cardboard spirit

tinywitch — Sat, 29 Sep 2007 14:30:00 +0000

疼牠, 便想和牠時常在一起。
有人會選擇犧牲自己, 索性永不去旅行。
亦有人選擇安排可信賴的保母代為照顧,
帶著紙板貓去旅行。(肉體上分離, 靈魂仍然在一起! kiki…)
剪荐今期jessica code, 以作留念。

hair remover

tinywitch — Mon, 17 Sep 2007 02:10:00 +0000

今日同主子大清潔及剃毛,
終於用了札榥買的pet hair remover。
果然幾好用, 抹幾下就捽走在梳化上的貓毛。
在貓檯試用效果: 捽走哂d千年貓毛。

wuying union

tinywitch — Mon, 20 Aug 2007 03:10:00 +0000

聽見可愛的vanb妹妹呼喚, wuying巫出動!
攝於富田農場巨型太陽花花園。

hanabi

tinywitch — Tue, 14 Aug 2007 02:30:00 +0000

今次旅程的theme就是花及花火。
在隅田川看花火是不夠喉的,
入住kumasan的旅館時,
己經虎視眈眈他掛在牆上的”花火教育委員會”。
結果在kumasan的最後一晚,
用1000yen買左佢, 叫埋成班香港宿友齊齊玩~
“花火教育委員會”比起國產龍吐珠爭太遠了,
不過成班人在kumasan的停車場玩得好開心。

farm-visit strategy

tinywitch — Mon, 13 Aug 2007 03:00:00 +0000

看富良野及美瑛花田, 當然要揀好時間及花田。
睇勻各門各派的blog, 去flower land的價值好低,
要收費都算了, 可是往往是令人最失望… 無乜花睇。
本來都諗住去下無妨, 不過kumasan的幾位宿友都呻笨叫我唔好去,
咁我就聽大家話了。
以下介紹的花田, 全部免費又正。
比較旺的, 如富田農場及日之出公園,
駕車的就早少少去, 否則好難搵位泊車。
之前曾見有網友說旺季期間５點幾、６點去富田農場最好,
可避開人群… 之後才回民宿吃早餐。
但我同其他宿友總結是, ８點半到達富田也可以, 人也不多, 影得好爽。
不過人潮約十點殺到, 吃杯雪糕就好走人o勒!
另外因為富田是最大最靚的花田, 我就留番最後一日至去,
費事睇完對其他花田失望。
去完富田, 趁賞花人流最多時,
去富田隔離的町營薰衣草園最好。
遊人少, 坐吊車上山睇下薰衣草及富良野景色幾好。
如果坐JR, 可以拎町營吊車discount coupon, 宿友說任拎o架! (其實都不貴~)
另外, 如果沒有駕車, 可以利用町營吊車上山,
再行過去山既另一邊彩香之里,
比起由山腳行上去, 慳好多腳骨力!
彩香之里感覺較不商化及自然, 搵o岩少人既時間去最好。
何謂少人時間呢? 除左一早, 就是lunch time了。
當一班蝗蟲在醫肚時, 你便可以獨霸成個花田, 爽啊!
lunch預早12時吃, １點至2點半遊熱門花田, 便無問題了。
日之出公園好大好大, 白色結婚拱門夠浪漫, 一早８點幾、９點, 襯人不多時去吧!
花田另一邊山腳, 近停車場, 有唔少營地, 很特別。
誠意推薦Kan之Farm,
雖然好多地圖無介紹, 如果由旭川駕車至花人道237, 一定會經過。
(好近kumasan)
小巧精緻的花田, 一小山的薰衣草, 路過的車總忍不住駛入去八下。
我就在這花田hea左好耐, 真的好舒服。
至於四季彩之丘, 適合有小朋友的traveller。
夠大, 可租golf car或ATV, 又可乘tractor兜圈。
景色好靚, 連精品店的貨品選擇也很多, 非常方便。
而深山峠薰衣草園, 其實好細, 但超近kumasan及trick art museum,
想一嚐獨霸薰衣草園及小小太陽花田, 又咁o岩路過, 可以玩下。
至於偏遠的北龍町向日葵園, 是絕對絕對非去不可!
可惜我去那天天陰, 否則d相會正一百倍!
有太陽花迷宮, 有鴕鳥 etc, 無限大一塊又一塊的太陽花田, 很值得去。
彩香之里 & 富田農場

北龍町向日葵園

四季彩之丘

旭山竹動物園, 日之出公園, trick art museum, kan之farm

日之出公園

tinywitch blog » TRAVEL japan

cardboard spirit

hair remover

wuying union

hanabi

farm-visit strategy