朋友阿pow來了民宿同老公傾偈,
我見到佢便說不如你駕車啦! 我唔想再坐老公既車!)
2007/7/27
凌晨4點幾俾老公嘈醒, 訓唔番。無所謂, 橫掂都要一早去築地。
六時半, 我們便乘車去築地市場, 在地鐵站門口已經聞到一陣陣的魚腥味。
沿路經過本願寺, 見到好多小型運貨車同街走, 好得意。
是日32.7度, 陽光普照, 有點焗, 到達市場用有限日語問路, 終於到達壽司大。
多人到呢~~~ 要我跟三十多人在沒瓦遮頭的大路上排隊, 傻啦!
隔離大和壽司都好出名, 排不多於十人, 又不曬, 我當然想也不想便走去食大和。
排了廿分鐘都無, 便進入豆潤咁細的店裡,
點了special set, 師傅即握即放上檯, 正!
由於太熱, 我們在築地市場逛了十分鐘便逃到麥記嘆冷氣、飲可樂。
漫步由築地走到銀座, 經過歌舞伎座拍了些相, 我們往apple store潮聖。
design真係型到爆, 四樓任人上網, 三樓是映院, 其他是賣野,
架lift好cyber, 無制既, 層層停。可惜apple store賣既野唔多,
macbook carrier仲少過旺角電腦中心... 全都是黑色... 失望!
but... 我當然不放過上網機會, 留下言俾jeff, 八下貓貓近況~
(einstein, dali竟然唔願俾人梳毛...
通常一拎把扁梳在鼻前, 佢地會自動抬起頭的。
anyway, 唔好夾硬疏...
或者襯佢地不為意時輕輕梳兩下啦! 感激jeff!)
別過apple store, 我們逛了鳩居堂,
toy park及sony building, 普通啦~
只是在toy park買了少少同事要求的手信及一套licca衫,
2件leggings俾rune。我們由有樂町坐JR到原宿,
先行竹下通, 例牌必行cola collections。
佢門口掛左件cheburaska tee, 我當堂雙眼發光, 即殺!
之後在pet paradise買了兩件collar俾主子,
老公笑說佢地實寧願唔要。:-P
去到head porter, 購買意慾是零...
覺得在其他地方見到的普通porter仲靚。
行埋kiddy land, 心思思唔口知仲有無cheburaska東東賣...
(因為早前有版權問題而停出merchandise...)
在三樓見到一堆小cheb merchandise, 開心到好似中六合彩! 殺到血流成河...
累了, 到原宿站前的to the herbs吃美味pasta, 嘆冷氣...
叉左一陣電便去代官山。三年沒見, 代官山靚左。
首站baby the stars shine bright, 地方小得很, 速逃。
飄移到cath kidston, 賣家居第品多, 有少量book bags,
但不是我杯茶, 竟空手而回!
當然循例去junie moon, 新店大得多, 好多BHC的衫, indoor display亦很特別,
約三十個blythe on the way 去爬上一張人用的床,
當中有幾隻已經得逞, 包括ssd。
早前在秋葉原已經殺盡b東東, 只買了一本書便打道回府。
Tsukiji sushi super delicious! / surf internet in apple store/
lunch@to the herbs. / many chebs in kiddy land/ rabbits in toy park.
Ginza & apple store
harajuku, daikayama & shibuya
是日戰利品
-------------------------------------------------------------------------------------
2007/7/26
凌晨5點幾扎醒, 好鬼掛住d貓。
典左好耐再睡... 夢見einstein及dali會好似人咁企起身走路...
9點幾醒來, 吃過美味早餐, 便去HMV, Jam01, 藥, Parco, Gap...血拼。
1,2,3: yummy breakfast and awesome view of shibuya.
5: dinner at shibuya 築地回轉壽司
在HMV的寵物documentary一欄一發現一隻講摺耳貓兄弟的dvd, 好似dali, 即殺!
宇宙百貨及samatha thavasa果然夠邪惡, 我幾乎唔想走...
好可怕! (現在仍然心思思想買多一個袋!)
由於仲好飽, 午餐只在starbucks吃少少, 順手上網...
Jeff在上班, 不能問他貓貓情況....
(心忖第日屋企不如裝閉路電視... 等我可以隨時上網見到貓貓...)
下午去了秋葉原做電車夫婦...
一出JR便下雨了~ 不緊要, 我們都是行indoor吧!
原本以為是老公大豐收的好地方, 卻反而俾我殺左好多blythe東東!
radio會館蠻多玩具及動漫畫,
頂樓海洋堂是必去地方! 我仲抽到一個粉紅色unazakin!
(我已經有兩對新郎、新娘及粉藍色, 只欠一個橙白色的...)
比較失望是秋葉原比較少款項式notebook carrier賣, 全都是黑蚊蚊, 好悶。
not my fault... it's just becoz of the evil place...
lots of toys in Akinabara!
晚飯回涉谷吃築地壽司, 可能俾板前、羽、Tei寵壞了, 已經無左以前驚艷感覺。
30分鐘吃7碟壽司, 一點都不困難,
但我們前面坐了一位典型披頭散髮、肥胖四眼電車男,
一個人已經吃了廿多碟野, 差不多所有好野俾佢截哂!
帥傳一握好壽司便給他拿去... 可惜沒拍下來放上youtube...
亦好彩佢早走過我地! 吃飽壽司, 乖乖回酒店休息。
是晚電視播撈金魚決賽, 靚仔小朋友vs醜樣大叔,
世界好公平, 結果大叔贏左。
-------------------------------------------------------------------------------------
2007/7/25
坐飛機時, 全機爆滿, 同機仲有一隊香港少棒隊,
其中一位過度活躍的小朋友坐在我們隔離。
他應該是第一次坐飛機吧... 麻煩得很,
經常要行出行入, 不時站起身找空姐...
最後, 我啤住佢話: "唔好再行出行入, 我會多謝你。"
之後佢就乖番d, 只是去了一次洗手間。
今次JAL的空姐姿色令我極度失望、接近驚嚇...
是史上遇到最醜陋的空姐...
我們初段竟由一位好似有厭食症的日藉老人妖來serve!
非常輪盡... 是旺季唔夠人用嗎?
完全破滅左我一向認為JAL空姐是最靚的想法...
好彩之後有個可愛的香港空姐replace左佢...
到達成田機場, 以為咁滿一定有排過關,
點知是破紀錄的快, 幾乎不用排隊, 爆大冷。
我們去買narita express車飛,
烏sir sir問票務員仲有幾耐先有車, 點知只剩2分鐘!
我們搶過車飛, 便抽著行李飛奔落月台...
0岩0岩好架車就到... 日本火車真是超準時。
在酒店安置好行李, 極速在博多天神食過恨左3年既拉麵...
已經不見以前的中國員工, 麵質也改變了,
不過芝麻、蔥粒、湯底、叉燒依然好味。
吃罷我們便依照原定計劃去找disney store買翌日的入場券...
沿路上, 我們才發現想去迪迪尼的意慾竟跌破新低...
到了disney store門口, 我們決定唔去了! hahaha!
跟住我們在澀谷血拼一會, 單是獃在loft已經一小時,
有很多靚靚postcard~ 之後再往其他店子逛逛, 已經9:30pm,
走到tokyu hands, 嘿! 未到十點便落閘...
遂走去book 1st打書釘, 好多正書, 不過好大本、好重, 都是不買好了。
之後買了mos burger外賣, 回酒店一路吃宵夜、一邊睇d搞笑節目,
節目用hidden camera影低一班咸濕仔
偷昅性感女郎過程及手法, 非常精彩! hahaha!
|