Back to my blog or Go to my website
« Page 2 of 4 »
媬姆Jeff... 雖然你有豐富經驗照顧福頭...
但請乖乖地跟足咱家十二戒, 番來我會好好獎勵你~ 
1 / 千萬、絕對不准開窗
2/ 出入門口要留神, 不可給貓貓出走
3 / 不准夜歸或帶人入屋
4 / 不准亂放危險品, eg朱古力、膠袋、牙簽、棉花棒或其他可能被貓貓誤吞的東西
5 /不准餵貓貓吃任何零食, 只可餵乾糧(一早一晚, 每兜兩匙)
6 /每天必須清砂盤、添糧、換水兜及梳洗
7 / 不准讓貓貓入禁區, 例如廁所及廚房, 無人用一定要上鎖, 他們曉開門。
8 / 書房只作有限度開放, 無人用一定要關門, 佢地會咬電線或偷野。
9 / 有乜唔妥立即帶貓貓睇醫生
10/嚴禁整蠱貓貓,如果佢曳, 可用噴水壺
11 /不准大聲焚機, 嚇親貓貓
12/出門口要開風扇俾貓貓, 得閒就吸塵
我知你一向都好乖既, 得閒在cbox匯報貓貓近況我知喎! 錫哂你啊~~~~
謝謝!
沒去看軟硬演唱會不緊要, dvd有埋好多嘉賓環節既輯錄, 3隻碟, 抵!
最爆笑是高山青龍個part~ kaka!
dali: "大膽勺民! 竟敢坐在我地既床上, 該當何罪?"
roy: "0下? 我係度住左5年喎... 係你地擅闖民居咋喎... 你地張床係廳啊!"
einstein: "可惡... 今晚跳上去咬甩佢個頭先!"
當年...(8月)
今日...(12月)
dali見親阿roy都會舔佢隻耳仔, 好好笑~
終於搬好左website既野去新網頁公司~
唔駛再捱geocities既廣告勒~~~~~~~~~~~~~~~~~~
過多一排才認真的大改吧!
新公司唯一唔好就是無得有免費sub domain names,
所以全部副頁都要改名! (要逐版改...改死左我...kakaka)
例如blog既新url就是 http://www.tinywitch.net/blog
旅遊版就是 http://www.tinywitch.net/travel
而msg board就是 http://www.tinywitch.net/msg
其他版既url都改哂, 敬請留意。
現正研究移植呢個blog去新既web space,
如果成功, 網名會繼續沿用http://www.tinywitch.net/blog
再次多謝顏太幫忙, 真是好感動~~~~
是夜單挑血拼, 一口氣買了草莓床及大砂盤。
所有野都是自己坐地鐵托返屋企~ 果然孔武有力!
sonasi: pet paradise草莓屋啊!是預祝我生日的禮物嗎? (不是啊...)
roy... 狗係唔用砂盤架! 出番黎啦!
沒出色的三色貓是我們在outspan等吃飯前最佳娛樂。
接近中午時, 佢古古惑惑的從花園出現, 非常0爹人。
後來埋位吃飯, 終於悉破佢既目的, 就是想人俾野佢食。
好啦, 你咁識做, 我唔會待薄你既~
點解無出色? 見邊個餵野食就去邊, 非常看風駛...
今次去東非, 全心全意睇動物。
買野? 不用了, 費事拎。睇土人? 不用了, 費事煩。
在"吾哥"見識過一堆蝗蟲似的土人蜂湧至一批老外的四驅車外...
我比較喜歡自閉, 真係唔洗客氣。
入住樹頂酒店前, 要先在outspan hotel check in及吃午餐。
英式殖民風格酒店, 花園非常牛津feel, 有孔雀又有貓玩, 幾好。
這是lunch buffet的土人擺設, 勝在唔煩, 幾好。
去outspan途中, 在thompson's falls先留影。跟住在outspan的花園玩左一陣。
臨去坦桑尼亞前, 我們在mt kenya safari club 抖左一日。
住的是有花園的suite, 有火爐大廳的套房。
(呢度好凍, 我要turtle neck冷衫加fleece風褸才頂得住。
晚上有人會來房間點著火爐, 睇住d木燒到啪啪聲, 好得意。)
上次老公出差同小熊小b拍過的火爐照就是源於此地。
休息日不用坐車, 徒步三分鐘就是動物孤兒院, 一玩就四個多小時,
然後黃昏時走去玩迷宮。
千禧迷宮2000年啟用, 個人認為難度是零, 十五分鐘完成, 完全無走錯路。
說穿了, 地圖都不用看, 只要看哪條路比較多腳印便可以了~ 嘿嘿!
背向迷宮來張合照!
- 黑白疣猴篇 -
嘿嘿! maggie終於出場了。
maggie唔係指顏太, 係我在animal orphanage遇到的黑白疣猴 (black & white colobus)。
動物孤兒院大致分為四部分, 分別是院內、獵豹產房、保育區及繁殖區。
無峰駝及maggie是院內少有沒有用圍欄/籠隔開的動物。
奇就奇在, 馬騮出名八厭兼醒目, 唔可以同人類太接近, 否則好易教壞佢,
點知maggie卻可以悠悠地在院內四圍走, 無人管。
我發現maggie時, 佢在黑白疣猴的大鐵籠前面坐定定。
一問之下, 原來maggie一早已經在孤兒院畢業, 放回野外,
點知佢掛住班friend, 成日走番來探佢地。
久而久之, 佢成為孤兒院的親善大使, 個個遊人都同佢玩,
我個人認為佢都係唔適合到野外生活了, 留係度開心好多。
|