繼續hea，好晏先食早餐。
食完遊酒店裡的景點，拍拍愛因斯坦及差利等住過的房，
再睇埋hbo 既godfather及tropic thunder 至出門口。
打的到南京步行街，
吃過橋香園肥牛米線便坐地鐵去浦東世博五號閘。
今日遊園主題是: “邪惡亞非”…
呵呵，即是專揀d可以秒殺的邪惡軸心國，亞洲及非洲國家行。
上半場秒殺了伊朗，北韓，馬爾代夫，蒙古，孟加拉，
吉爾吉斯，越南，伊拉克，老檛，緬甸。
中場韓國館休息吃烤牛肉及石頭飯，
再上天台影黃浦江及世博夜景。
下半場坐巴士轉戰非洲，秒殺了南非。
由於主辦世界杯，館內外都播波，氣氛好好。
埃及，突尼西亞，阿根廷，阿爾及利亞(比想像中多野睇，唔錯)，
安哥拉，尼日利亞，利比亞… 卡達非門口張相正到爆!
非洲聯合館﹣包括埃塞羅比亞，肯亞，坦桑尼亞等，
亦有不少錯發生種族屠殺的國家都有擺檔，如盧旺達。
端午節，怕人多，在酒店hea到下午至出門口。
先到南京步行街的353廣場吃上海菜，然後坐地鐵去世博。
如之前一日一樣，都是由浦西二號入口，
進園先見震旦館，個名咁抵死又不用排，
入去睇原來震旦係集團名，都是睇下玉etc。
本來想去可樂館，要排三小時？傻啦，影下門口算。
跟住去未來館，排左不用十分鐘，仲有野contruction緊，
唔係好未來，都是sell sustainable city concept，
勝在臨尾有個大芒睇卡通，冷氣夠。
本來想坐巴士去轉免費地鐵過浦東，
點知parade封路，慢慢行，
沿路秒殺了國家電網館，
有堪稱整個世博園唯一360度睇映像，還不錯。
睇完行出去不遠處便可坐地鐵，好吉好舒服，不用等船咁甘。
一到浦東，先殺澳大利亞後欄，
再秒殺汶萊館（估唔到咁有錢竟然整得咁寒酸)，
印度尼西亞館 (地方大，不用排，quite nice)，
柬埔寨館(三分鐘行完，揾唔到有窿既樹)，
新西蘭館(個花園真真不錯，好refreshing)。
跟住秒殺太平洋聯合館，個度有好多陽光與海灘名勝，
一個地方蓋了十二個passport印，好滿足，lol!。
再秒殺色彩繽紛的塞爾維亞館，拉脫維亞館及芬蘭。
走回歐洲廣場，一班芬蘭男choir在唱歌，
intermission時溜了去白俄羅斯館，
超喜歡個度d畫及display，很歐洲風味，
老實說好多細館仲有心思，
不會像光是用投影或電子影像的大館，有風味得多。
旁邊的波黑館充滿小朋友塗鴉，亦很可愛。
尾站捷克，布置得好creative，
亦有standard的名勝replica，又不用排，非常去得過。
玩夠坐地鐵轉的士返酒店樓下的酒吧 ，
睇世界杯—瑞士對西班牙兼食野。
由於瑞士龍門同龍門框表現太出色，我幾次忍不住大笑西班牙，
想起來滿場都是西班牙，我真是沙膽，kakaka!
無錯，明知山有虎，偏向虎山行!
就係咁，如期六月闖世博。
今日有雲同少少太陽。
坐地鐵8號線到西藏南路站，
十點從浦西的2號閘入，不用五分鐘便進園。
一入去先拿地圖，便坐巴士去城市最佳實踐區。
下車先去創意大廚房買passport，盛惠三十人民幣一本。
跟住就去馬德里，巴塞同畢爾巴鄂蓋passport印，(不用排隊的。）
好緊要架，因為儲夠三個便可以行捷徑入西班牙館!
沿路順手行了(兼涼冷氣) :
博洛尼亞案例，深圳案例，布拉格案例，大阪案例，巴黎案例，
香港案例，弗萊堡案例，不來梅案例，利物浦案例。(全部無排隊。)
中午排隊等了約一小時坐船返浦東。(焗坐，因為地鐵好遠。)
一下船，多人到呢，
我當然不會傻到又去排巴士。
問過義工，去尼泊爾館後俾十元人民幣，
買票坐七人車直去美國館，
唔使行又唔使等，good!
一落車，有運到，好快湧左入法國館，呵呵!
說實在，人多，鋪排得幾有mood都無用。
都是看看projection有關 LV, 鐵塔 etc。
最正還是再見我最愛的”青銅時代”，一年一會， yeah!
行完法國館，去俄羅斯館醫肚，
食飽hea夠由餐廳後門入場，
俄羅斯館好alice in wonderland,
十個like啊! 食四百幾蚊係抵既! Haha!
本來想影盧森堡時，
響起好似迪士尼parade的音樂，
本能驅使衝到馬路旁，嘩! 山寨parade啊! 又幾好睇，lol!
跟住帶住護照行捷徑入好高更feel既西班牙館，
呢個儲三個印仔玩法真係功德無量!
西班牙館壓軸是巨型bb， 會郁會眨眼，堅!
被土耳其館的雪糕吸引，但才剛病好，還是不敢吃，
反而行左入館，原來係不用排，真好。
六點幾去比利時館吃晚飯，食完便到館樓下逛逛 。
探完藍精靈便又見parade, haha!
parade完，見希臘館無人便秒殺!
白天一些排到顛的館，晚上少人得多，看看丹麥館，
不是太多人，十分鐘便入到去同美人魚say hi!
雖然佢有單車借來踩上頂樓，咪玩啦，仲要上斜喎，
hea行上去算。
繼續秒殺了瑞典館 (同ikea 展覽無異 ，kaka!)，
烏克蘭，匈牙利館，阿塞拜疆館(貪爆笑)。行完由七號閘離開，
走了約十五分鐘便找到地鐵，便打道回府。
